Marku 9:29 - Emakhuwa Bible

²⁹ Yeesu aawaakhula: “Moota ola omvenya paahi ni ovekela.”

Marku 9:29 Iomraidhean Croise

Daniyeli 9:3

Vano kaamwaattamela Yave Muluku kimudyoonttelelaka ni mavekelo, soodyoonttelela ni kitthukaka, kiwanreene isaakho ni kiihenleene ettuura.

Matheyo 12:45

Onrowa oruuha minepa mithannamiili soonanara soopwaha yoowo, ni sivolowaka sinoovira sikilaathiki mwemmwe. Vano, wootepaxa ti mukhalelo wa ommaleloni wa mulopwana ole opwaha woopacera. Hiiho ngweereiye wa ekhapira ela yootakhala.”

Matheyo 17:20

Owo aawaakhula: “Niwoko na nroromelo vakhaani nyuwo murinaanyu. Miyo kinooleelani vekhaikhai weera, mwakhalano nroromelo ntoko enuku ekhaani, munoowera weerela mwaako ola: ‘Muvenye vaava mpaka vale,’ ni ole onoorowa. Kheewo eneera ekhale yoohiwereya wa nyuwo!

Marku 9:28

Yeesu avolowaka mpaani, oohuseraawe yaamukoha wiiphiini: “Heeni nihiwenraahu woomola?”

Marku 9:30

Awo yaavenya nipuro nne ni yaaheetteetta oGalileiya. Yeesu khaatthuna weera akina ehikhale oosuwela weiwo yaaraayawo,

Luuka 11:26

Vano munepa ole onrowa ni onruuha minepa mithannamiili siri sootepaxa onanara. Sivolowaka mmo, sinkhala mwemmo. Hiiho ehuhu yoomalihera ya mutthu ole eniikhale yoonanaraxa opwaha yoopacera.”

Miteko 14:23

Pawulo ni Barnaba yaahaathanla asitokweenaaya khula ekerexa. Emalihaka otthuka ni ovekela, yaahaavaherera mookosoopani wa Apwiya, mwa Yaawo awo yaaroromelaaya.

1 aKorinto 9:27

Kinuumaaliha erutthwaaka ni yeeyo kimpaka epotthaaka, weera kaalaleeraka akina, miyo mwaneenaka kihootheriwe etthu.

2 aKorinto 11:27

Kannavara miteko soovihaxa, imaara sincipale woohikona, kannavoliwa etala ni ntthona, imaara sincipale nkaakhalanne sooca, kannavilela oriira ni pwitipwiti.

2 aKorinto 12:8

Kaahaadyoonttelela Apwiya imaara tthaaru weera ekivenxe mwiiwa ole,

2 aKorinto 6:5

moowaxuliwani, mootthukiwani, moovanyihanani atthu ancipale, mmitekoni sooviha, moohiyuni woohikona, ni mootthukani.

awEfeso 6:18

Ehuhu yootheene muvekeleke mwa Munepa ni mavekelo ni midyoonttelelo sootheene. Muupuwelaka yeeyo, mwiiwehawehe ni muvekeleke ni ovilela wa ootteela ootheene.

Yakobe 5:15

Vano, nivekelo nipakiwe munroromeloni nnimulamihe muretta owo. Apwiya eniimvenxe, ni aatthenke, anaaleveleliwe.