Matheyo 22:3 - Emakhuwa Bible

³ Aahaarumihela arumeiyaawe atthu yaalattuliwe ofestani, eweerelaka weera eweeke, mene awo khayaatthunne orwa.

Matheyo 22:3 Iomraidhean Croise

Icipo 68:11

Yave aahuuluma masu ni anamitthenga ancipale yannalaleiya:

Yesaya 30:15

Muluku onlamula sootheene, Ootteela a oYixrayeli oneera ha: “Ovuluxiwawanyu ori moorukunxani murima ni ngwiitthuuwani; ikurusanyu sirimoomalani ni moororomelani, vaheera nyuwosa khamutthunne.

Yeremiya 25:4

Yave aarimoorumihelaniru arumeiyaawe, maprofeeti, emaara ti emaara, khangwiiwale, hata khamwaapwantthe.

Yeremiya 35:15

Kaahoorumihelasani imaara sincipale arumeiyaaka ootheene, maprofeeti. Awosa yeera khula mutthu a nyuwo waatthuneya ohiya mweettelowaawe woonanara, okhaliha nnene soopakasawe ni ohiya otthara miluku sikina weera alape. Hiiho, nyuwosa mwaammaka mulaponi koovanghaakani nyuwo ni makholowaanyu. Vaheera nyuwosa khamwaakipwantthe hata khamwaakiiwelenle.

Hoxeya 11:2

Vaheera Miyo kaawiitthanaxaaka aYixrayeli, awosa ti yaakirakamelasaaya. Awosa yaahaapakela sooveleela aBahali*, ehiseraka erubani* icaambulo.

Hoxeya 11:7

Mulokwaaka woolakelaxa okihiya Miyo. Anoomwiitthanaru Bahali*, owo khanaavuwiha.

Zefaniya 1:7

Mmaale ohoolo wa Yave onlamula sootheene, niwoko nihuku na Yave nookhuveela. Yave ooreherera yooveleela; ohaatteeliha yaawo aalattunlaawe.

Matheyo 21:34

Yaattamelaka ehuhu ya ohepha, aahaarumihela arumeiyaawe anamalima weera yaakhele soowiimasaya.

Matheyo 23:37

Yerusaleemu, Yerusaleemu, weyo ongwiiva maprofeeti ni onaavonya maluku yaawo onrumiheliwaawo! Hapo kaatthuna waathukumanya anamwanaawo ntoko nttehi nnaathukumanyaaya axaanaaya vathi wa mapuphaaya, mene khawaatthuna!

Matheyo 3:2

“Murukunxe mirima, niwoko omwene wa wiirimu wookhuveela.”

Matheyo 9:15

Yeesu aawaakhula: “Khoongwereya weera oolattuliwa wa ootthomera okhala oohihakalala, ootthomera areene nlelo ni yaawo. Eniirwe mahuku ootthomera aneeraawe avenxiwe wa yaawo. Wa ehuhuweene yeeyo anootthuka.

Luuka 13:34

Yerusaleemu, Yerusaleemu, weyo ongwiiva maprofeeti ni onaavonya maluku yaawo orumiheliwaawo: Imaara ihayi Miyo kaatthunaaka waathukumanya anamwaniinyu ntoko nttehi ninaathukumanyaaya axaanaaya mmapuphani, mene khoontthuna!

Luuka 15:28

Mwaana mutokweene aanyoonyiwa ni khaatthuna ovolowa. Vano atithawe yaavenya ni yaamunyeserera.

Luuka 19:27

Mwaha wa amwiittanaaka, yaale yahaatthuna weera miyo kaalamule, mwaaruuhe va ni ngwiive vamaithoniwaka.’”

Yohaane 5:40

Wa soothesene, nyuwo khamuntthuna orwa wa Miyo weera mphwanye okumi woohimala.

Miteko 13:45

aYuda, ewoonaka atthu ancipale, yaasareya nrima ni eveihaka, yaavaanyiha yeeyo Pawulo aahimaawe.

aRooma 10:21

Mwahatho wa aYixrayeli Owo eenre: “Kohookola matataaka mahuku ootheene wa muloko mmoha wohiiwelela ni onkiwanano.”

aHeberi 12:25

Mwiipasoope weera muhimukhootte Yoowo onuuluma. Yaawo yaakhoontte omwiiwa yoowo aawooperera mweelaponi, khayoopongwe ottaruxiwa. Woopwahaxa hiyo nnithorihiwe, namukhootta yoole onnooperera areene wiirimu.

aHeberi 9:15

Tivawo, Kristu ti Namawera a wiiraana onyowani, weera yaawo aniitthaniwa ephwanye yoororomelihiwa ya yoohiyeriwa* yoohimala. Owo oowera wiiraanyiha weiwo, niwoko okhwenle elevelelo ya soottheka sipakiwe ehuhu ya wiiraanyiha woopacera.

Ethupululo 22:17

Munepa ni ootthomeriwa aneera: “Nkarwani!” Ni ootheene yaawo aniiwa yeere: “Nkarwani!” Yoole omvoliwa ntthona, arweeke; ni yoole ontthuna, awureke woohiliva maahi a okumi.

1 Samuweli 9:13

Mwavolowaru musidade, munoomphwanya ahinaaye owela vanttumuxani weera ace. Amaki kheepacera oca owo ahinaaye ophiya, niwoko owo ontthuneya oreeliha yooveleela. Vahoolowaya ancaaya oolattuliwa. Murowe vaanaanova, munoomphwanya ahinaaye.”