Matheyo 13:23 - Emakhuwa Bible

²³ Woomalihera, mmiso ole waaliwe vatthayani yooreera, owo ti mutthu yoole oniiwa masu ni oniiwexexa. Onnavaha yoohepha: mmiso mmoha sinimwiima imaara ncira, mmiso mukina imaara miloko mithannamosa ni mukinatho imaara miloko miraru.”

Matheyo 13:23 Iomraidhean Croise

Ezekiyeli 18:31

Mwiitapuxe mwa soonanara sootheene mpankaanyu, ni mphwanye murima munyowani ni munepa munyowani. Ii! Muloko wa oYixrayeli, mmwikhweleni?

Ezekiyeli 36:26

Kinimoovahani murima munyowani kiheleke mwa nyuwo munepa munyowani; kinimoovenxani murima wa nluku koovahasekeni wa ethai.

Matheyo 12:33

Muupuwele: mwiri wooreera oniima soowiima sooreera, ni mwiri woonanara oniima soowiima soonanara. Vano, mwiri onsuweliwa ni soowiimasaya.

Matheyo 13:8

Mukinatho waamorela vatthayani yooreera ni waavaha soohepha sooreera: mmiso mmoha soowiima imaara ncira, mmiso mukina soowiima imaara miloko mithannamosa, ni mukinatho imaara miloko miraru.

Matheyo 3:10

Epaso eri yoolikaneene weera ethikile mikwankhwaari sa nyiri. Nyiri sootheene sihiniima soowiima sooreera, sinoothikiliwa ni sinoovonyeriwa mmooroni.

Matheyo 3:8

Muruwere soowiima sinoonihera orukunxa murima!

Marku 10:15

Miyo kinooleelani ekhaikhai: Yoowo ohinaakhela omwene wa Muluku ntoko mwaana, khanrowa ovolowa moomweneni.”

Marku 4:20

Atthu akina, ntoko mmiso woomisiwa vatthayani yooreera, aniiwa masu, anaakhulela ni anruwera soohepha sa imaara miloko miraru, imaara miloko mithannamosa ni mpaka imaara ncira.”

Luuka 13:9

Mwaahiyu wiima, onooreera. Waahiima, muuheke.’”

Luuka 8:15

Mmiso waamorenle vatthayani yooreera ti yaawo aniiwa nsu na Muluku ni murima wooreera ni wa nnene, ansunga nno mmirimanimwaya, ni anniima soowiima moovilelani.

Luuka 8:8

Mukinatho waamorela vatthayani yooreera, waahunnuwa ni waahiima soohepha sooreera imaara ncira opwaha waaliwe.” Aahimaawe yeeyo, Yeesu aakhuwela: “Yoowo orino maaru oowiiwa, iiweke!”

Yohaane 15:16

Nyuwo khamukithanlale Miyo, mene Miyo kohoothanlani nyuwo weera murowe ni mwiime soowiima soohimala weera Atiithi yoovaheeni yeeyo muneeraanyu muvekele mwa Nsinanaka.

Yohaane 8:47

Yoole ori a Muluku oniiwa yeeyo Muluku onghimaawe. Nyuwo khamummwiiwa niwoko khamuhiyono a Muluku.”

Miteko 16:14

Mmoha a yaawo yiiwale aari muthiyana oomoova Muluku iitthaniwa Lidiya, namathumiha a ekuwo yooxeera a esidade ya oThiyatira. Apwiya yaahula murimaawe weera iiwexexe mutthenga wa Pawulo.

Miteko 17:11

Atthu a oBereya yaari maneethixa waapwaha atthu a oTesalonika. Yaahaakhela mutthenga ni otthuna otokotoko, esomelaka mahuku ootheene Yoolempwa* weera yoone sootheene saari hiiho.

2 aKorinto 9:10

Yoole onimvaha mmiso yoowo onaala ni yooca wa yoowo onca, Owo anoovaheeni ni anaandyeerere mmiso, ni anunnuwihe soowiima sa waakhuleliwawanyu ni Muluku.

aFilipi 1:11

Kimvekela weera musareye ni yoowiima ya ekhaikhai. Yoowiima ela enrweela niwoko na Yeesu Kristu wa ovuwa ni ottottopela wa Muluku.

aFilipi 4:17

Khoohiyono weera miyo kinaasaasa soovaha, mene kinghaawela yeeyo eneera yaandyeerere ntthuvelonanyu.

aKolosi 1:10

Nimvekela yeeyo weera mweettelowaanyu okhale woowaaphwanelela Apwiya, ni weera mwaasivelihe Yaawo mwa soothesene, mwiimaka soowiima sa miteko sooreera, munnuwaka mwa esuwelo ya Muluku.

aKolosi 1:6

yoophwannyeni. Mwa elapo yootheene ya vathi masu ooreeraxa aniima soowiima yunnuwaka, ntoko oneereyaaya variyariwanyu okhuma ehuhu mwiiwalaanyu masu ooreeraxa, ni mwiiwexenxaanyu mahala a Muluku mwa ekhaikhai.

1 aTesalonika 4:1

Woomaliha, axunna, noohooxuttihani moota wooweetta weera munsivelihe Muluku, ni mwa Yoowo nyuwo munimweera weetta. Vano, ninoovekelani ni ninoodyoonttelelani mwa Apwiya Yeesu weera mupwahereraxe mwa mweetteloweene yoowo.

2 aTesalonika 2:10

aalokotthaka yaawo anriheya ni sootakhala sootheene. Awo anriheya, niwoko yaakhootta osivela ekhaikhai weera evuluxiwe.

aHeberi 4:2

Vano, masu ooreeraxa aalaleiwatho wa hiyo, hiiho ntoko wa yaawo, mene mutthenga ale yiiwalaaya khawaatekeleiye etthu, niwoko yaawo yiiwale khayaakhenle mutthenga ole ni nroromelo.

aHeberi 6:7

Vano, etthaya engwura epula enrupa imaara sincipale ni emvaha soohepha soovareleya muteko wa yaawo anlima, ennaakhela mareeliho a Muluku.

aHeberi 8:10

Wu ori wiiraana Miyo kineeraaka kipake ni muloko wa aYixrayeli vahoolo wa mahuku awo, anghima Apwiya: Nkihele malamulowaaka mmuupuwelonimwaya, ni nkilepe yaawo mmirimanimwaya. Nkikhale Mulukwaaya, ni awo eniikhale mulokwaaka.

2 Pedru 3:18

Wa soothesene, munnuwe mmahalani ni moosuwelani mwa Apwiyaahu ni Mvuluxa Yeesu Kristu. Wa Awo okhale ovuwa wa vaanaano ni woohimala. Ame*.

1 Yohaane 5:20

Noosuwelatho weera Mwaana a Muluku aahoowa ni oonivaha wiiwexexa weera nimusuwele Yoowo ori Ekhaikhai. Ni hiyo ninkhala mwa Yoole ori Ekhaikhai, mwa Mwanawe Yeesu Kristu. Owo ti Muluku a ekhaikhai ni okumi woohimala.