Matheyo 27:1 - Emakhuwa Bible

¹ Oyaaka ni oxa, ahooleli a asaserdoti* ootheene ni asitokweene a muloko wa atthu yaaphiya woovaanelani weera emuthorihele Yeesu okhwa.

Matheyo 27:1 Iomraidhean Croise

Icipo 2:2

Mamwene a mweelaponi animvaanya Yave ni anamalamula anoomvaanelela Yoowo ni oottikittheliwaawe, yeeraka:

Icipo 31:13

Vano kingwiiwa ancipale ekuulumaka; koosareya woova; awosa ankivaanelela miyo yaasaasaka moota wookiiva.

Icipo 71:10

Vano amwiittanaaka annikuuluma; yaale ankiipithela annathukumana evaanelelaka okiiva.

Mikeyasi 2:1

Ii! Wa yaawo amvaanelela yoonanara, wa yaawo anuupuwela soovaanela soonanara ankonaayawo! Waaxaaka ankwanihera sootheene seiyo, niwoko angwera opaka seiyo.

Matheyo 23:13

Ii! Munoohaawa nyuwo, anamawera a nlamulo*, aFarisi*, anamwiixeera! Nyuwo mungwala nsele na omwene wa wiirimu ohoolo wa atthu. Nyuwo muneenaanyu khamumvolowa, hata khamunaahiya evolowaka yaawo antthuna.

Marku 15:1

Oyaaka ni oxa ahooleli a asaserdoti*, asitokweene a muloko, anamawera a nlamulo* ni ootheene a eSineedriyu* yaaphiya woovaanelani. Emutthukaka Yeesu, yaamukuxa ni yaamvaherera Pilatu.

Luuka 13:1

Ehuhuweene yeele, akina yaari vaavaale yaamuthalihera Yeesu moota heeni Pilatu aatakansenraawe ephome ya aGalileiya akina ni sooveleelasaya.

Luuka 22:66

Niwelaka nsuwa, eSineedriyu* yaathukumana – ahooleli a asaserdoti* nitho anamawera a nlamulo*, ni Yeesu aaronghiwa ohoolowaya.

Yohaane 18:28

Woottharelana, aYuda yaamukuxa Yeesu wa Kayafasi emuronghaka empa etokotoko ya guvernadori a oRooma. Vano, oxaaka ni weera esembe ovalihiwa, aYuda khayaavolowa empa etokotoko ele niwoko yaatthuna omucano mPaska*.

Miteko 5:21

Oxaawaya, yaavolowa Mpaani mwa Muluku ntoko yaalamuleliwaaya, ni yaapacera oxuttiha muloko wa atthu. Aphiyakaru mutokweenexa a asaserdoti* ni yaawo yaamuhoola, awo yaahiitthana eSineedriyu*, eyo tiiyo muthukumano wootheene wa asitokweene a aYixrayeli, ni yaalamulela waarowela arummwa okaliposo.

Ahooleli 16:2

Atthu a oGaza yaaleeliwa: “Samesoni ori muumu!” Awosa yaarica nipuro, enangwehererasa ohiyu wootheene vamulako wa esidade. Ohiyu wootheene khayaasunse yeerelanaka: “Oxeexelo, nnoomwiiva.”

1 Samuweli 19:11

Ohiyuweene yoole Sawuli aahaarumila asilopwana akina vaate wa Davide weera yangwehawehe ni yamwiive oxeexelo. Vaheera Mikali, mwaarawe Davide, aamooperera: “Mutthaweke ohiyu ola weera muhiiviwe oxeexelo.”