Matheyo 10:14 - Emakhuwa Bible

¹⁴ Mukina aahiwaakhelelani, hata aahiiwa maswaanyu, mwatathe ntthupi na inaawosanyu mwaakhumaka vaatewawe, hoye hoye esidade eyo.

Matheyo 10:14 Iomraidhean Croise

Nehemiya 5:13

Kaatathatho mukaandyowaaka keeraka: “Muluku atatheke hiiho empa ni sooreela sa khula mutthu aneera ahikwanihere yoororomelihaawe. Mutthweene yoowo atathiwe ni ahale hiiho.” Wiiwaka yeeyo muthukumano wootheene waaheera: “Ame!*,” Waamvuwiha Yave. Vano atthu yaakwanihera yeeyo yaaroromelinghaaya.

Matheyo 10:13

Atthu a vaate yakhala oophwanela, murettelaanyu wakhale ni yaawo; yaahikhalatho, murettelaanyu woohokoleeleni nyuwo.

Matheyo 18:5

Yoowo onimwaakhela mmoha a anamwane ala, onkaakhelatho Miyo.

Marku 6:11

Wakhala muttetthe wakhalaru oneera ohiwaakheleni, naari ohiwiiweni, mwatathe ntthupi na inaawosanyu, mwaavenyaka ntoko eneneero ya nthorihelonaya.”

Marku 9:37

“Yoowo ommwaakhela mwaana mmoha ntoko ola mwa Nsinanaka, onkaakhela Miyo. Ni yoowo onkaakhela Miyo, khankaakhela Miyo, mene Yaale akiruminghe.”

Luuka 9:48

Vano aaweerela: “Mutthu ommwaakhela mwaana ola mwa Nsinanaka, onkaakhelatho Miyo. Ni yoowo onkaakhela Miyo, ommwaakhelatho Yoole okiruminghe. Vano, yoole oyevanxe variyariwanyu, anaakhale mutokweene.”

Luuka 9:5

Yakhala akina eneera ehiwaakheleni, mwavenye esidade ele, mwatathe ntthupi na inaawosanyu ntoko eneneero ya nthorihelonaya.”

Yohaane 13:20

Miyo kinoororomelihani: yoowo ommwaakhela yoole Miyo kinimurumihaaka, anaakaakhele Miyo, ni yoowo onkaakhela Miyo, ongwaakhela Yaawo akiruminghe.

Miteko 13:51

Awo ooweeli yaatatha ntthupi na inaawosaya ntoko eneneero ya waakhootta yaale, ni yaapwaha erowaka wIkoniyo.

Miteko 18:6

Emuvirikanyihaka ni emuruwanaka woohihiyerera, aatatha soowarasawe ni aaweerela: “Ephomaanyu emorele mmurumwanyu! Kohoonyawani. Okhuma vaanaano va mpaka ohoolo, kinkela wa amalapo.”

1 aTesalonika 4:8

Tivawo yoowo onkhootta itthusene seiya khanimukhootta mutthu, mene Muluku onoovahani Munepaawe Wootteela.