Matheyo 15:31 - Emakhuwa Bible

³¹ Muloko wa atthu waatikhina waawoonnaaya oohuuluma yuulumaka, oovulala elammeene, oorakala yeettaka, ni oohoona yoonaka. Yaamuttottopela Muluku a oYixrayeli.

Matheyo 15:31 Iomraidhean Croise

Epacerero 32:28

Vano mulopwana ole aaheera: “Nsinananyu khanirwa niitthaniwatho Yakobe, mene Yixrayeli, niwoko nyuwo moowana ni Muluku, nitho atthu, munawina,”

Epacerero 33:20

Vano vaavaale aahaateka altaari* ni aahaatteha Eli Elohe* Yixrayeli.

Icipo 50:15

Mukikhuwelele nihuku na othanana – Miyo kinoowopolani ni nyuwo munookittittimiha.

Icipo 50:23

Yoole ompaka sooveleela sootthapela onkittittimiha Miyo ni owo onreherera ephiro weera kimoonihere ovuluxa wa Muluku.

Okhuma 24:10

ni yaamoona Muluku a aYixrayeli. Vathi wa inaawosawe yaakhalawo yoonyikalela maluku a safira*, waarawaya ntoko erimu.

Matheyo 15:30

Atthu ancipale yaamwaattamela Yoowo, yaakuxaka atthu oorakala, oovulala, oohoona, oohuuluma ni ancipale akina, ni yaahaakilaathiha wa nyettoniwawe. Vano Owo aahaalamiha.

Matheyo 18:8

Matataanyu, hoye hoye nnaawonanyu nootthekihani, muthikile ni muvonyere okerekhere. Fataari ovolowa mookumini oorakaleene, naari oovulaleene, ohikhanle oreeneno matata meeli, hoye hoye inaawo soopiili ovonyeriwa mmooroni woohimala.

Matheyo 21:14

Atthu oohoona ni atthu oorakala yaamwaattamela Yoowo Mpaani mwa Muluku, ni Owo aahaalamiha.

Matheyo 8:10

Woowiiwa seiyo, Yeesu aatikhina, ni aaweerela yaamutthara: “Kinooleelani ekhaikhai: nkimphwannye oYixrayeli mutthu orino nroromelo hiihaawo.

Matheyo 9:32

Evenyaka ale, aaronghiwa wa Yeesu mutthu oohuuluma aarino munepa woonanara.

Matheyo 9:33

Munepa woonanara woomoliwaaya, oohuuluma aapacera wuuluma. Atthu ancipale yaatikhina yeeraka: “Kheenooniwe etthu yoolikana ela oYixrayeli.”

Matheyo 9:8

Yoonaka yeeyo, atthu ancipale yaahoova, ni yaamvuwiha Muluku aavanghe ikuru iye atthu.

Marku 2:12

Owo aavenya, aakuxa nrepa ni aakhuma ooniwaka ni atthu ootheene. Ootheene yaatikhinaxa ni yaamvuwiha Muluku yeeraka: “Khaninatoko woona etthu ntoko yeela!”

Marku 7:37

Muloko wa atthu waatikhinaxa ni waaheera: “Owo ompaka sootheene sooreera. Onoowera mpaka omwiiwiha oohiiwa ni omuulumiha oohuuluma.”

Marku 9:43

Ntatananyu nootthekihani, mukwituleke. Fataari ovolowa mookumini oorakaleene, ohikhanle mureeneno matata meeli orowa mmooroni, weiwo mooro ohimmalaaya.

Luuka 14:13

Mwaarehereraka yooca ya efesta, mwaalattule oohaawa, oorakala, ootuthunya ni oohoona.

Luuka 14:21

Murumeiyi aahokolowa ni aahaaleela apwiyaawe. Vano mwaneene a empa aanyoonyiwa ni aamulamulela murumeiyaawe eeraka: ‘Orowe woowaakuveya mmiseweni ni mmiseweni sikhaaneene, ni waaruuhe wenno oohaawa, oorakala, oohoona ni ootuthunya.’

Luuka 18:43

Woowaakuveya owo aahoona, ni aamutthara Yeesu amvuwihaka Muluku. Muloko wa atthu wootheene, woonaka yeeyo, waamuttottopela Muluku.

Luuka 7:16

Ootheene yaasareya ni woova ni yaamuttottopela Muluku. Awo yaaheera: “Mprofeeti Mutokweene oonikhumelela variyariwahu. Muluku aaxekura muloko wa atthwaawe.”

Yohaane 9:24

Emaara yanaaveeli yaamwiitthana mulopwana aari oohoona, enamweerela: “Omvuwihe Muluku! Noosuwela weera Mulopwana Owo ti namattheka.”