Matheyo 25:41 - Emakhuwa Bible

⁴¹ Vano Owo anaaweerele yaawo a moono muthiyana: ‘Oolaphiwa! Mususeke wa Miyo mpaka mmooroni woohimala oreherereliwaawe Satana ni andyelowaawe.

Matheyo 25:41 Iomraidhean Croise

Icipo 119:115

Mukivenyere nyuwosa mumpaka soonanara! Miyo kintthuna weettela malamulo a Mulukwaaka!

Icipo 119:21

Nyuwo munaahiiha anamwiixoona; yaale oolaphiwa anghapuwa mmalamulonimwanyu.

Icipo 139:19

Ii! Muluku; kaatthunaxa weera ngwiive atakhali! Mukirakamihele anamwiiva!

Icipo 6:8

Mususeke wa miyo ootheene nyuwo mumpaka sootakhala, niwoko Yave ohiiwa wiinlawaka.

Yesaya 66:24

“Vano awosa anookhuma, animoona mittembo sa yaale yaakivaannye; nyuungusaya khasirwa sikhwa hata moorowaaya khoocipha ni seiyo sinookhala sa mwiikho wa omutthu wootheene.”

Yeremiya 17:5

Yave oneera ha: “Oolaphiwa ti yoole onimuroromela mutthu, uupuwelaka weera omutthu ti ikurusawe, mene murimaawe omurakamenleene Yave.

Matheyo 13:40

Hiiho ntoko nakhwali onkuxiwaawe ni onghisiwaawe mmooroni, hiihotho eniyeereiye emalihero ya ehuhu.

Matheyo 13:42

Awo eniyaavonyere mmooroni, weiwo oneeraaya okhale wiinla ni okhuuriha maino.

Matheyo 13:50

Eniyaavonyere anamatakhala mmooroni, weiwo oneeraaya okhale wiinla ni okhuuriha maino.

Matheyo 18:8

Matataanyu, hoye hoye nnaawonanyu nootthekihani, muthikile ni muvonyere okerekhere. Fataari ovolowa mookumini oorakaleene, naari oovulaleene, ohikhanle oreeneno matata meeli, hoye hoye inaawo soopiili ovonyeriwa mmooroni woohimala.

Matheyo 25:42

Vano, kaavoliwa etala, ni khamwaakivanghe yooca; kaavoliwa ntthona, ni khamwaakivanghe maahi;

Matheyo 25:46

Ni awo eniirowe moottaruxiwani woohimala, oororomeleyatho mookumini woohimala.”

Matheyo 3:12

Yoowo ookhalano ethelo mmatatanimwawe weera amveere namwaali a etrigu. Anaathokorore etrigu vatathani, ni anaamuhise namwaali mmooroni woohimala.”

Matheyo 4:10

Yeesu aamwaakhula: “Osuse Satana! Niwoko yoolempwa: ‘Mwaalapeke Apwiya Mulukwaanyu, ni mwaarumeeleke Yaawo paahi.’”

Matheyo 5:22

Mene Miyo kinooleelani weera khula mutthu anaamunyoonyeriwe munneiye, anaathorihiwe. Nitho, akhalaru mutthu anaamuruwane munneiye, anaaronghiwe wa alipa oowuuluma milattu, ni akhalaru mutthu ommweerela munneiye: ‘naanepa!’ omphwanela orowa omooroni.

Matheyo 7:23

Vano Miyo nkaaleele nnenesene: “Nkinoosuweleni. Mususe wa Miyo, nyuwo mumpaka sootakhala.”

Luuka 13:27

Mene awo eniyaakhule: ‘Nkoosuwenleni, hata nkisuwenle munkhumaanyuwo. Mususeke wa Miyo, ootheene nyuwo mumpaka soonanara!’

Luuka 16:24

Vano aawiitthana: ‘Tiithi Abrahaamu, mukimoreleke ikharari miyo, ni munrume Lazaru anaanihe okhwipi wa ekathaawe mmaahini weera ariirihe nluminaka, niwoko kinnahaawaxa mmooroni ola.’

Yohaane 8:44

Nyuwo ti anamwane a Diyabu* ni muntthuna opaka ohaawelawawe. Owo aari namwiiva okhuma ompacereroni, ahittharaka ekhaikhai niwoko kheewowo ekhaikhai mwa yoowo. Owo oothaka, onuuluma nuulumonawe muneenaawe niwoko ti namootha ni ori atiithi a wootha.

2 aTesalonika 1:7

ni anoovaheeni wiitthuuwa nyuwo munghasuliwa, ni wa hiyotho. Eyo eniikhumelele Apwiya Yeesu eneeraaya yooniheriwe wiirimu variyari wa nlumi na mooro, nivarelaka vamoha ni andyelowaaya a ikuruxa.

2 aTesalonika 1:9

Awo eniihaawe ottaruxiwa wa ophwatiwa woohimala, ekhalaka ottaiwene wa ekhove ya Apwiya ni wa ovuwa wa ikurusaya.

aHeberi 6:8

Etthayatho enruwera nyiiwa ni malaxi eri yoohivareleya muteko, ni ehanle vakhaani weera elamphwe. Ommaleloniwaya ti yoohisiwa.

2 Pedru 2:4

Vano, Muluku khaawuurenle andyelo yaatthenkaaya, mene aahaavonyera mmooroni aahiyaka ootthukiweene mpiphini mpaka nihuku na othorihiwa.

1 Yohaane 3:10

Mooteene yoowo nohaasuwela taani anamwane a Muluku ni taani anamwane a Diyabu*: yoole ohimpaka ekhaikhai nitho ohinimusivela munneiye, khawiiye wa Muluku.