Matheyo 13:20 - Emakhuwa Bible

²⁰ Mwaha wa mmiso ole waaliwe vamasorosoroni, owo ti yoole mutthu oniiwa masu ni woowaakuveya onaakhelela ni ohakalala.

Matheyo 13:20 Iomraidhean Croise

2 Nyaha 24:14

Emalihaleene, yaarongha eparatha* yaahanle eyo wa mwene ni wa Yehoyada, enapakeliwano soovarela muteko Mpaani mwa Yave: ikaruma soovarela muteko, ni wa sooveleela soohisa, ohiya itixela ni ikaruma sikina sa eyuuma yoorikaxa ni sa eparatha*. Nlelo Yehoyada areene ni okumi, sooveleela soohisa saapwaherera opakeliwa Mpaani mwa Yave.

2 Nyaha 24:2

Musaserdoti* Yehoyada nlelo areene ni okumi, Yowaxi aapaka yeeyo onaakhulelaawe Yave.

2 Nyaha 24:6

Tivawo mwene aamwiitthannaawe Yehoyada, mutokweene a asaserdoti*, anamukoha: “Heeni muhaanyesereringhaanyu aLeevi weera eruuhe oYuda ni oYerusaleemu musoko waalamuleliwe ni Moisesi, murumeiyi a Yave wa muthukumano wa aYixrayeli, mwaha wa Eheema ya Arka* a wiiraana?”

Yesaya 58:2

Vano khula nihuku awosa annikaasa; awosa antthunaxa osuwela iphirosaka ntoko waari muloko ompaka yeeyo eri yooreera ni ohihingye malamulo a Mulukwaaya. Awosa ankivekela soolakela sa ekhaikhai ni ankhala ntoko anamahaawela weera Muluku aakhuveele.

Matheyo 13:19

Mutthu iiwa mutthenga wa omwene ni aahiiwexexa mutthenga ole, mutakhali onimoowa ni onoomwaakha mmiso waaliwe mmurimanimwawe. Ola ti mmiso waaliwe mukerekhere wa ephiro.

Matheyo 13:21

Wa soothesene, woonaka weera khanono mukwankhwaari mwaneenaawe, onoopwaherera ehuhu vakhaani paahi. Saakhumelelaka soohooxa, hoye hoye ottharatthariwa niwoko na masu ala, woowaakuveya onoohiya.

Matheyo 7:8

Vano, ootheene amvekela, animwaakhela; ootheene anaasa, anoophwanya; ni wa yoole ommana nsele, anaahuleliwe.

Marku 6:20

niwoko Herodi aamoova Yohaane ni aamwaakiha, asuwelaka weera aari mulopwana oororomeleya ni ootteela. Aamwiiwaawe Yohaane, aatikhinaxa. Waarookhalaru hiiho, annatthuna omwiiwa.

Yohaane 5:35

Yohaane aari onyaari waavarela ni waamwaleela waara, ni mweehuhuni ekina nyuwo mwaatthuna ohakalala niwoko na waarawawe.

Miteko 8:13

Simeyoneene yoowo aaroromelatho ni aapatisiwa. Aamutthara Filipe woohimuhiyerera, awehaka ootikhinihiweene ineneero sitokotoko ni sootikhiniha saapakiwa.