Matheyo 27:51 - Emakhuwa Bible

⁵¹ Ehuhuweene yeele ekuwo etokotoko ya Empa ya Muluku yaahaahuwa, ekawanyeyaka okhuma vasulu mpaka vathi. Etthaya yaatetereiya ni nyala saaphweeya.

Matheyo 27:51 Iomraidhean Croise

2 Nyaha 3:14

Owo aapaka eluttu ya ekuwo ya kanka, yookankela, yooxeera ni ya nliinya nootteettheya, exoreliweenemo akerubini*.

Icipo 18:15

Moohiihanimwanyu vamoha ni wiiselelawanyu wa mphulani waahooneya wiixera wa ephareiya ni mathipelo a elapo ya vathi yaakhala vanlakani.

Icipo 18:7

Etthaya yaatetereyaxa; mathipelo a nyaako yaattikinyeya. Saattikinyeenre niwoko Owo aanyoonyiwa.

Okhuma 40:21

Vano aahaavolongha Arka* mutabernaakuluni, anatthukelela eluttu yookuttelelano aakuttelelaka Arka* a Namoona, ntoko Yave aamulamulenlaawe.

Yesaya 25:7

Vamwaako ola onimwaahula ekuwo enkhuneela miloko sootheene; eluttu enkhuneela ilapo sootheene.

Levitiku 16:2

Yave aamweerela Moisesi: “Mwamuleele munninyu Aharoni weera ahivoloweke yakhalaru ehuhu ontthunaawe vaNipuroni Nootteelaxa*, wiithela eluttu ohoolo wa ekhuneelelo ya vArkani* a Wiiraana weera ahikhwe, niwoko Miyo kinimwiixoonihera munihutteni vasulu wa ekhuneelelo eyo ya varkani* a Wiiraana.

Levitiku 21:23

Vaheera, niwoko na orakalawawe, ahaattamele eluttu hoye hoye altaari* weera ahiveihe Nipuronaka Nootteela*. Miyo ti Yave kinaatteeliha.’”

Habakuki 3:10

Nyaako soowoonani sinatetereya. Nyooloko sa maahi simvira ni wuupa; moowiixera onruma ni mitekutekusaya sitokotoko.

Habakuki 3:13

Mwaakhuma weera mvuluxe mulokwaanyu ni weera muntapuxe oottikittheliwaanyu. Moomphwata mutokweene a elapo ya atakhali; munrulaka okhuma waamuru mpaka waametto. Sela*.

Nuumeru 4:5

Waathaamiwaka okonelingwe, Aharoni ni anamwanaawe asilopwana evoloweke ni ekuruxeke eluttu enkuttelela ni yaakhuneelekeno Arka* a wiiraana.

Matheyo 27:54

Oonakaru kenturiyoni* ni yaawo yaamulipelenle Yeesu ni yoowo otetereiya ni sootheene seiye seereiye, yaahoova vancipale yeeraka: “Vekhaikhai, Ola aari Mwaana a Muluku.”

Matheyo 28:2

Vano waakhala otetereiya otokotoko, ni ndyelo a Apwiya aakhuruwa wiirimu ni aphiyaka vanihiyeni, aapirikixa nluku naawaleliwe ni aakilaathi vasuluwaya.

Marku 15:38

Ekuwo etokotoko ya Mpaani mwa Muluku yaahaahuwa, enakawanyeiya okhuma vasulu mpaka vathi.

Luuka 23:45

Nsuwa naahiya woopa, ni ekuwo etokotoko ya Empa ya Muluku yaahaahuwa variyari.

Luuka 23:47

Vano kenturiyoni*, oonaka seiyo seereiye, aamuttottopela Muluku eeraka: “Vekhaikhai, Mulopwana Ola aari a ekhaikhai.”

aHeberi 6:19

Nookhalano oweherera wu ntoko nipuro noolipihiwa mookuminimwahu, noolipa nnenesene. Nroromelo nna nimvolowa mpuwa mwa empa yootteela mpaka wiithela wa ekuwo etokotoko,

aHeberi 9:3

Wiithela wa ekuwo etokotoko yanaaveeli yaari ekwartu yanaaveeli, yiitthaniwa nootteela na ootteela*,

Ethupululo 11:13

Ehuhuweene yeele emoharu waakhala otetereya otokotoko ni mpatta wanaamuloko wa esidade waahononeya. Atthu macira miloko mathannameeli yaahookhwa mootetereyani wa elapo. Atthu yaahanle ni okumi yaahoova vancipale ni yaamvuwiha Muluku a wiirimu.

Ethupululo 11:19

Vano yoohuliwa Empa ya Muluku wiirimu, ni yaahooniwa mwemmwe Arka* a wiiraanawawe. Waakhala overunya, oruma, itari, otetereya wa elapo ni maralala matokotoko.