Matheyo 20:2 - Emakhuwa Bible

² Owo aahiiwanana waaliva edinaariyu* emoha vanihukuni, ni aahaalamula wa emattaawe ya iwuuva*.

Matheyo 20:2 Iomraidhean Croise

1 Mamwene 18:12

Nkisuwenle woowi Munepa wa Yave oneeraaya woorongheni miyo koohiyakani. Miyo karowa omuleela yeeyo Ahabi ni owo aahoophwanyani, onookiiva. Miyo kiri murumeiyaanyu kinnamutthapela Yave okhuma emirawaaka.

2 Nyaha 34:3

Vayaakhani yanaathannaararu ya olamulawawe, areene nlelo mmiravo, owo aapacera omwaasa Muluku a Davide, nikholonawe. Vayaakhani yanaamuloko ni piili aapacera otteeliha oYuda ni oYerusaleemu mapuro oolapa a miluku soowootha, nyiri soothipeleliwa sa Axera, icaambulo soopatthiwa, ni soohaniwa.

Namalaleiya 12:1

Omuupuwelele Mpattuxaawo mmahukuni a omiravowaawo, ehinaaye ophiyera mahuku a makacamiho ni okhuveela iyaakha oneeraawo weere: “Nkinghakalalela seiyo,”

Matheyo 18:28

Murumeiyi ole avenyaka, aamphwanya murumeiyi mukhwaawe mmoha aamukoongorenle idinaariyu* ncira. Aamvara ni aapacera omunyooka eeraka: “Mukilive yeele mukikoongorenlaanyu!”

Matheyo 20:1

Vano, omwene wa wiirimu ori ntoko mwaneene aavennye ohinaxe arowaka owaasa anamiteko wa emattaawe ya iwuuva*.

Matheyo 20:13

Vano owo aamwaakhula mmoha a yaawo eeraka: ‘Nthamwene, miyo nkinoopakela weyo yeeyo eri yoonanara. Weyo khaniiwananne ovara muteko wa edinaariyu* emoha?

Matheyo 20:3

Siviraka iwoora tthaaru, owo aavenya veeli ni aawoona omerekadu akina yahaavara muteko.

Matheyo 20:9

Yaahoowa anamiteko ale yaalempwe muteko iwoora muloko niithannapiili sooxekuwa, ni aahaakhela mutthu ti mutthu edinaariyu* emoha.

Matheyo 22:19

Mukoonihere nikhoobiri na musoko.” Awo yaamoonihera edinaariyu* emoha,

Matheyo 9:37

Vano aaweerela oohuseraawe: “Sookhala soohepha sincipale, mene anamiteko ari vakhaani.

Marku 12:15

Yeesutho, asuwelaka wiixeerawaya, aahaakoha: “Heeni muneereraanyu okiphariha mutaphani? Mukiwiihere edinaariyu* emoha weera Miyo koone.”

Luuka 1:15

Vano, anaakhale mutokweene vamaithoni wa Apwiya. Owo kharwa awura eviinyu, hoye hoye yoowura ekina. Anaakhale oosareya ni Munepa Wootteela okhuma ohinaaye oyariwawawe.

Luuka 10:35

Wa oxaawaya, aakhumiha idinaariyu* piili ni aamvaha mwaneene a empa ya aletto amweerelaka: ‘Munkosoope. Kaahokolowaka, kinimoolivani sootheene muneeraanyu munanarihe.’

Luuka 20:24

“Mukoonihere edinaariyu* emoha. Ecaambulo ni yoolempwa ela ti yawani?”

2 Timootheyo 3:15

Vano, okhuma enamwanaawo woosuwela Yoolempwa* Yootteela, engwera woovaha miruku sinrongha woovuluwani niwoko na nroromelo mwa Kristu Yeesu.

Ethupululo 6:6

Vano kaahiiwa etthu yaalikana ntoko nsu variyari wa ikhalelo sa okumi ixexe, neera: “Muringo mmoha wa etrigu onkhala edinaariyu* emoha ni miringo miraru sa esevada* sinkhala edinaariyu* emoha, ni muhinanarihe makhura, naari eviinyu!”

1 Samuweli 2:18

Vano Samuweli areene nlelo mmiravo annarumeela vamaithoni wa Yave awanreene mukaandyo wa eliinyu*.

1 Samuweli 2:26

Mmiravo Samuweli eera unnuwaka imaara sootheene amusivelihaka Yave ni muloko.

1 Samuweli 3:1

Mmiravo Samuweli annarumeela vamaithoni wa Yave alamuleliwaka ni Eli. Mahuku ale waakhala woothowathowa waakhela mutthu mutthenga wa Yave, ni nyoonelotho sannahaleela.

1 Samuweli 3:21

Yave aapwaherera iixooniheraka oXilo, mwa weiwo aamukhumelenlaawe Samuweli mmasunimwawe.