Matheyo 27:50 - Emakhuwa Bible

⁵⁰ Aakhuwenlaawetho ni nsu ntokotoko, Yeesu aahookhwa.

Matheyo 27:50 Iomraidhean Croise

Daniyeli 9:26

Siviraleene isimana miloko mithannamosa ni piili sa seiyo, Oottikittheliwa onimwiiviwa ni khakhalanatho etthu. Esidade ni Nipuro Nootteela* nnoophwatiwa ni muloko wa namalamula anaarwe. Ommaleloni onoophiya ntoko mirupi: owana onoopwaherera mpaka ommaleloni ni woolaleiwa oheleya mathala.

Matheyo 20:28

Hiihotho Mwaana a mutthu khaaweenle orumeeliwa, mene weera arumeele, ni aveleele okumaawe ntoko yoowoopola ancipale.

Matheyo 27:49

Akinatho yaamweerela: “Munghiye, noone Eliya arwa omvuluxa.”

Marku 15:37

Vano Yeesu aahookhwa, akhuwelaka ni nsu ntokotoko.

Luuka 23:46

Yeesu aakhuwelaxa: “Tiithi, kinoovahererani munepaaka mmatatanimwanyu.” Eerakaru hiiho, aahookhwa.

Yohaane 10:11

Miyo ti Mukukhuli ooreera. Mukukhuli ooreera omvaherera ikhondoolo okumaawe.

Yohaane 10:15

hiiho ntoko Atiithi akisuwenlaaya ni Miyotho kohaasuwela. Miyo kimvaherera ikhondoolo okumaaka.

Yohaane 19:29

Waakhala vaavaale mwaapu woosareya eviinyu yoonyuunya. Vano yaaruweya nttapwatta mwemmo, enatthukelela okhwipi wa mutathi wa hisopo* enamuronghela mpaka owanoniwawe.

Yohaane 19:30

Awurakaru, Yeesu aaheera: “Sookwaniheriwa.” Wa yeeyo, ahuuramiha muru ni aaveleela munepaawe.

aHeberi 2:14

Tivawo, woonaka weera anamwane ari a erutthu ni ephome, Owo aathatuwatho mukhalelo mmoharu wa yaawo weera amphwate ni okhwawawe yoowo orino ikuru sa okhwa, eyo tiiyo Diyabu*,

aHeberi 5:7

Wa mahuku ootheene a okumaawe a mweelaponi, Yeesu annamvekela ni annamdyoonttelela, akhuwelaka ni maithori Yoowo aawera omvuluxa mookhwaani, ni iiwiwe niwoko na wiiwelelawawe otokotoko.

aHeberi 9:14

woopwahaxa ephome ya Kristu, mwa Yoowo iivaherenre ni Munepa woohimala ntoko Yoovaha yookwanela wa Muluku, eniitteelihe mirimasahu sa miteko sa okhwa weera nimurumeele Muluku mukumi.