Matheyo 26:13 - Emakhuwa Bible

¹³ Miyo kinoororomelihani weera mapuro yaawo ootheene a elapo ya vathi masu ooreeraxa ala eneeraaya elaleiweke, yeeyotho owo opankaawe eniithalihiwe, weera ola uupuweleliwe.”

Matheyo 26:13 Iomraidhean Croise

Icipo 112:6

Mutthu oororomeleya kharwa attikinyeya; onimuupuweleliwa mahuku ootheene.

Yesaya 52:9

Mpacere wiipa vamoha ni ohakalala, nyuwosa milepe sa oYerusaleemu, niwoko Yave oopepesa mulokwaawe, Owo ohoopola oYerusaleemu.

Matheyo 24:14

Ni masu ooreeraxa ala a omwene eniilaleiwe mweelaponi yootheene ntoko onamoona wa miloko sootheene, ni vahoolowaya onuuwe ommaleloni.

Matheyo 28:19

Tivawo, murowe ni mwaakhalihe oohusera a amalapo ootheene, mwaapatisaka mwa Nsina na Atiithi, na Mwaana ni na Munepa Wootteela,

Marku 13:10

Ni ontthuneya toko weera masu ooreeraxa ekhale oolaleiwa wa miloko sootheene.

Marku 14:9

Miyo kinoororomelihani weera, mapuro ootheene yaawo weiwo masu ooreeraxa eneeraaya elaleiwe, mweelaponi yootheene, yeeyotho owo opankaawe eniithalihiwe mpaka wuupuweleliwawawe.”

Marku 16:15

Aaweerela: “Murowe mweelaponi yootheene ni mwaalaleere atthu ootheene masu ooreeraxa.

Luuka 24:47

nitho weera mwa Nsinanawe waatthuneya olaleiwa orukunxa murima wa miloko sootheene, okhuma oYerusaleemu, weera yaakhele elevelelo ya soottheka.

Miteko 10:4

Oowoopihiweene owo aangweha, anamukoha: “Eheeni, Apwiya?” Ndyelo aamwaakhula: “Mavekelowaanyu ni sooveleelasanyu soowela ntoko yooveleela yoowuupuxera ohoolo wa Muluku.

aRooma 10:18

Vano miyo kinookoha: Awo khayiiwale masu ale? Vekhaikhai yaahiiwa! Yoolempweene yeeyo yeenre: “Nsunaya nohiiwanyeya elapo yootheene, ni maswaaya mpaka ekotenle elapo yootheene.”

aRooma 15:19

Eyo eweriwe ni ikuru sa ineneero ni sootikhiniha, nitho niwoko na ikuru sa Munepa Wootteela. Hiiho, okhuma oYerusaleemu ni mukhwipimwaya mpaka wIliriku, koolaleiya nnenesene masu ooreeraxa a Kristu.

2 aKorinto 10:18

niwoko khanaakhuleliwa yoowo oniilaihera muneenaawe, mene yoowo Apwiya animlangheraaya.

aKolosi 1:23

mwapwaherera oolipeene ni ookhalihiweene munroromeloni, muhisusaka wa nroromelo mwaakhenlaanyu mwiiwakaru masu ooreeraxa. Awo ti masu ala nyuwo mwiiwalaanyu, ni alaleeriwe atthu ootheene a elapo ya vathi, ni miyo Pawulo koothatuwa murumeiyi a masu ooreeraxa ala.

aKolosi 1:6

yoophwannyeni. Mwa elapo yootheene ya vathi masu ooreeraxa aniima soowiima yunnuwaka, ntoko oneereyaaya variyariwanyu okhuma ehuhu mwiiwalaanyu masu ooreeraxa, ni mwiiwexenxaanyu mahala a Muluku mwa ekhaikhai.

1 Timootheyo 2:6

mwa Yoowo iilenve mwaneenaawe weera awoopole atthu ootheene – onamoona waavahiwe ehuhu yootthuneya.

aHeberi 6:10

Muluku khahiyono oohiroromeleya, Owo kharwa attiwala mitekosanyu, naari osivelawanyu mmoonihenraanyu, niwoko mohaakhavihera ootteela ni nlelo mumpwaherera waakhavihera yaawo.

Ethupululo 14:6

Vano kaamoona ndyelo mukina avavaka wiirimu, areeneno masu ooreeraxa oohimala weera aalaleere atthu ankhala elapo ya vathi, wa ilapo, ipuumba, muulumo ni miloko sootheene.

1 Samuweli 2:30

Tivawo Yave Muluku a aYixrayeli ohimmaawe: ‘Kaaroromeliha weera emusaanyu ni emusi ya atithinyu yaamukirumeela wa mahuku ootheene vamaithoniwaka.’ Vaheera vano Yave onghima: ‘Hata vakhaani! Kinimwaattittimiha yaale ankittittimiha ni yaale ahinkihelela Miyo nkaahelela.