Matheyo 26:75 - Emakhuwa Bible

⁷⁵ Pedru aahuupuwelela masu Yeesu aamuleenlaawe eeraka: “Ahinaaye wiipa muthupi, munookiruna imaara tthaaru.” Avenyaka vaavaale, aahiinlaxa omvoreiyaka murima.

Matheyo 26:75 Iomraidhean Croise

Matheyo 10:33

Vaheera yoowo onkikhootta Miyo variyari wa atthu, Miyo nkimukhoottetho ohoolo wa Atithaka ari wiirimu.

Matheyo 26:34

Yeesu aamwaakhula: “Kinoororomelihani weera ohiyuweene yoola, ahinaaye wiipa muthupi, munookiruna imaara tthaaru.”

Matheyo 26:74

Vano aapacera onyohola ni olipela eeraka: “Nkimusuwenle Mulopwana Owo.” Woowaakuveya muthupi aahiipa.

Yohaane 13:38

Vano Yeesu aamwaakhula: “Nyuwo mmwikivaherere okumaanyu? Kinoororomelihani weera, ohinaaye wiipa muthupi, mmwikirune imaara tthaaru!”

1 aKorinto 4:7

Vano, taani ongweerelani weera nyuwo moovirikana ni akina? Eheeni muraanyuno muhaakhenlaanyu? Ni mwaakhenleene, heeni muniixooniheraanyu ntoko khamwaakhenle?

aGalata 6:1

Axunna, mukina amorela mootthekani, nyuwo muneetta ni Munepa Wootteela, munghokoloxere moota woowiiyeviha mphironi yooreera. Mwiipasoope weera muheereriwe.

1 Pedru 1:5

muri oowaakihiwa ni ikuru sa Muluku niwoko na nroromelo mpaka wa ophiya ovuluxiwa, mwa weiwo oneera wooniheriwe ehuhu yoomalihera.