Matheyo 23:35 - Emakhuwa Bible

³⁵ Ni hiiho, ephome yootheene yoororomeleya evuuviheriwe vatthayani, eniyoothoonyereni nyuwo, okhuma ephome ya Abeli oororomeleya mpaka ephome ya Zakariya, mwaana a Barakiya, yoole nyuwo mmwiivalaanyu eriyari ya Empa ya Muluku ni altaari*.

Matheyo 23:35 Iomraidhean Croise

Epacerero 4:8

Kayini aamweerela munneiye: “Nrowe omatta.” Ereene hiihaale mmatta, Kayini aammana munneiye, anamwiiva.

2 Mamwene 21:16

Manaxe aayeehatho ephome yincipale yoohinthowa moota wooweera yaasareya oYerusaleemu wootheene. Ohiya yeeyo, aahaatthekiha aYuda aapakihaka soonanara vamaithoni wa Yave.

2 Mamwene 24:4

Owo aawiiva atthu oohinthowa, asarihaka oYerusaleemu ephome yoohinthowa ni Yave khaatthunne omulevelela.

Yesaya 14:21

Mureherere nipuro noowiivela anamwanaawe niwoko na soottheka sa makholowaaya; awosa ehivenyeru weera yaakhele elapo esarihaka isidadesaya.

Yesaya 26:21

Moone, Yave onkhuma omankaawewo weera athorihe miloko sa elapo ya vathi niwoko na sootthekasaya. Elapo enimoonihera ephome eyeeheriwemo; eyo khayaasungatho anamakhwaaya.

Yeremiya 2:30

“Khoovareleiye muteko ottaruxa mulokwaanyu, awosa khayaakhulenle olakiwa. Ekatanaaya yohaaphwata maprofeetaanyu ntoko mwatto oonyaanyaxa.

Yeremiya 2:34

Soowarasanyu soophwanyaniwa ephome ya atthu oohaawa oohinthowa, ahiphwanyeriwe enanarihaka impa. Wa soothesene, orookhalaru hiiho,

Yeremiya 26:15

Vanonto musuwele weera, mwakiivasa, esidade ela ni amakaaya anookhalano nthowa na oyeeheya wa ephome yoohinthowa, niwoko vekhaikhai, Yave okirumihale wa nyuwo weera kooleeleni masu ala.”

Yeremiya 26:23

mwa yaawo yaamurwanne Uriya wExipitu, enamurongha wa mwene Yehoyakimi, aalamulenle wiiviwa ni ekatana. Vahoolowaya yaamurihela mulittini yaariheliwaayawo yakhalaru atthu.

Yeremiya 26:8

Vanonto, Yeremiya amalihaleene oleela muloko wootheene aalamuleliwaawe ni Yave, asaserdoti*, maprofeeti ni muloko wootheene waamvara, oneera: “Vekhaikhai nyuwo munimookhwa.

Zakariya 1:1

Mmweerini wanaathannamiraru wa eyaakha yanaaveeli ya olamula wa Dariyu, Yave aahuuluma ni mprofeeti Zakariya, mwaana mulopwana a Berekiya, mwaana mulopwana a Ido, amweerelaka:

Nuumeru 35:33

Muhivalihe elapo nyuwosa munkhalaanyu. Oyeeha ephome onghiiriha elapo, ni oreherereliweke wiiwanana ni Yave paahi yeereliwaka elapo eyeeheriwaayawo ephome mwa yeeyo namwiiva oyeenghaawe.

Luuka 11:51

okhuma ephome ya Abeli mpaka ya Zakariya, iiviwe variyari wa altaari* ni Empa ya Muluku. Aani, Miyo kinooleelani weera ekhapira ela eniikhalihiwe ni mulattu wa sootheene seiye.

Miteko 5:28

mwa yoowo aaweerenle: “Nohoolamulelani nnenesene weera muhixuttihe mwa Nsina nne. Wa soothesene, nyuwo moosariha oYerusaleemu ni nihusihonanyu, ni muntthuna onoothera ephome ya Mulopwana Owo.”

aHeberi 11:4

Munroromeloni Abeli aamvaha Muluku yooveleela yoopwahaxa ya Kayini. Munroromeloni owo aahooneliwa okhala ntoko mutthu owaakhuleliwa ni Muluku, eenre Owo aakhulelaka soovahasawe. Naamwi akhwaaka, munroromeloni nlelo owo onimweera wuuluma.

aHeberi 12:24

wa Yeesu, Namawera a wiiraana onyowani ni wa ephome emisiwe, mwa yeeyo enuuluma yooreeraxa opwaha ya Abeli.

Ethupululo 18:24

Mwa yeeyo yoophwanyiwa ephome ya maprofeeti ni ya ootteela ni ya ootheene yiiviwe mweelaponi.”