Matheyo 26:28 - Emakhuwa Bible

²⁸ Ela ti ephomaaka ya wiiraanyiha, enriheya mwaha wa atthu ancipale weera eleveleliwe soottheka.

Matheyo 26:28 Iomraidhean Croise

Yeremiya 31:31

Vano anoophiyera mahuku,” onghima Yave, “kineeraaka kikhalihere wiiraana onyowani muloko wa oYixrayeli ni wa oYuda.

Levitiku 17:11

Vano okumi wa soopattuxiwa sootheene sineetta ori mphomeni, ni Miyo kohoovahani weera murehererele wiiwanana ni Yave valtaarini*; ti ephome enrehererela okumi wiiwanana ni Yave.

Zakariya 9:11

Mwaha wa nyuwo – niwoko na ephome ya wiiraanawaka ni nyuwo – kinoowoopola anamatthukiwaanyu muhimeni moohikhala maahi.

Matheyo 20:28

Hiihotho Mwaana a mutthu khaaweenle orumeeliwa, mene weera arumeele, ni aveleele okumaawe ntoko yoowoopola ancipale.

Matheyo 26:27

Vahoolowaya aakuxa ekoomixi, anamutthapelatho Muluku, anaavaha oohusera, eeraka: “Ngwureke ootheene.

Matheyo 26:29

Miyo kinooleelani weera okhuma vaanaano va mpaka ohoolo, nkinrowa owura wa yoowiima ya ematta ya iwuuva* mpaka nihuku nenno kineeraaka kiwure eviinyu enyowani vamoha ni nyuwo moomweneni wa Atithaka.”

Matheyo 6:12

Munilevelele sootthekasahu ntoko nnaalevelelaahu yaawo annitthekela.

Marku 1:4

Hiiho aahoowa Yohaane, apatisaka munikareni ni alaleiyaka opatiso wa orukunxa murima, weera atthu yaakhele elevelelo ya soottheka.

Marku 14:24

Ni aaweerela: “Ela ti ephomaaka ya wiiraana eyeeheriwe, mwaha wa ancipale.

Luuka 22:19

Akuxaka epaawu, aatthapela, aameyanya ni aahaavaha oohusera eeraka: “Ela ti erutthwaaka, yoovahereriwa wa nyuwo. Mpakeke yeeyo mukuupuwelelaka Miyo.”

Luuka 22:20

Mooteene yoowo, emalihaka oca, aakuxa ekoomixi eeraka: “Ekoomixi ela ti wiiraana onyowani mwa ephomaaka, evuuvihiwe wa nyuwo.

aRooma 5:15

Mukhalelo wa mahala khoonlikanxereya ni mukhalelo wa yoottheka. Waari weera vekhaikhai atthu ancipale akhwiiye niwoko na yoottheka ya mutthu mmoha paahi, ekhaikhaitho weera mahala a Muluku ti oopwahaxa. Mahaleene yaawo anrweela wa Muluku wa ancipale niwoko na mutthu mmoha paahi, Yeesu Kristu, ti matokweenexa.

aRooma 5:19

Hiiho ntoko atthu ancipale apakiwaaya anamattheka niwoko na ettiyamaaru ya mutthu mmoha paahi, hiihotho niwoko na wiiwelela wa mutthu mmoharu paahi ancipale eniyaakhuleliwe ni Muluku.

1 aKorinto 11:25

Mooteene yoowo, emalihaka oca, yaakuxa ekoomixi ni yaaheera: “Ekoomixi ela ti wiiraana onyowani mwa ephomaaka. Mpakeke yeeyo, mahuku ootheene muneeraanyu muwureke, mukuupuwelelaka Miyo.

awEfeso 1:7

Mwa Yoowo nookhalano ovuluxiwa niwoko na ephomaawe, nitho elevelelo ya sootthekasahu. Ti hiiho mihakhu sa mahala a Muluku,

aKolosi 1:14

mwa Yoowo nookhalano ovuluxiwa, aani elevelelo ya soottheka.

aKolosi 1:20

ni weera niwoko na Yoowo siiraanyihiwe itthu sootheene ni Muluku, sikhalaka sa wiirimu, hata sa vathi. Aawenre yeeyo akhalihaka murettele niwoko na ephomaawe evuuvihiwe vamuttandani.

aHeberi 10:29

Munuupuwela hai? Ottaruxiwa heeni wootepaxa omphwanela yoole omunyikanlaawe ni inaawo Mwaana a Muluku, yoole oveihale ephome ya wiiraana emutteelihale ni ooruwana Munepa wa mahala?

aHeberi 13:20

Ti ohaawelawaka weera Muluku a murettele omvenyererihale Yeesu Apwiyaahu, Mukukhuli mutokweene a ikhondoolo, mwa Yoowo owenre ni ephomaawe wiiraanyiha woohimala,

aHeberi 9:28

hiihotho Kristu oovahereriwa ntoko Yooveleela emaara emoha paahi weera avenxe soottheka sa ancipale. Anaawe emaara yanaaveeli, ohikhanle ovenxa soottheka, mene weera aaruuhele ovuluwa yaawo aningweherera.

1 Yohaane 2:2

Owo onooponle weera sootthekasahu sikhale sooleveleliwa, ni khasihiyono paahi sootthekasahu, menetho soottheka sa elapo ya vathi yootheene.

Ethupululo 7:14

Miyo kaamwaakhula: “Apwiya nyuwo moosuwela.” Mutokweene ole eenre: “Awo ari yaawo avinre moosoondiwani otokotoko ni yaakattha mikaandyosaya ni yaatteeliha iyo mwa ephome ya Eputtiputthi.

Ethupululo 7:9

Vahoolowaya kaaweha, ni ohoolowaka yaakhala atthu ancipalexa mwa yaawo khaawo aawera owaalikela. Yaakhala wa ilapo, ipuumba, miloko, ni muulumo ootheene. Yaarimweemela ohoolo wa ehice ni wa Eputtiputthi, ewanreene mikaandyo sootteela ni emvarenleene mmatatanimwaya kancesa.