Matheyo 26:58 - Emakhuwa Bible

⁵⁸ Pedrutho aamutthara areene ottaiwene mpaka vaate wa empa ya mutokweenexa a asaserdoti*. Vano, aavolowa ni aakilaathi ni anamalipelela weera oone seiyo seera sikhumelele.

Matheyo 26:58 Iomraidhean Croise

Matheyo 26:3

Wa ehuhuweene yeele, ahooleli a asaserdoti* ni asitokweene a muloko yaathukumana empa etotoko ya mutokweenexa a asaserdoti*, nsinanawe iitthaniwa Kayafasi,

Matheyo 5:25

Mwiiwanane woowaakuveya ni mwiittanaanyu atthunaka wooronghani wa alipa oowuuluma milattu. Mpake yeeyo nyuwo nlelo murowaka wa yaawo, niwoko wavirikanawo onimooveleelani wa mphuki, ni mphuki onimooveleelani wa mpilixa, ni nyuwo munoovonyeriwa okaliposo.

Luuka 22:54

Vano, emutthukaka, yaamurongha wa empa ya mutokweenexa a asaserdoti*. Pedru aahaatthara ottaiwene.

Yohaane 18:25

Simeyoni Pedru ooraka, awo yaamukoha: “Nyuwo khamuhiyono mmoha a oohuseraawe?” Owo aaruna eeraka: “Nkihiyono.”

Yohaane 19:6

Emoonaka ahooleli a asaserdoti* ni anamalipelela, yaakhuwela: “Munkhomele, munkhomele!” Pilatutho aawaakhula: “Nyuwo munkuxeke ni munkhomele! Wa miyo, nkimphwanya nthowa na omoothera Yoowo.”

Yohaane 7:32

aFarisi* yaawiiwa atthu ancipale yuulumaka itthu seiye mwaha wa Yoowo. Vano ahooleli a asaserdoti* ni aFarisi* yaahaaruma anakhotto a Empa ya Muluku weera emutthuke.

Yohaane 7:45

Vano anakhotto a Empa ya Muluku yaahaahokoleela ahooleli a asaserdoti* ni aFarisi*, mwa yaawo yaahaakoha: “Heeni nyuwo muhimurowenlaanyu?”

Miteko 5:22

Wa soothesene, ephiyakaru mukaliposo, anamalipelela khayaaphwannyemo. Vano yaahokolowa ni yaathaliha:

Miteko 5:26

Arowaka weiwo ni asitokweene akina a anakhotto, mutokweene a anakhotto aahaakuxa arummwa aaronghaka oSineedriyuni*, mene khayaakuxera ikuru, niwoko yoova weera muloko wa atthu oniwaavonye maluku.