Matheyo 23:37 - Emakhuwa Bible

³⁷ Yerusaleemu, Yerusaleemu, weyo ongwiiva maprofeeti ni onaavonya maluku yaawo onrumiheliwaawo! Hapo kaatthuna waathukumanya anamwanaawo ntoko nttehi nnaathukumanyaaya axaanaaya vathi wa mapuphaaya, mene khawaatthuna!

Matheyo 23:37 Iomraidhean Croise

Nehemiya 9:26

Wa soothesene, yaari oohiiwelela yoovaanyakani. Yaarera ettuli Nlamulonanyu. Yaawiiva maprofeetaanyu, mwa yaawo yaawooperera weera yoohokoleeleni Nyuwo. Yaapaka sootakhala sitokotoko.

Icipo 17:8

Mukikosoope ntoko oosiveleyaxaanyu; mukiipithihe mmunttuusini mwa mapuphaanyu

Icipo 36:7

Ii! Muluku, osivelawanyu woohimala ti wootthuneyaxa! Atthu amphwanya wootthawelawo mmunttuusini wa mapuphaanyu.

Icipo 57:1

Ecipo ela yaalempwale ehuhuweene yeele Davide aamutthangwaawe Sawuli arowaka munikhukuni. Mukimorele ikharari – Ii! Muluku, mukimorele ikharari, niwoko okumaaka ontthawela mwa Nyuwo. Kintthawela mmunttuusini mwa mapuphaanyu mpaka soowoopiha sineeraaya sivire.

Icipo 63:7

Mweenre mukhala ekhaviherowaaka, kiniipa ni ohakalala vamunttuusini wa mapuphaanyu.

Icipo 91:4

Owo onimookhuneelani ni mapururuwaawe; munoophwanya nipuro nootthawelamo vathi wa mapuphaawe. Ororomeleyawawe onookhala exikudu* yoowiixaakiheraanyu.

Yesaya 5:4

Kaahipakele eheenitho yeela kaahaapankaaka? Vano siimenleni soonyuunya kaaweherereene sooreera?

Yesaya 50:2

Miyo kaarwaaka, kihimphwanyenreni mutthu? Miyo kiitthanaaka, kahaakhuleliweni? Apaale moonowaaka wookhuveyaxa ohiweraka owoopolani? Apaale nkinono ikuru sowoovuluxani? Kinuumiha ephareiya ni nsu na ohiiha paahi, kintatuxa nyooloko nikare; ihopasaya sinuntta niwoko na ohikhalano maahi ni sinkhwa ntthona.

Yeremiya 2:30

“Khoovareleiye muteko ottaruxa mulokwaanyu, awosa khayaakhulenle olakiwa. Ekatanaaya yohaaphwata maprofeetaanyu ntoko mwatto oonyaanyaxa.

Yeremiya 26:23

mwa yaawo yaamurwanne Uriya wExipitu, enamurongha wa mwene Yehoyakimi, aalamulenle wiiviwa ni ekatana. Vahoolowaya yaamurihela mulittini yaariheliwaayawo yakhalaru atthu.

Yeremiya 32:31

Okhuma nihuku etekiwaaya mpaka olelo, esidade ela entannyera onyoonyiwawaka moota wooweera ontthuneya ovenxa ohoolowaka.

Yeremiya 35:15

Kaahoorumihelasani imaara sincipale arumeiyaaka ootheene, maprofeeti. Awosa yeera khula mutthu a nyuwo waatthuneya ohiya mweettelowaawe woonanara, okhaliha nnene soopakasawe ni ohiya otthara miluku sikina weera alape. Hiiho, nyuwosa mwaammaka mulaponi koovanghaakani nyuwo ni makholowaanyu. Vaheera nyuwosa khamwaakipwantthe hata khamwaakiiwelenle.

Yeremiya 36:26

Ohiyanawaya, mwene aamulamulela Yerameeli, mwaana mulopwana mmoha a mwene, Seraiya, mwaana mulopwana a Azeriyeli, ni Xelemeya, mwaana mulopwana a Abediyeli, weera emutthuke Baruki ni mprofeeti Yeremiya. Vaheera Yave aawiipithiha.

Yeremiya 4:14

Ii oYerusaleemu! Mukatthe soonanara siri mmurimanimwanyu ni mvulixiwe! Mpaka yaakhani muneeraanyu mukhaleno soowuupuwela soonanara?

Yeremiya 44:4

Emaara ti emaara Miyo kannoorumihelani arumeiyaaka, maprofeeti, yeera: ‘Muhipake etthu ela ya mwiikho yoothanyeya!’

Yeremiya 6:8

Ii! oYerusaleemu, mwiiwe woopererawaka! Mwaahiiwa, kinoosusa woomalela ohoolowanyu koohiyakani ttewu mulaponi yoohimakiwa.”

Hoxeya 11:2

Vaheera Miyo kaawiitthanaxaaka aYixrayeli, awosa ti yaakirakamelasaaya. Awosa yaahaapakela sooveleela aBahali*, ehiseraka erubani* icaambulo.

Hoxeya 11:7

Mulokwaaka woolakelaxa okihiya Miyo. Anoomwiitthanaru Bahali*, owo khanaavuwiha.

Hoxeya 7:13

Ii! Wa yaawosa, niwoko aakirakamela! Waarweelase ophwatiwa, niwoko aakivaanya! Miyo kinghaawela owoopola, vaheera awosa ankuulumela soowootha.

Zakariya 1:4

Muhikhale ntoko makholowaanyu, wa yaawo yaalaleeriwe ni maprofeeti a khalayi masu ala: ‘Yave a ikuru sootheene oneera ha: ‘Muhiyeke iphirosanyu ni mitekosanyu soonanara.’ Mene awosa khayaatthunne wiiwa naari khayaakipwantthe, onghima Yave.

Matheyo 22:3

Aahaarumihela arumeiyaawe atthu yaalattuliwe ofestani, eweerelaka weera eweeke, mene awo khayaatthunne orwa.

Matheyo 22:6

Yaahanle, yaavaraka arumeiyi, yaahaahasula ni yaawiiva.

Matheyo 23:30

mweeraka: ‘Naakhanle ehuhu ya makholowaahu, saano nihiwiivale maprofeeti vamoha ni yaawo.’

Matheyo 23:31

Hiiho nyuwo muniikhalela onamoona weera muri ekhapira ya yaale yaawiivale maprofeeti.

Matheyo 5:12

Muhakalale ni musarihiwe ni ohakalala, niwoko ntthuvelonanyu nri ntokotoko wiirimu. Yaahaasoonda mooteene yoowo maprofeeti yaakhala muhinaaye nyuwo.

Luuka 15:28

Mwaana mutokweene aanyoonyiwa ni khaatthuna ovolowa. Vano atithawe yaavenya ni yaamunyeserera.

1 aTesalonika 2:15

mwa yaawo yaawiivale Apwiya Yeesu ni maprofeeti, nitho yaanisoondale hiyo. Awo khaanimusiveliha Muluku ni ari amwiittana a ootheene,

Ethupululo 17:6

Kaahoona weera muthiyana aahapaliwa ephome ya atthu ootteela, ephome ya anamoona a Yeesu. Kimoonakaru, kaatikhinaxa.

Ruuti 2:12

Yave oolive niwoko na yeeyo opankaawo. Otthuvelaxiwe ni Yave, Muluku a aYixrayeli. Woothanla okosoopiwa ni Yoowo.”