Matheyo 10:2 - Emakhuwa Bible

² Ala ari masina a arummwa muloko neeli: Simeyoni (iitthaniwa Pedru) ni munneiye Andreiya; Yakobe, mwaana a Zebedeyo, ni munneiye Yohaane;

Matheyo 10:2 Iomraidhean Croise

Matheyo 17:1

Amalihaka mahuku mathannamosa, Yeesu aamukuxa Pedru, Yakobe, ni Yohaane, munneiye Yakobe ni aahaarongha meekhaaya vamwaako woorakama.

Matheyo 20:20

Vano yaamwaattamela Yeesu amayaya anamwane a Zebedeyo, ehooliwaka ni anamwanaaya, ni yaahuurama vahoolowawe weera emvekele etthu.

Matheyo 26:37

Amurowanaka ni yoowo Pedru ni anamwane eeli a Zebedeyo, aapacera othananaxa ni oripiwa murima.

Matheyo 4:18

Eettaka mukerekhere wa ephareiya ya oGalileiya, Yeesu aawoona axunna eeli: Simeyoni iitthaniwa Pedru, ni munneiye Andreiya. Awo yeera evonyeraka itthavi sa ihopa mphareiyani, niwoko yaari anamatothela a ihopa.

Matheyo 4:21

Eettaka wookela ohoolo, Yeesu aawoona axunna eeli akina: Yakobe, ni munneiye Yohaane, anamwane a Zebedeyo. Awo yaari munikulani ni atithaya, erehereraka itthavisaya. Yeesu aawiitthana,

Marku 1:29

Woovenyani muSinagogani*, Yeesu aarowa vamoha ni Yakobe ni Yohaane mpaka vaate wa Simeyoni ni Andreiya.

Marku 13:3

Yeesu akilaathiyeene vamwaakoni wa Sooliveira ohoolo wa Empa ya Muluku, Pedru, Yakobe, Yohaane ni Andreiya yaamukoha vakhwipi:

Marku 6:30

Arummwa yaathukumana ni Yeesu ni yaamuthalihera sootheene yaapankaaya ni yaaxuttinghaaya.

Luuka 11:49

Tivawo Muluku eenraawe ni mirukusawe: ‘Miyo kinimoorumihelani maprofeeti ni arummwa. Vano awo eniiwiive akina ni eniyaasoonde akinatho.’

Luuka 22:14

Ephiyaka ehuhu, Yeesu ni arummwaawe yaakilaathi vameesa

Luuka 22:8

Yeesu aamurumiha Pedru ni Yohaane, aweerelaka: “Murowe ni mwareherere yooca ya mPaska*.”

Luuka 5:10

Eeli a yaawo yaatikhinne yaari Yakobe ni Yohaane, anamwane a Zebedeyo, ni asikhwaawe Simeyoni. Vano Yeesu aamweerela Simeyoni: “Muhoove, okhuma olelo vaava mpaka ohoolo, mmwikhale namakoka a atthu.”

Luuka 9:10

Ehokolowaka, arummwa yaamuthalihera yeeyo yaapankaaya. Vano Yeesu aahaarowano arummwa meekhaayaru ni yaarowa esidade yiitthaniwa Betsayida.

Yohaane 12:22

Filipe aarowa omuleela Andreiya, ni ooweeli vamoha yaamuleela Yeesu.

Yohaane 13:23

Mmoha a yaawo, oohusera Yeesu aamusivelaawe, eera akilaantheene mukhwipimwawe.

Yohaane 20:2

Vano, aamutthimakela Simeyoni Pedru ni oohusera mukina, yoole Yeesu aamusivelaawe, anaweerela: “Ahaakhumiha Apwiya munikhukuni ni khanisuwenle awiikaathiyaayawo.”

Yohaane 21:2

Yaakhumelenle ha: Aari weiwe Simeyoni Pedru, Tomaxi (iitthaniwa maphapo), Nathaneyeli a oKaana oGalileiya, anamwane a Zebedeyo ni oohusera eeli akina.

Yohaane 21:20

Pedru aarukunuwa ni aamoona weera oohusera Yeesu aamusivelaawe eera aattharaka. Owo aari yoole aamuuramenle Yeesu wa ehuhu yaacaaya efesta ya mPaska* amukohaka: ‘Apwiya taani aneera oovariheni.’

Yohaane 21:24

Owo oohusera onkhalela onamoona itthu iya ni olempe seiya. Noosuwela weera onamoonaawe ti wa ekhaikhai.

Yohaane 6:67

Yeesu aahaakoha oohuseraawe muloko neeli: “Nyuwotho khamuntthuna orowa?”

Yohaane 6:70

Vano Yeesu aawaakhula: “Nkihiyono Miyo koothanlaleni nyuwo muloko neeli? Mmohatho a nyuwo ti a Diyabu*.”

Yohaane 6:71

Owo aamuhima Yudasi, mwaana a Simeyoni Iskariyote, mwa yoowo aari mweeraru areene mmoha a oohusera muloko neeli, vahoolowaya eera amvarihe Yeesu.

Yohaane 6:8

Andreiya, oohusera mmoha mukina, munneiye Simeyoni Pedru, aamweerela Yeesu:

Miteko 1:13

Ephiyakaru, yaawela empa ya osulu mwemmwe yaakhovelelaaya okhalamo. Aakhalawo Pedru, Yohaane, Yakobe, Andreiya, Filipe, Tomaxi, Bartolomeyo ni Matheyo, Yakobe, mwaana a Alfeyu, Simeyoni nanthiti ni Yudasi, mwaana a Yakobe.

Miteko 1:26

Yaampaka mwaathanle, ni Matiya aathanliwa. Hiiho owo aahaandyeereriwa wa arummwa muloko nimmoha.

Miteko 12:2

Aalamulela omwiiva ni ekatana Yakobe, munneiye Yohaane.

Miteko 3:1

Nihuku nimoha Pedru ni Yohaane yaarowa Empa ya Muluku ehuhu ya nivekelo, eyo tiiyo ehuhu ya oxekuwa.

1 aKorinto 15:7

Woottharelana aahiixoonihera wa Yakobe, ni vano wa arummwa ootheene.

awEfeso 4:11

Vano Owo ohaathanla akina weera ekhale arummwa, akina maprofeeti, akina anamalaleiya a masu ooreeraxa, akina akukhuli, ni akinatho ahusiha.

aHeberi 3:1

Tivawo, axunna ootteela, nyuwo muri a wiitthana wa wiirimu, mmuupuwelele nnenesene Yeesu ori Murummwa ni Mutokweenexa a asaserdoti* nnimulapaahu.

1 Pedru 1:1

Ya Pedru, murummwa a Yeesu Kristu, wa oothanliwa a Muluku ari anamarwa mweelaponi, emwalamwanleene oPonto, oGalata, oKapadosiya, wAsiya ni oBitiniya,

2 Pedru 1:1

Ya Simeyoni Pedru, murumeiyi ni murummwa a Yeesu Kristu, wa yaale yaakhenle, ntoko hiyo, nroromelo noottittimiheyaxa niwoko na waakhuleliwa wa Mulukwaahu ni Mvuluxa Yeesu Kristu:

2 Yohaane 1:1

Mutokweene, wa muhano oothanliwa ni anamwanaawe, mwa yaawo kinaasivela mweekhaikhaiyini– nkihiyono paahi miyo, menetho ootheene yaawo asuwenle ekhaikhai.

3 Yohaane 1:1

Mutokweene, wa Gaiyu oosiveleya, mwa yoowo kinimusivelaaka mweekhaikhaiyini.

Ethupululo 1:1

Ethupululo ya Yeesu Kristu, Muluku aamvanghaawe weera awoonihere arumeiyaawe mwaha wa seiyo sineera sikhumelele woowaakuveya. Amurumihelaka ndyelowaawe, Owo aamusuweliha murumeiyaawe Yohaane,

Ethupululo 1:9

Miyo, Yohaane, munninyu ni mukhwiinyu moohaawani, moomweneni, ni moovilelani mwa Yeesu, kaari ocirumbani yiitthaniwa Patmo niwoko na masu a Muluku ni na onamoona wa Yeesu.

Ethupululo 18:20

Muhakalale niwoko na yeeyo, wiirimu! Muhakalale, atthu ootteela, arummwa ni maprofeeti! Muluku oothoriha mooteene yoowo ntoko eyo yooreherenraayani.’”

Ethupululo 22:8

Miyo, Yohaane, ti yoole iiwale ni oonne itthusene seiya. Kiiwalaaka ni koonnaaka, kaamorela inaawo sa ndyelo aakoonihenraawe itthu iya weera kimulape.