Matheyo 13:25 - Emakhuwa Bible

²⁵ Vaheera ootheene ekonaka, aahoorwa mwiittanaawe ni aamwaala nakhwaali variyari wa etrigu, ni aapwaha.

Matheyo 13:25 Iomraidhean Croise

1 Mamwene 3:20

Vano, ola aavenya ohiyu eriyari, anamukuxa mwanaka, miyo murumeiyaanyu kikonaka. Vahoolowaya aamwaatalela ohoolowawe. Vaheera mwaniye ookhweene aamwiikaathi ohoolowaka.

Matheyo 13:24

Yeesu aahaathalihera yoolikanyiha ekina eeraka: “Omwene wa wiirimu ori ntoko mulopwana aanle mmiso wooreera mmattamwawe.

Matheyo 13:26

Etrigu yaathapuruwaaya ni ekhalanaka nyiiwa, nakhwaalitho aamela.

Matheyo 13:27

Anamiteko a muneene yaahoorwa wa yoowo ni yaaheera: ‘Khamwaanle mmiso wooreera mmattamwanyu? Vano, ongweela woowi nakhwali?’

Matheyo 13:29

Owo aawaakhula: ‘Hoye! Woomvenxa nakhwali, mmwivenxetho etrigu.

Matheyo 13:30

Muhiye weera sunnuwe vamoha mpaka ehuhu ya ohepha. Vano, miyo nkiweerele anamahepha weera epacere omuukela nakhwali, emutthukaka irecesene weera sihisiwe. Vahoolowaya nkiweerele weera ethukumanye etrigu ni ethokorore vatathaniwaka.’”

Matheyo 13:39

Mwiittana aamwaanle nakhwali ti Diyabu* . Ohepha ti emalihero ya ehuhu, ni anamahepha ti andyelo.

Matheyo 25:5

Namatthomera aapisa ophiya, ni ootheene yaavoliwa ikhove ni yaakona.

aGalata 2:4

Mwaheene yoola okhumelenle, niwoko axunna akina oowootha yaavolowa variyariwahu weera yoone woopoliwawahu nikhalannaahu mwa Kristu, weera eniphuretho hiyo mookaporoni.

aHeberi 12:15

Mwiipasoope weera ahikhale mukina, anaasuse wa mahala a Muluku ni weera naari mukwankhwaari mmoha woowaawa ohiphuwe, oruuhaka sookacamiha waananarihaka ancipale.

1 Pedru 5:8

Muhule maithwaanyu a mmunepani ni muwehawehe, niwoko mwiittanaanyu, Diyabu*, oneetta oorukureerakani, ntoko mwatto oniipa, amwaasaka taani aneeraawe angwere omukhuura.

2 Pedru 2:1

Vano, yaakhumelela maprofeeti oolokottha variyari wa muloko, ntokotho eneeraaya ekhumelele maprofeeti oolokottha variyariwanyu. Awo eniiruuhe muxiirini mahusiho oolokottha oophwata, mpaka yaakhoottaka Apwiya anlamula sootheene, mwa Yaawo awooponle. Hiiho eniyiiruuhele ophwateyawaya woowaakuveya.

Ethupululo 12:9

Edrakoni* etokotoko yaavonyeriwa vaate, enoweene yeele ya khalayi yiitthaniwa Diyabu*, hoye hoye Satana enlokottha elapo yootheene. Eyo vamoha ni andyelowaaya yaavonyeriwa elapo ya vathi.

Ethupululo 13:14

Niwoko na ineneero yaatthuniheriwaaya opaka mwa nsina na enama yoopacera, eyo yaahaalokottha atthu a elapo ya vathi. Yaahaalamulela opaka ecaambulo ya enama yoopacera weera ettittimihe enama ele yaavulalihiwe ni ekatana, nitho yaalamihiwe.

Ethupululo 2:20

Wa soothesene, kookhalano yoowootherani ela nyuwo: Munimvilela muthiyana owo Yezabeli oniixeerela mprofeeti. Owo onaaphariha arumeiyaaka ni mahusihowaawe weera epake olavilavi ni ece yooca yooveleeleliwa miluku sikina.