Matheyo 23:26 - Emakhuwa Bible

²⁶ aFarisi* oohoona! Murapihe toko mpuwa mwa ekoomixi ni esasaani, weera omokoni orapiheiyetho.

Matheyo 23:26 Iomraidhean Croise

Yesaya 55:7

Mutakhali ahiyeke ephirowaawe ni mutthu oonanara soowuupuwelasawe. Owo ahokoleele wa Yave ni Owo onoommorela ikharari, arukunuwele wa Muluku ni Owo onoomulevelela ni murima wooreera.

Yeremiya 13:27

Miyo kohoona mitekosanyu sa mwiikho, oraruwawanyu ni soohaawelasanyu soonanara, soopuutasanyu sohuuliheya muru mmattumuxani ni mmatta. Ii! Wa nyuwo, oYerusaleemu! Mpaka yaakhani muneeraanyu mpwaherere okhala oohitteela?”

Yeremiya 4:14

Ii oYerusaleemu! Mukatthe soonanara siri mmurimanimwanyu ni mvulixiwe! Mpaka yaakhani muneeraanyu mukhaleno soowuupuwela soonanara?

Ezekiyeli 18:31

Mwiitapuxe mwa soonanara sootheene mpankaanyu, ni mphwanye murima munyowani ni munepa munyowani. Ii! Muloko wa oYixrayeli, mmwikhweleni?

Matheyo 12:33

Muupuwele: mwiri wooreera oniima soowiima sooreera, ni mwiri woonanara oniima soowiima soonanara. Vano, mwiri onsuweliwa ni soowiimasaya.

Matheyo 14:8

Amayawe yaamviriyela owo weera aamweerele mwene: “Mukivahe musasaanini muru wa Yohaane mpatisa.”

Marku 7:4

Yaahokolowaka omerekadu, khaanca ehinaaye onyawa. Antthariha ikhovelelo sikina sincipale ntoko orapiha ikoomixi, nyaapu ni ipirinka sa eyuuma.

Luuka 11:39

Vano Apwiya yaamweerela: “Nyuwo aFarisi* munrapiha omokoni wa ekoomixi ni wa esasaani, mpuwatho moosareya ohaawela mihakhu ni onanara.

Luuka 6:45

Mutthu ooreera onkhumiha itthu sooreera siri mmuhakhuni wooreera ori mmurimanimwawe, ni mutthu oonanara onkhumiha itthu soonanara siri mmuhakhuni woonanara ori mmurimanimwawe. Vano, eyanowaawe enuuluma yeeyo esareiye mmurimanimwawe.

2 aKorinto 7:1

Oosiveleya, woonaka weera nookhalano soororomelihiwa iya, niirapihe mwa sootheene simvaliha erutthu ni munepa, nikwaniheraka ntteelihonahu niwoko na omoova Muluku.

aHeberi 10:22

Tivawo, nimwaattamele Muluku ni murima wa ekhaikhai ni noosareya ni nroromelo, nikhalanaka mirima soomisiwa sa mathowa, ni nikhalanaka irutthusahu soorapihiwa ni maahi ootteela.

Yakobe 4:8

Mmwaattamele Muluku ni Owo anaawaattameleni. Munyawe matataanyu, anamattheka, ni mutteelihe mirimasanyu, nyuwo murino soowuupuwela sookawanyeya!