Matheyo 11:3 - Emakhuwa Bible

³ “Ti nyuwo Yoole eera awe, hoye hoye ningweherereke mukina?”

Matheyo 11:3 Iomraidhean Croise

Epacerero 12:3

Miyo nkaareelihe yaawo eneera yooreeliheni ni nkaalaphe yaawo eneera yoolapheeni. Vanonto, mwaha wa nyuwo nsireelihiwe miloko sootheene sa mweelaponi.”

Epacerero 3:15

Nkiittanihe variyariwawo ni muthiyana, variyari wa ekhapiraawo ni ya muthiyana. Owo anaaswanye murwaawo ni weyo onuulume etthottopwaawe.”

Epacerero 49:10

Ekopo kheerwa ekuxiwa wa Yuda, aani ekopo yoolamula eniikhale eriyari ya nyettosawe mpaka aneeraawe arwe yoowo ori muneene a ekopweene yeeyo. Ni miloko nsimwiiwelele yoowo.

Icipo 118:26

Ooreelihiwa ti yoole onrwa mwa Nsina na Yave. Hiyo nnooreelihani Mpaani mwa Yave.

Yesaya 7:14

Tivawo Yave muneene aneeraawe oovaheeni, eneneero: mwaamwali oowiikosoopa onoorupala, amuyareke Mwaana Mulopwana ni onoomutteha Emanuweli.

Hoxeya 3:5

Vahoolowaya, aYixrayeli anoohokolowa, emwaaseke Yave, Mulukwaaya, ni Davide mwenaaya. Mmahukuni ookisera animoowa ethukumelaka vamaithoni wa Yave ni wa mareelihowaawe.

Obadiya 1:21

Yaale yoopongwe anoowela vamwaako wa oSiyoni weera elamule nyaako sa Esawu. Ni omwene onuukhale wa Yave.

Mikeyasi 5:2

“Vaheera nyuwo Beteleheemu Efrata, murookhalaru mukhaani eriyari ya mahimo a oYuda, wa nyuwo onimoorwa wa Miyo mmoha aneera akhale mulamuli a oYixrayeli – mwa yoowo epacererowaawe ekhumale khalayixa.”

Axewu 2:7

Kinoothukumeliha miloko sootheene, mwa seiyo, sinooruuha mihakhusaya ni kinoosariha ovuwa Empa ya Muluku ela,’ onghima Yave a ikuru sootheene.

Zakariya 9:9

Muhakakalaxe mwaana muthiyana a oSiyoni; mukhuwele mwaana muthiyana a oYerusaleemu! Moone, mwenaanyu ongwaattamelani, oororomeleya ni oowineene, a murima woomaaleleya ni angwenleene buuru, aani mwaaxaana a buuru muthiyana.

Malekiya 3:1

“Moone, Miyo kinoomurumiha namutthengaaka, anaareherere ephiro ohoolowaka. Hiiho, woowaakuveya Yave mummwaasaanyu onoorowa Mpaanimwawe; namutthenga a wiiraana, mwa yoowo nyuwosa munimuhaawelaanyu onimoorwa,” oneera Yave a ikuru sootheene.

Malekiya 4:2

Vaheera wa nyuwosa munttittimiha Nsinanaka, nsuwa na ekhaikhai nnookhuma niruuhaka olama ngwaaranimwaya. Hiiho, nyuwosa munookhuma mutupheke ntoko aximombe oohuleliwa munikhoolani.

Nuumeru 24:17

Miyo kinimoona, mene khoohiyono vaanaano va; miyo kinimoona, mene khoohiyono vakhiviru. Ethenyeeri enookhumelela wa Yakobe; ekopo ya emwene enimweemela oYixrayeli. Eyo enoopwexakasa iyuuci sa oMowabe ni makarakasa a ikhapira sootheene sa Seti.

Matheyo 11:10

Ole ti yoole mwaha wa yoowo olempwe: “Miyo nkimurumihe murummwaaka ohoolowanyu; owo anaareherere ephirowaanyu ohoolo wa Nyuwo.”

Matheyo 11:4

Yeesu aawaakhula: “Muhokolowe ni mwamuleele Yohaane seiyo muniiwaanyu ni munoonaanyu:

Matheyo 21:5

“Munleele mwaana a Siyoni: Mmoone, Mwenaanyu onimoowa wa nyuwo, iiyevihaka ni angwenleene buuru muthiyana, buuru muxaana, mwaana a buuru.”

Matheyo 21:9

Atthu yaari ohoolowawe ni ottuliwawe yaahiipa ni ohakalalaxa yeeraka: “Hosana* wa Mwaana a Davide! Ooreelihiwa ti Yoowo ongwa mwa Nsina na Apwiya! Hosana* musulusulu!”

Marku 11:9

Yaawo yaahoolenle ni yaawo yaamutthanre yaakhuwela: “Hosana*! Ooreelihiwa ti Yoowo ongwa mwa Nsina na Apwiya!

Luuka 19:38

“Ooreelihiwa ti Mwene ongwa mwa Nsina na Apwiya! Murettele wiirimu ni ovuwa musulusulu.”

Yohaane 11:27

Owo aamwaakhula: “Aani Apwiya, miyo koororomela weera Nyuwo Kristu, Mwaana a Muluku eera aweeke elapo ya vathi.”

Yohaane 12:13

Yaakuxa iphandi sa nivare ni yaavenya weera yamukumanane ekhuwelaka: “Hosana*! Ooreelihiwa ti Yoowo ongwa mwa Nsina na Apwiya! Ooreelihiwa ti Mwene a aYixrayeli!”

Yohaane 16:14

Owo onuukivuwihe niwoko oniwaakhele yeeyo eri yawaka ni oniwoosuweliheni yeeyo.

Yohaane 4:21

Yeesu aahima: “Muroromele yeeyo kinooleelaakani muthiyana. Ehuhu yookhuveela nyuwo muneeraanyu muhaalapele Atiithi, hata vamwaakoni ola, hata oYerusaleemu.

Yohaane 6:14

Woonaka eneneero yootikhiniheya Yeesu aapankaawe, muloko wa atthu waapacera weera: “Vekhaikhai, Ola ti Mprofeeti eera awe mweelaponi ya vathi.”

Yohaane 7:31

Wa soothesene, ancipale a muloko wa atthu ancipale yaamuroromela Yoowo. Awo yaaheera: “Krisu aawaaka, anaapake ineneero sootikhiniheya soompwaha Mulopwana Ola ompakaawe?”

aHeberi 10:37

Vano, woowaakuveyaxa “Yoowo aneera arwe, anaarwe, ni kharwa alekela.