Matheyo 10:28 - Emakhuwa Bible

²⁸ Muhiwoove yaawo aniiva erutthu, mene ehiweraka wiiva munepa. Mmoove toko Yoowo ongwera ophwata erutthu ni munepa mmooroni.

Matheyo 10:28 Iomraidhean Croise

2 Mamwene 17:39

Ohiyanawaya, munlape Yave Mulukwaanyu. Ti Yoowo ongwoopolani mmatatani mwa amwiittanaanyu ootheene.”

Yobi 37:24

Tivawo atthu animuttittimihaaya, niwoko Owo khangweha ekhove ya yaale aniixeerela asuweli.”

Icipo 119:120

Erutthwaaka enthukumela ohoolowanyu; malamulowaanyu ankiruuhelaxa woova.

Namalaleiya 5:7

Sooloha sincipale ni masu mancipale khaantaphulelaru etthu. Tivawo mmoovekeno Muluku.

Yesaya 51:12

“Miyo, aani ti Yoomi kinoopepesani. Heeni mungwoovaanyu atthu ankhwa, anamwane a atthu ari malaxi paahi?

Yesaya 51:7

Mukiiwe nyuwosa munsuwela yeeyo eri ya ekhaikhai, nyuwosa munkhalano nlamulonaka mmurimanimwanyu. Muhoove ohiiha wa atthu hata woopopihiwa ni oruwanawaya.

Yesaya 66:2

Vekhaikhai, Ntatanaka noopaka itthu sootheene iya ni hiiho sookhala,” onghima Yave. Mutthu Miyo kinimuttittimihaaka ti ola: yoole ori oowiiyeviha ni a munepa woosareya omoova Muluku ni onthukumela woowiiwa maswaaka.

Yeremiya 5:22

Nyuwo khoontthuneya okoova?” onghima Yave, “koontthuneya othukumela ohoolowaka? Ti Miyo kikhalihale muhaava ntoko mwiinano wa ephareiya – mwiinano woohimala ephareiya ehingweraaya ovinuwa. Mitekuteku sinoophweeya, mene khasingwera opwaherera; seiyo sinoowera oruma, mene khasingwera ovinuwa mwiinaanoweene yoowo.

Matheyo 10:26

Tivawo, muhiwoove yaawo. Itthu sootheene soowiipithiheiya nsooneiye, ni itthu sootheene sookhuneeliwa, nsisuwelihiwe.

Matheyo 25:46

Ni awo eniirowe moottaruxiwani woohimala, oororomeleyatho mookumini woohimala.”

Matheyo 5:22

Mene Miyo kinooleelani weera khula mutthu anaamunyoonyeriwe munneiye, anaathorihiwe. Nitho, akhalaru mutthu anaamuruwane munneiye, anaaronghiwe wa alipa oowuuluma milattu, ni akhalaru mutthu ommweerela munneiye: ‘naanepa!’ omphwanela orowa omooroni.

Yohaane 5:29

Yaale yaapanke yooreera eniivenyerere wa okumi, ni yaale yaapanke yoonanara weera ethorihiwe.

Miteko 21:13

Vano Pawulo aawaakhula: “Heeni nyuwo muniinlaanyu ni munthananihaanyu murimaaka? Koolikana khoohiyono otthukiwa paahi, menetho weera kikhwe oYerusaleemu niwoko na Nsina na Apwiya Yeesu.”

aHeberi 10:31

Ti woowoopihaxa omorela mmatatani mwa Muluku mukumi.

aHeberi 11:35

Athiyana yaawaakhela anamakhwaaya niwoko na ovenyerera. Akina yaahasuliwa vancipale ni yaakhootta woopoliwa weera ekwanihere ovenyerera wootepaxa.

Yakobe 4:12

Ookhala Namalamula ni Mphuki mmoharu paahi: Yoole ongwera ovuluxa ni onanariha. Mene nyuwo taani oomuthoriha mukhwiinyu?

1 Pedru 3:14

Wa soothesene, hata mwahaawa niwoko na oreera, nyuwo muri ooreelihiwa. Muhoove yeeyo awo anoovaaya, ni muhituthuwe.

Ethupululo 2:10

Muhoove wa itthu muneeraanyu muhaawe. Miyo kinooleelani: Diyabu* anaavonyere akina a nyuwo mukaliposo weera aweerereni, ni nyuwo mmwihaawe osoondiwa woomalaka mahuku muloko. Mukhale oororomeleya mpaka okhwa ni Miyo nkoovaheeni ecireemba ya okumi.