Matheyo 11:11 - Emakhuwa Bible

¹¹ Miyo kinooleelani ekhaikhai: Variyari wa atthu ooyariwa ni asithiyana, khaawo mukina okhumelenle mutokweene ompwaha Yohaane mpatisa. Wa soothesene, ooyevaxa wa omwene wa wiirimu ti mutokweene ompwaha yoowo.

Matheyo 11:11 Iomraidhean Croise

Yobi 14:1

“Mutthu oyariwe onkhala ehuhu vakhaani ni okumaawe woosareya mmakacamihoni.

Yobi 14:4

Taani ongwera okhaliha etthu yootteeleene mwa yoohitteela? Khaawo!

Yobi 15:14

Ongwereya hai mutthu okhala ootteela? Ongwereya hai mutthu onkhwa wuupuwela weera kookwanela?

Yobi 25:4

Mutthu khangwera ohikhalano nthowa vamaithoni wa Muluku, mutthu onkhwa paahi khangwera okhala ootteela.

Icipo 51:5

Vekhaikhai kiri namattheka eyareliwaaka; aani okhuma ehuhu yaakirupanlaaya amayaka.

Yesaya 30:26

Mweeri onimwaara ntoko nsuwa ni nsuwa nnimoopaxa woopwexerereya mahuku mathannameeli, Yave aarehereraka soovulalihiwa sa mulokwaawe ni aalamihaka makhwatta Owo aatannyenraawe.

Zakariya 12:8

Vanihukuni nenenenno Yave onimwaakosoopa amaki a oYerusaleemu, moota wooweera oohilipaxa variyariwaya anaakhale ntoko Davide, ni ekhapira ya Davide eniikhale ntoko Muluku, ntoko ndyelo a Yave onaahoolela.

Matheyo 11:10

Ole ti yoole mwaha wa yoowo olempwe: “Miyo nkimurumihe murummwaaka ohoolowanyu; owo anaareherere ephirowaanyu ohoolo wa Nyuwo.”

Matheyo 11:12

Okhuma ehuhu ya Yohaane mpatisa mpaka olelo, omwene wa wiirimu waawaneliwa ni atthu a owali, ni yaawo angwanela antthuna ovara yoowo.

Matheyo 3:1

Vamahuku ale aahoowa Yohaane mpatisa munikareni na oYudeiya, alaleiyaka:

Matheyo 3:11

Miyo kinoopatisani ni maahi mpaka orukunxa murima. Ottuliwaka onimoowa Mukina ooweraxa ookipwaha miyo. Nkiphwanenle okuxa ikwakwaattasawe. Yoowo anoopatiseni ni Munepa Wootteela, nitho ni mooro.

Matheyo 5:19

Ootheene ahiniiwelela yakhalaru a malamulo ala ni anaaxuttiha akina opaka moota mmoha, eniyiitthaniwe ooyevaxa moomweneni wa wiirimu. Vaheera ootheene aniiwelela ni anxuttiha malamulo ala, eniyiitthaniwe asitokweene moomweneni wa wiirimu.

Luuka 1:15

Vano, anaakhale mutokweene vamaithoni wa Apwiya. Owo kharwa awura eviinyu, hoye hoye yoowura ekina. Anaakhale oosareya ni Munepa Wootteela okhuma ohinaaye oyariwawawe.

Luuka 7:28

Miyo kinooleelani weera khaawo ongyariwa ni muthiyana ompwaha Yohaane mpatisa. Wa soothesene, ooyevaxa moomweneni wa Muluku ti mutokweene ompwaha yoowo.”

Luuka 9:48

Vano aaweerela: “Mutthu ommwaakhela mwaana ola mwa Nsinanaka, onkaakhelatho Miyo. Ni yoowo onkaakhela Miyo, ommwaakhelatho Yoole okiruminghe. Vano, yoole oyevanxe variyariwanyu, anaakhale mutokweene.”

Yohaane 1:15

Yohaane onnakhalela onamoona Nsu. Owo onnakhuwela, eeraka: “Owo ti Yoole kaamuhimmaaka: ‘Yoole ongwa ottuliwaka ti Mutokweenaaka, niwoko miyo kihinaaye okhala, Owo aakhala.’”

Yohaane 1:27

Owo ti Yoowo onrwa ottuliwaka, ni miyo nkimphwanela otaphula miraamba sa ikwakwaattasawe.”

Yohaane 10:41

ni atthu ancipale yaarowa weiwo aaraawewo yeeraka: “Ori mweeraru Yohaane ahinatoke opaka eneneero yootikhiniheya, sootheene owo aahimaawe mwaha wa Mulopwana Ola saari sa ekhaikhai.”

Yohaane 3:30

Ontthuneya weera Owo akhale oottittimiheyaxa ni miyo ooyevaxa.

Yohaane 5:35

Yohaane aari onyaari waavarela ni waamwaleela waara, ni mweehuhuni ekina nyuwo mwaatthuna ohakalala niwoko na waarawawe.

Yohaane 7:39

Owo aahima mwaha wa Munepa yeeraaya yaakhele yaawo animuroromela Yeesu. Mpaka ehuhuweene yeele Munepa nlelo weera ohinaaye ovahiwa, niwoko Yeesu khaanaaye ovuwihiwa.

1 aKorinto 15:9

Miyo kiri mukhaanene a arummwa ootheene, ni hata vakhaani nkiphwanenle wiitthaniwa murummwa, niwoko koottharatthara ekerexa ya Muluku.

1 aKorinto 6:4

Tivawo, mwaarino milattu soolikana sa okumi ola, mwaakhalihe ntoko aphuki yaawo ari a ekerexa, hata ekhalaka oottittimiheya vakhaani.

awEfeso 2:3

Khalayeene hiyo ootheene naakhalatho variyari wa yaawo, nimaalihaka sootthuna sa erutthwaahu, nittharaka soohaawelasaya ni soowuupuwelasaya. Ntoko ootheene akina, naaritho wa eyareliwaahu oophwanela isara.

awEfeso 3:8

Kiri mweeraru kireene ooyevaxa variyari wa ootteela, koovahiwa mahala ala oowaalaleera amalapo mihakhu soohaalikeleya sa Kristu,

2 Timootheyo 1:10

ni nohooniheriwa vaanaano vaava ngwoonihereyani wa Mvuluxaahu Kristu Yeesu. Owo oophwata okhwa ni oowera okumi ni ohikhwa niwoko na masu ooreeraxa.

aHeberi 11:40

Muluku aavaanela etthu yooreeraxa wa hiyo, eyo tiiyo weera awo ekwanelihiwe vamoha ni hiyo.

1 Pedru 1:10

Maprofeeti, mwa yaawo yuulumale sa mahala mwaakhenlaanyu, yaahaasa ni yaasomela ovuluwawene wu.

1 Samuweli 2:30

Tivawo Yave Muluku a aYixrayeli ohimmaawe: ‘Kaaroromeliha weera emusaanyu ni emusi ya atithinyu yaamukirumeela wa mahuku ootheene vamaithoniwaka.’ Vaheera vano Yave onghima: ‘Hata vakhaani! Kinimwaattittimiha yaale ankittittimiha ni yaale ahinkihelela Miyo nkaahelela.