Matheyo 19:28 - Emakhuwa Bible

²⁸ Yeesu aaweerela: "Miyo kinooleelani ekhaikhai: mweehuhuni enyowani engwa, Mwaana a mutthu akilaathiyeene vahiceni ya ovuwa, nyuwo mukitthanre mmwikilaathi vahiceni muloko ni piili weera muthorihe ipuumba* muloko ni piili sa oYixrayeli.

Matheyo 19:28 Iomraidhean Croise

1 Mamwene 18:31

Aakuxa maluku muloko ni meeli – nimoha wa khula epuumba ya aYixrayeli ya ekhapira ya Yakobe, mwa yoowo Yave aamweerenlaawe: “Nsinananyu nnikhale Yixrayeli.”

2 Nyaha 9:19

Mmalipani mathannamosa, yaakhalamo amwatto muloko neeli, khula mpatta wa khula nlipa aakhala mwatto mmoha. Khawaariworu omwene waatonko opakiwa etthu siiyeele.

Ezera 6:17

Wootteeliheriwani Empa ya Muluku yaapaka sooveleela yiivaka imombe ilopwana ncira, anapunci macira meeli, ikhondoolo ilopwana sikhaani macira maxexe, ni wa soottheka wa aYixrayeli ootheene yaahiiva ipuri ilopwana muloko ni piili – emoha wa khula epuumba ya aYixrayeli.

Okhuma 15:27

Vahoolowaya yaaphiyasa wElimi yaaraayawo anaattuuttu muloko neeli a maahi ni mavare miloko mithannamiili. Vano yaakonelasa vamaaheene yaale.

Okhuma 24:4

Vano Moisesi aalepa sootheene Yave aahimmaawe. Oxaawaya aavenya, anaateka altaari* mukerekhere mwaako, anaweemexa amarimbu muloko neeli a maluku ethoonyeraka ipuumba muloko ni piili sa aYixrayeli.

Okhuma 28:21

Ekhaleke maluku muloko ni meeli – nimoha wa khula nsina na anamwane asilopwana a Yixrayeli; khula nluku noolempwa ntoko munnelani woottittelano, nikhalanaka nsina nimoha na khula epuumba.

Yesaya 65:17

“Moone, kinoopattuxa irimu ni ilapo sinyowani. Itthu sa khalayi khasuupuweleliwa hata khasikhalatho mmuupuweloni.

Yesaya 66:22

“Mooteene yoowo erimu ni elapo enyowani kineeraaka kipattuxe empwahereraaya wa mahuku ootheene,” onghima Yave, “hiihotho nsinananyu ni ekhapiraanyu enoopwaherera.

Levitiku 24:5

Mukuxe ephepa yooxiliwa nnenesene ni mpake ipaawu muloko ni piili, muvarelaka muteko ikiilu* ixexe wa khula epaawu.

Matheyo 16:27

Mwaana a mutthu anaawe moovuwani wa Atithawe ni andyelowaaya, ni anaamutthuvele khula mutthu wa yeeyo owo opankaawe.

Matheyo 19:27

Pedru aamwaakhula: “Hiyo noohiya sootheene weera nootthareeni. Nnaakhele eheeni?”

Matheyo 20:21

Yeesu aamukoha: “Muntthuna eheeni nyuwo?” Awo yaamweerela: “Kinoovekelani weera, mwaaphiyaka moomwenenimwanyu, anamwanaaka ala eeli yakilaathi mmoha moonowaanyu mulopwana ni mukina moonowaanyu muthiyana.”

Matheyo 25:31

Mwaana a mutthu aawaaka moovuwanimwawe vamoha ni andyelowaawe ootheene, anaakilaathi vahiceniwawe ya ovuwa.

Matheyo 6:33

Mwaasaase toko omwene wa Muluku ni opaka otthunawawe, ni itthu seiyo sootheene mmwivahiwe nyuwo.

Matheyo 8:20

Yeesu aamwaakhula: “Akhwatte aakhalano mapuro ankonaayamo, ni ipalame sa wiirimu sookhalano ipuurusaya, mene Mwaana a mutthu khakhalanne nipuro noowiitthuuwiha muru.”

Marku 10:37

Awo yaamwaakhula: “Munitthunihere weera moovuwanimwanyu, hiyo nakilaathi mmoha moonowaanyu mulopwana ni mukina muthiyana.”

Miteko 3:21

Ontthuneya weera Owo akhale wiirimu, mpaka ophiya ehuhu Muluku aneeraawe areherere itthu sootheene, ntoko aahimalaawe khalayi ni iyano sa maprofeeti ootteela.

2 Timootheyo 2:12

Hiyo navilela ni Yoowo, nnilamuletho ni Yoowo; namukhootta Yoowo, Owo anaanikhoottetho.

Yoxuwa 3:12

Mwaathanle asilopwana muloko neeli a ipuumba sa Yixrayeli, mmoha a khula epuumba.

2 Pedru 3:13

Wa soothesene, ntoko yoororomelihiwa ya Apwiya, hiyo ningweherera wiirimu onyowani ni elapo enyowani enkhalaayawo ekhaikhai.

Ethupululo 11:16

Asitokweene miloko miili naaxexe yaakilaathiye vahiceniwaya ohoolo wa Muluku yaahuuramiha ikhovesaya mpaka vathi, enamulapa Muluku,

Ethupululo 12:1

Ni eneneero etokotoko ni yootikhiniheya yaahooneya wiirimu: muthiyana awanreene nsuwa, ni mweeri vathi wa inaawosawe ni ecireemba ya ithenyeeri muloko ni piili mmurumwawe.

Ethupululo 20:4

Kaahoona ihice, mwa seiye yaakilaathenlaaya yaale yaavahiwe ikuru weera ethorihe. Kaahoona okumi wa yaawo yaahitiwe niwoko na onamoona wa Yeesu ni na masu a Muluku. Awo khayaalampe enama, hata ecaambulowaaya ni khayaakhenle eneneerowaaya vayuuci, naari mmatatani. Awo yaavenyerera ni yaalamula vamoha ni Kristu wa iyaakha macira muloko.

Ethupululo 21:5

Yoole aakilaathiye vahiceni aaheera: “Kimpaka sinyowani itthu soothesene!” Nitho: “Mulepe yeeyo, niwoko masu ala ti a ekhaikhai ni oophwanela ororomeliwa.”

Ethupululo 22:2

eriyari ya musewe mutokweene wa esidade. Okhopela ni okhopela wa mooloko waakhala mwiri wa okumi, ohephiwaka imaara muloko ni piili sa soowiimasaya, wiimaka khula mweeri wa eyaakha. Makukhu a mwiri mutekwaaya waalamiha atthu a ilapo.

Ethupululo 22:5

Khoorwa okhalatho ohiyu ni khoorwa ohaaweleya waara wa onyaari, naari wa nsuwa, niwoko Apwiya Muluku eniyaamwaleele, ni awo eniilamule mahuku ootheene oohimala.

Ethupululo 3:21

Nkimvahe namawina ikuru sa okilaathi vamoha ni Miyo vahiceniwaka, hiiho ntoko Miyotho kiwinnaaka ni kikilaathiyaaka vamoha ni Atithaka vahiceniwaya.

Ethupululo 4:4

Vano, ihice miloko miili niixexe sikina saarukureera ehice ele, ni asitokweene miloko miili naaxexe ekilaantheene mwemmo. Awo yaawanre ikuwo sootteela nitho icireemba sa eyuuma yoorikaxa mmurumwaya.

Ethupululo 7:4

Vano kaahiiwa waatta wa yaale yiikaatheriwe: atthu 144 000 wa ipuumba sootheene sa aYixrayeli.