Matheyo 11:21 - Emakhuwa Bible

²¹ “Ii! Onoohaawa weyo, Khorazini! Ii! Onoohaawa weyo, Bethesayida, niwoko sootikhiniha Miyo kaapankaaka mwa weyo kaapanke oTiro ni oSidoni, atthu a oTiro ni oSidoni khalayi saano erukunxaleene murima, ewanreene ikuwo sa esaakho ni ekilaantheene vattuurani.

Matheyo 11:21 Iomraidhean Croise

Yobi 42:6

Tivawo kiniinyoosaaka muneenaaka, kinarukunxa murima vantthupini ni vattuurani.”

Yeremiya 13:27

Miyo kohoona mitekosanyu sa mwiikho, oraruwawanyu ni soohaawelasanyu soonanara, soopuutasanyu sohuuliheya muru mmattumuxani ni mmatta. Ii! Wa nyuwo, oYerusaleemu! Mpaka yaakhani muneeraanyu mpwaherere okhala oohitteela?”

Yoweli 3:4

Ii! oTiro, oSidoni ni ilapo sootheene sa oFilistiya – mulattu heeni muraanyuno ni Miyo? Muneerera okiinlela ikukuttula niwoko na etthu kipankaaka? Mwatthuna, mwiipasoope! Kinimoohokoloxerani woowaakuveya wa yeeyo muntthunaanyu okipaka.

Amosi 1:9

Yave oneera ha: “Niwoko na sootakhala sincipale seereiye oTiro, nkirwa kihiya ottaruxa. Vano aathumiha muloko wootheene, yaathumiheraka awEdomi, enyoosaka wiiraana wa axunna,

Matheyo 11:22

Miyo kinooleelani: nihuku na othorihiwa nnikhale nootepaxa wa weyo opwaha oTiro ni oSidoni.

Matheyo 15:21

Avenyaka nipuro nne, Yeesu aarowa elapo ya oTiro ni oSidoni.

Matheyo 18:7

Ii! Enoohaawa elapo ya vathi niwoko na itthu sintthekiha! Khasinsembeiya weera itthu iyo sikhumelele, mene Ii! Ohaawa wa yoowo ontannyera seiyo!

Matheyo 26:24

Mwaana a mutthu anaavarihiwe ntoko elempwalaaya mwaha wa Yoowo, mene Ii! Onoohaawa yoowo aneera amvarihe Mwaana a mutthu! Fataari ahaayariwe!”

Marku 3:8

Yiiwalaaya mwaha wa sootheene Owo aapakaawe, atthu ancipale eweelaka oYudeiya, oYerusaleemu, wIdumeiya, ilapo sa mukhwipi wa oYordanu ni sa mukerekhere wa oTiro ni oSidoni yaahoorwa wa Yoowo.

Marku 6:45

Vahoolo vakhaani, Yeesu aahaanyesereriha oohuseraawe weera evolowe munikulani ni ehoolele erowaka oBetisayida, Owo aalaxeraka atthu ancipale.

Marku 7:24

Yeesu aavenya nipuro nne ni aarowa elapo ya oTiro. Aavolowa mpaani ni khaatthuna weera akina emusuwele. Wa soothesene, aahooceela wiivitha weera ahisuweliwe.

Marku 7:31

Vahoolowaya Yeesu aavenya mweelaponi mwa oTiro ni aaheetteetta oSidoni, mpaka ephareiya ya oGalileiya ni elapo ya oDekapolisi.

Marku 8:22

Awo yaarowa oBetisayida, ni atthu akina yaamuruuhela Yeesu mutthu oohoona, emdyoonttelelaka weera amutave.

Luuka 4:26

Wa soothesene, Eliya khaarumiheliwe hata mmoha a yaawo, ohikhanle wa naamukhweli mmoha a oZarepeta, elapo ya oSidoni.

Luuka 6:17

Yeesu aakhuruwa vamoha ni yaawo ni aaheemela vanipuroni noothatawala. Yaakhala weiwe oohuseraawe ancipale, ni atthu ancipalexa yaarweenle wa elapo yootheene ya oYudeiya, oYerusaleemu ni wa elapo ya ophareiya ya oTiro ni oSidoni.

Luuka 9:10

Ehokolowaka, arummwa yaamuthalihera yeeyo yaapankaaya. Vano Yeesu aahaarowano arummwa meekhaayaru ni yaarowa esidade yiitthaniwa Betsayida.

Yohaane 1:44

Filipe, aari oBetisayida, hiiho ntoko Andreiya ni Pedru.

Yohaane 12:21

Awo yaamwaattamela Filipe aari oBetisayida wa oGalileiya ni nivekelo nimoha: “Apwiya, nintthuna omoona Yeesu.”

Miteko 12:20

Owo aahaanyoonyeriwa atthu a oTiro ni a oSidoni. Wa soothesene, awo yaathukumana ni yaaheerera wuuluma ni yoowo. Eweraka toko ekhavihero ya Blastu, murumeiyi oororomeleya a mwene, yaamvekela Herodi murettele niwoko elapwaaya yaacihiwa ni elapo ya mwene.

Miteko 27:3

Oxaawaya naaphiya oSidoni, ni Yuliyo, amooniheraka Pawulo murima wooreera, aamutthunihera weera akumane ni asinthamwenaawe weera awo emvahe soohaawelasawe.

Yuda 1:11

Ii! Anoohaawa! Niwoko yaatthara ephiro ya Kayini; ni yaasaka nlivo, yaatthara olokottha wa Balaami; ni yaaphwatiwa moonyakulihanani wa Kore.

Ethupululo 11:3

Nkaavahe ikuru anamoonaaka eeli, ni awo eniithalihere otthunawaka wa mahuku 1 260, ewanreene esaakho ya olalamika.

Ethupululo 6:12

Kaahoona Eyo yaahunlaaya ewalelo* yanaathannamosa. Waakhumelela otetereya otokotoko. Nsuwa naariipa ntoko makhala oohisiwa; mweeri waaxeera ntoko ephome,