Matheyo 5:12 - Emakhuwa Bible

¹² Muhakalale ni musarihiwe ni ohakalala, niwoko ntthuvelonanyu nri ntokotoko wiirimu. Yaahaasoonda mooteene yoowo maprofeeti yaakhala muhinaaye nyuwo.

Matheyo 5:12 Iomraidhean Croise

Epacerero 15:1

Vano, vahoolo wa yeeyo Yave aahiixoonihera wa Abraamu, anamweerela: “Muhoove Abraamu, Miyo ti yoowiixaakiheraanyu, ni munookhalano ntthuvelo ntokotoko.”

1 Mamwene 18:13

Pwiiyaaka weeraka khamwiiwale yeeyo kaapankaaka Yezebeli awiivaka maprofeeti a Yave? Kaahaavitha maprofeeti ncira a Yave mmakukhuni meeli, miloko mithanu wa khula nikhuku, kaavahaka yooca ni maahi.

1 Mamwene 18:4

Yezebeli eera awiivaka maprofeeti a Yave. Obadiya aahaathukumanyiha maprofeeti ncira, anaavitha mmakhukuni meeli – miloko mithanu wa khula nikhuku, annaavaha yooca ni maahi.

1 Mamwene 19:2

Tivawo Yezebeli aamurumihenlaawe Eliya namutthenga, amweerelaka: “Miluku sikittaruxaxe omaalo ehuhuweene yeela kaahipakela okumaanyu yeeyo mwaapakenlaanyu maprofeeti.”

1 Mamwene 21:20

Ahabi aamweerela Eliya: “Vano mookiphwanya, mwiittanaaka.” Eliya aamwaakhula: “Kohoophwanyani, niwoko mohiithumiha mpakaka yoonanara vamaithoni wa Yave.

1 Mamwene 22:8

Ahabi aamwaakhula: “Ookhala nlelo mprofeeti mukina ookwana omukohakoha mwaha wa otthuna wa Yave, mene miyo kinoomuthanya, niwoko khanakileele itthu sooreera; onkileela soonanararu. Owo oniitthaniwa Mikaya, mwaana mulopwana a Imela.” Yehoxafati aamwaakhula: “Amwene, muheere hiiho.”

2 Mamwene 1:9

Vano mwene aamurumiha mutokweene a anakhotto miloko mithanu vamoha ni anakhottwaawe omwaasa Eliya. Mutokweene ole aamphwannye Eliya akilaantheene vasulu nttumuxa, anamweerela: “Mulopwana a Muluku mwene onoolamulani: ‘Mukhuruwe!’”

2 Nyaha 16:10

Mwaha wa yeeyo, Asa aamunyoonyeriwa namoonihera*; aanyoonyaxiwa mpaka olamulela otthukiwa. Ehuhuweene yeele, Asa aahaahasula moololoni akina akina a muloko.

2 Nyaha 36:16

Vaheera awosa yaahaatthebwa anamitthenga a Muluku, enanyoosa maswaawe, ewuulihihaka muru maprofeetaawe, mpaka isara sa Yave opattela mulokwaawe, ni khawaariworu osemba nthorihelo.

Nehemiya 9:26

Wa soothesene, yaari oohiiwelela yoovaanyakani. Yaarera ettuli Nlamulonanyu. Yaawiiva maprofeetaanyu, mwa yaawo yaawooperera weera yoohokoleeleni Nyuwo. Yaapaka sootakhala sitokotoko.

Icipo 19:11

Murumeiyaanyu onoopereriwa ni seiye ni yoole onkwanihera seiyo onimwaakhela ntthuvelo ntokotoko.

Icipo 58:11

Vano atthu eniyeere: “Vekhaikhai oororomeleya nlelo anaakhela ntthuvelonaya; vekhaikhai ookhala Muluku onthoriha elapo ya vathi.”

Masu a Miruku 11:18

Mutakhali onaakhela nlivo noolokottheya, vaheera yoowo onaala moota woowookoleleya onghepha ntthuvelo noororomeleya.

Yesaya 3:10

Mwaaleele oororomeleya weera sootheene sinooweettela nnene, niwoko animooca soowiima sa mitekosaya soororomeleya.

Yeremiya 2:30

“Khoovareleiye muteko ottaruxa mulokwaanyu, awosa khayaakhulenle olakiwa. Ekatanaaya yohaaphwata maprofeetaanyu ntoko mwatto oonyaanyaxa.

Yeremiya 26:8

Vanonto, Yeremiya amalihaleene oleela muloko wootheene aalamuleliwaawe ni Yave, asaserdoti*, maprofeeti ni muloko wootheene waamvara, oneera: “Vekhaikhai nyuwo munimookhwa.

Yeremiya 37:14

Yeremiya aaheera: “Hoye! Nkithummwale ni aBabiloniya.” Vaheera Iriya khaatthunne omwiiwa; ni amutthukaka Yeremiya, aamurongha wa ahooleli.

Matheyo 16:27

Mwaana a mutthu anaawe moovuwani wa Atithawe ni andyelowaaya, ni anaamutthuvele khula mutthu wa yeeyo owo opankaawe.

Matheyo 6:16

Mwaatthukaka, muhikhale ni ekhalelo yoothanana ntoko anamwiixeera, niwoko awo anooceendya ekhovaaya weera atthu akina ewoone weera aatthuka. Miyo kinooleelani vekhaikhai weera ahaakhelela ntthuvelonaya nootheene.

Luuka 13:34

Yerusaleemu, Yerusaleemu, weyo ongwiiva maprofeeti ni onaavonya maluku yaawo orumiheliwaawo: Imaara ihayi Miyo kaatthunaaka waathukumanya anamwaniinyu ntoko nttehi ninaathukumanyaaya axaanaaya mmapuphani, mene khoontthuna!

Luuka 6:23

Mutteeliwe nihuku nenno ni mutuphe ni ohakalala, niwoko ntthuvelonanyu ti ntokotoko wiirimu. Vano, makholowaaya yaapakenle maprofeeti mooteene yoowo.

Luuka 6:35

Mwaasivele amwiittanaanyu, mwaapakele yooreera ni ngwoolihe yaawo muhiwehereraka waakhela naari etthu yoohokoloxeriwa. Vano, ntthuvelonanyu nnikhale ntokotoko, ni mmwikhale anamwane a Musulusulu niwoko Owo ti ooreera murima wa yaale oohitthapela ni oonanara.

Miteko 16:25

Woophiyera ehuhu ya ohiyu eriyari, Pawulo ni Sila yeera evekelaka ni emwiipelaka icipo Muluku. Akina yaatthukiwe yaawiiwa.

Miteko 5:41

Arummwa yaavenya oSineedriyuni*, ehakalanleene yaaphwanelihiwa oyevihiwa niwoko na Nsina na Yeesu.

aRooma 5:3

Khoohiyono mwa yeeyo paahi, mene ninnahakalalatho moohaawani, niwoko noosuwela weera ohaawa onruwera ovilela;

1 aKorinto 3:8

Yoowo omphatteiya ni yoowo onghelela ankhalano otthuna omoharu paahi, ni ooweeli eniiphwanye ntthuvelonaya, ntoko muteko ovanraawe.

2 aKorinto 4:17

Ohaawawahu wooveruwa ni woovireya onniruwerela hiyo ovuwa woottittimiheyaxa woopwaha wootheene iwo.

aFilipi 1:29

Vano, wa nyuwo moovahiwa weera muhimuroromele paahi Kristu, menetho ohaawa niwoko na Yoowo,

aFilipi 2:17

Wa soothesene, hata kirihiwaka ntoko yooveleela yoowura vasulu wa yooveleela ni muteko onrweela wa nroromelonanyu, koohakalala ni kootteeliwa murima ni nyuwo ootheene.

aKolosi 1:24

Vano, koohakalala moohaawanimwaka niwoko na nyuwo, niwoko yeeyo kinghaawa mweerutthunimwaka niwoko na ekerexa eri erutthu ya Kristu enkwanihera soohaawa Kristu ohaangwaawe wa yeeyo.

aKolosi 3:24

musuwelaka weera mmwaakhele wa Apwiya ntthuvelo na yoohiyeriwa*. Ti Kristu Apwiya nyuwo munimurumeelaanyu.

1 aTesalonika 2:15

mwa yaawo yaawiivale Apwiya Yeesu ni maprofeeti, nitho yaanisoondale hiyo. Awo khaanimusiveliha Muluku ni ari amwiittana a ootheene,

aHeberi 10:34

Nyuwo mwaahaamorela ikharari yaawo yaari okaliposo, ni mwaahaakhulela ni ohakalala waakhiwa wa sooreelasanyu, niwoko mwaasuwela weera mookhalano sooreela sitokweene ni soohimala.

aHeberi 11:26

Owo aahuupuwela weera ohasuliwa niwoko na Kristu ti mpuha woopwahaxa mihakhu sa wExipitu, niwoko aawehexexa ntthuvelonawe.

aHeberi 11:33

mwa yaawo munroromeloni yaawinne omwene, yaapaka itthu sa ekhaikhai, yaahaakhela soororomelihiwa, yaawala iyano sa amwatto,

aHeberi 11:6

Nihikhanle nroromelo, khoongwereya omusiveliha Muluku, niwoko yoowo ommwaattamela Muluku, ontthuneya ororomela weera Owo ookhala ni weera onnaatthuvela yaawo ammwaasaasa.

Yakobe 1:2

Axunnaka, muupuwelele weera ti ohakalala otokotoko nyuwo mwaaviraka ngweereriwani woohiyanahiyana,

Yakobe 5:10

Axunna, ngwuupuwelele maprofeeti yuulumale mwa Apwiya ntoko ethoonyero ya opixa murima moohaawani.

1 Pedru 4:13

Ohiyanawaya, muhakalale moohaawani vamoha ni Kristu muneenaawe weera waathupululiwaka ovuwawawe, nyuwo muhakalalaxe.

Ruuti 2:12

Yave oolive niwoko na yeeyo opankaawo. Otthuvelaxiwe ni Yave, Muluku a aYixrayeli. Woothanla okosoopiwa ni Yoowo.”