Matheyo 18:28 - Emakhuwa Bible

²⁸ Murumeiyi ole avenyaka, aamphwanya murumeiyi mukhwaawe mmoha aamukoongorenle idinaariyu* ncira. Aamvara ni aapacera omunyooka eeraka: “Mukilive yeele mukikoongorenlaanyu!”

Matheyo 18:28 Iomraidhean Croise

Nehemiya 10:31

Miloko soowaattamana saaruuhaka soothumiha hoye hoye etrigu weera ethumihe vanihukuni na eSaabadu naari nakhalaru nihuku nikina nootteela, khanithuma itthusaya mahukweene yaawo. Khula eyaakha yanaathannapiili nnoohiya imattasahu weera siitthuuwe ni ninoomaliha ikoongori sootheene.

Nehemiya 5:7

Kaaneelela sootheene ni kaahaahiiha maneethi ni asitokweene, kiweerelaka: “Nyuwosa munaakokoca axunninyu moota woohitthuneya!” Vano kaahaalattulela muthukumano mutokotoko.

Masu a Miruku 28:3

Namahaawa onthatuwa mpuhi anaahasula oohaawa, ori ntoko ettheku yootutuxereya emphwata soophatteiwa sootheene.

Yesaya 58:3

Awosa ankoha: Hiyo naatthukaka heeni muhinoonelani? Hiyo niiyevihaka, muhimpwatthelani?” Wa soothesene, vanihukuni na otthukawanyu nyuwosa mumpaka yeeyo muntthunaanyu muhaapwatthelaka anamutekwaanyu ootheene.

Ezekiyeli 45:9

Yave onlamula sootheene, oneera ha: Ii! Anamwane a mamwene a oYixrayeli, nyuwosa mootepihaxa paahi! Muhiye nipuheronanyu, nihasunanyu ni mpake yeeyo eri yoororomeleya ni yoowookoleleya. Muhiyerere okuxa yeeyo eri ya mulokwaaka,’ onghima Yave onlamula sootheene.

Matheyo 18:27

Apwiya a murumeiyi ole yaammorela ikharari, aamaliha ekoongori ni aamuhiya weera arowe.

Matheyo 18:29

Vano murumeiyi mukhwaawe ole aamukokhorela ni aamudyoonttelela eeraka: “Mukivilele! Miyo kinimoolivani sootheene.”

Matheyo 20:2

Owo aahiiwanana waaliva edinaariyu* emoha vanihukuni, ni aahaalamula wa emattaawe ya iwuuva*.

Marku 14:5

Makhura ala yaaheereke othumihiwa ni idinaariyu* macira mararu, ni musurukhu owo yaaheereke ovahiwa atthu oohaawa.” Ni awo yaamoopopiha vancipale.

Marku 6:37

Wa soothesene, Owo aawaakhula: “Mwaavahe nyuwo etthu weera ece.” Awo yaamweerela: “Eyo entthuneya idinaariyu* macira meeli! Ninanariheke musurukhu mwincipale ni ipaawu weera naavahe yooca?”

Luuka 10:35

Wa oxaawaya, aakhumiha idinaariyu* piili ni aamvaha mwaneene a empa ya aletto amweerelaka: ‘Munkosoope. Kaahokolowaka, kinimoolivani sootheene muneeraanyu munanarihe.’

Luuka 7:41

Yeesu aamweerela; “Atthu eeli yaamukopela namakopiha. Mmoha aamukopela idinaariyu* macira mathanu, ni mukina idinaariyu* miloko mithanu.

Yohaane 6:7

Filipe aamwaakhula: “Idinaariyu* macira meeli khasinaathumela ipaawu soowaatta weera khula mutthu aakhele yoomeyanyiwa!”

Deuteronomiyo 15:2

Eyo epakiweke moota ola: khula namakopa amaliheke aamukoongorenlaawe mukhwaawe. Ahikhaleru muYixrayeli anaamukokoce mukhwaawe, niwoko yoohimmwa ehuhu ya Yave omalihiwa wa ikoongori.