Matheyo 24:8 - Emakhuwa Bible

⁸ Sootheene iyo nsikhale ompacereroni wa ovoreiya wa oyara.

Matheyo 24:8 Iomraidhean Croise

Yesaya 10:4

Kheewo muneeranyu mpake ohikhanle wiipitha variyari wa anamatthukiwa hoye hoye omorela eriyari ya anamakhwa. Sirookhalaru sootheene iyo, isara sa Muluku khasihapungwe ni ntatanawe nri etheteeliwo.

Yesaya 9:12

awArami a mpatta ninkhuma nsuwa ni aFilisti a mpatta ninkela nsuwa yaanyaanya woomalela oYixrayeli. Sirookhalaru sootheene iye, isara sa Muluku khasihapungwe ni ntatanawe nri etheteeliwo.

Yesaya 9:17

Tivawo Yave ohinaahakalalelaawe amiravo hata ohinaamorelaawe ikharari akwaasuni naari asinaamukhweli, niwoko ootheene aamurakamela Muluku ni a murima woonanara, anuuluma moota woohiloka. Sirookhalaru sootheene iye, isara sa Muluku khasihapungwe ni ntatanawe nri etheteeliwo.

Yesaya 9:21

Manaxe onoomukhuura Efrayimi ni Efrayimi Manaxe. Eeli ale anoongwanano Yuda. Sirookhalaru sootheene iyo, isara sa Muluku khasihapungwe ni ntatanawe nri etheteeliwo.

Hoxeya 13:13

Onimphwanya ovoreya ntoko wa muthiyana ayaraka, vaheera owo ti mwaana oohimiruku; yaaphiyeraka ehuhu, khankhuma mmirimani orupaliwaawe.

Marku 13:8

Elapo ni elapo eniiwane, aani omwene ni omwene. Onuukhale otetereiya mmapuroni makina, nitho etala. Itthu iyo siri epacerero ya ovoreiya wa oyara.

Luuka 21:12

Sihinaayetho sootheene iyo, animootthukani okaliposo ni animoottharattharani. Awo eniyoovaherereni muSinagogani* ni mukaliposo, ni mmwironghiwe ohoolo wa mamwene ni maguvernadori niwoko na Nsinanaka.

Deuteronomiyo 28:59

Owo onimoorumihelani mahooxo oowoopiha nyuwosa ni ekhapiraanyu, irisa soowoopihaxa soopwaherera ni iretta sootepaxa naweiwo.

1 aTesalonika 5:3

Akina yeera: “Murettele ni weetta nnene,” vano woowaakuveya ophwatiwa ngwaakhuruwele, ntoko onrweela woowaakuveya ovoreiya wa oyara wa muthiyana, ni awo hata vakhaani khaanrowa woopowa.

Yakobe 5:1

Vano, mwiiwe, nyuwo anamapuha. Mwiinle ni mulalamike niwoko na soohaawasanyu sinookhuruwelani.