Marku 8:38 - Emakhuwa Bible

³⁸ Akhala mukina variyari wa ekhapira yooraruwa ni yoottheka ela onuuliwa muru niwoko na Miyo, naari na maswaaka, Mwaana a mutthu anuuliwetho muru wa yoowo aawaaka vamoha ni andyelowaawe ootteela moovuwani mwa Atithawe.”

Marku 8:38 Iomraidhean Croise

Daniyeli 7:10

Mooloko wa mooro waakhuma ohoolowawe. Atthu ancipalexa yaamurumeela; atthu oohaalikeleya yaaheemela ohoolowawe. Nipuro nuulummwa milattu naapacera nthorihelo ni ilivuru saahuliwa.

Daniyeli 7:13

Mmoonelonimwaka ohiyu kaaweha ni aakhala ohoolowaka mmoha aalikana ni mwaana a mutthu arwaaka mmahutteni a wiirimu. Owo aamwaattamela Muluku Oohimala, anaronghiwa vamaithoniwawe.

Zakariya 14:5

Nyuwosa munootthawela oreyareyaniwaka, niwoko nno nnimwaataleya mpaka wAzeli. Munootthawa ntoko mwaatthangwaanyu otetereya mweehuhuni mwa Uziya, mwene a oYuda. Vano Yave Mulukwaaka onimoowa vamoha ni ootteelaawe ootheene.

Matheyo 12:39

Owo aawaakhula: “Ekhapira yoonanara ni yooraruwa enoovekela eneneero yootikhiniheiya! Kheewotho eneneero ekina eneeraaya evahiwe, ehikhanle eneneero ya mprofeeti Yoonasi.

Matheyo 13:41

Mwaana a mutthu anaarumihe andyelowaawe, ni awo eniikhumihe sa omwenaawe sootheene sinaakwattula akina ni ootheene yaawo ampaka sootakhala.

Matheyo 16:27

Mwaana a mutthu anaawe moovuwani wa Atithawe ni andyelowaaya, ni anaamutthuvele khula mutthu wa yeeyo owo opankaawe.

Matheyo 16:28

Miyo kinoororomelihani weera akina ari va, khaanrowa okhwa ehinaaye omoona Mwaana a mutthu awaaka moomwenenimwawe.”

Matheyo 16:4

Ekhapira yoonanara ni yooraruwa emvekela eneneero yootikhiniheiya, mene kheemvahiwa naari eneneero emoha, ehikhanle eneneero ya Yoonasi!” Vano Yeesu aavenya, aahiyaka ale vaavaale.

Matheyo 24:30

Vano eniiwe wiirimu eneneero ya Mwaana a mutthu. Miloko sootheene sa elapo ya vathi nsilalamike, ni nsimoone Mwaana a mutthu arweelaka mmahutteni a wiirimu ni ikuru ni ovuwa otokotoko.

Matheyo 25:31

Mwaana a mutthu aawaaka moovuwanimwawe vamoha ni andyelowaawe ootheene, anaakilaathi vahiceniwawe ya ovuwa.

Matheyo 26:64

Yeesu aamwaakhula: “Nyuwo moheera muneenaanyu. Miyo kinooleelanitho: nniphiye nihuku muneeraanyu mmoone Mwaana a mutthu akilaantheene moono mulopwana wa Yoowo a ikuru sootheene ni awaaka mmahutteni a wiirimu.”

Matheyo 8:20

Yeesu aamwaakhula: “Akhwatte aakhalano mapuro ankonaayamo, ni ipalame sa wiirimu sookhalano ipuurusaya, mene Mwaana a mutthu khakhalanne nipuro noowiitthuuwiha muru.”

Marku 13:26

Ehuhuweene yeeyo anooniwe Mwaana a mutthu awaaka mmahutteni ni ikuru sitokotoko ni ovuwaxa,

Marku 14:62

Yeesu aamwaakhula; “Ti Yoomi. Nyuwo mmwimoone Mwaana a mutthu akilaantheene moono mulopwana wa Muluku a ikuru sootheene awaaka mmahutteni a wiirimu.”

Marku 8:37

Hoye hoye mutthu anaavahe eheeni yoowaakakhanyiha ni okumaawe?

Luuka 19:26

Awo yaawaakhula: ‘Miyo kinooleelani weera wa yoowo okhalanne, anaavahiwetho, mene wa yoowo ohikhalanne, mpaka yeeyo vakhaani orinaawe, eniivenxiwe.

Luuka 9:26

Akhala mukina aneera uuliwe muru niwoko na Miyo ni maswaaka, Mwaana a mutthu anuuliwetho muru wa yoowo aawaaka moovuwanimwawe ni moovuwani mwa Atithawe ni mwa andyelo ootteela.

Yohaane 1:14

Nsu noothatuwa erutthu ni naakhala variyariwahu. Nohoona ovuwawaya, aani ovuwa wa Mwaana mmoharu aawiiye wa Atiithi, oosareya mahala ni ekhaikhai.

Yohaane 1:51

Aapwahereratho: “Miyo kinooleelani ekhaikhai: Nyuwo munimoona wiirimu woohuleya ni andyelo a Muluku ewelaka ni emukhuruwelaka Mwaana a mutthu.”

Yohaane 12:34

Atthu ancipale yaamweerela: “Nohiiwa munlamuloni weera Kristu anaakhale mahuku ootheene. Mungwera hai weera: ‘Ontthuneya ottukhuliwa Mwaana a mutthu?’ Taani Yoowo Mwaana a mutthu?”

Yohaane 5:27

Aamvahatho ikuru weera athorihe niwoko ori Mwaana a mutthu.

Miteko 10:22

Asilopwana yaamwaakhula: “Nirweenle mpatta wa kenturiyoni* Korneliyu. Owo mulopwana oororomeleya ni oomoova Muluku, oottittimihiwa ni muloko wootheene wa aYuda. Ndyelo ootteela aamweerela weera onoowiitthanani owannyawe weera owo iiwe maswaanyu.”

Miteko 5:41

Arummwa yaavenya oSineedriyuni*, ehakalanleene yaaphwanelihiwa oyevihiwa niwoko na Nsina na Yeesu.

aRooma 1:16

Nkinuulihiwa muru niwoko na masu ooreeraxa, niwoko ti ikuru sa Muluku singwera waavuluxa ootheene anroromela, woopacera aYuda ni wanaaveeli aGrego.

aGalata 6:14

Wa miyo, nkinono yoowiivuwihera, ohikhanle mwa muttanda wa Apwiyaahu Yeesu Kristu. Vano ti niwoko na muttanda ola elapo ethomeiwalaaya wa miyo, ni miyo wa elapo.

Deuteronomiyo 33:2

Owo aaheera: “Yave ohoorwa arweelaka oSinayi, akhumaka ntoko nsuwa iixooniheraka wa yaawo oSeyiri. Aahaarela mulokwaawe vamwaako oParani. Aarwa ni ancipalexa a ootteela a mpatta wa ohitto, okhuma mukerekhere nyaako.

1 aTesalonika 2:19

Vano, ari taani owehererawahu, ohakalalawahu, hoye hoye ecireembaahu vamaithoni wa Apwiya Yeesu moorwaanimwaya, ohikhanle nyuwo?

1 aTesalonika 3:13

Awo elipihere mirimasanyu weera mukhale oohikhala malepa ni ootteela vamaithoni wa Mulukwaahu Atiithi moorwani mwa Apwiyaahu Yeesu vamoha ni ootteelaaya ootheene.

2 Timootheyo 1:12

Niwoko na yaawo, miyo kinoohaawatho, mene nkinuuliwa muru, niwoko koomusuwela Yoowo kinimuroromelaaka, ni koosuwela nnenesene weera Owo ti a ikuru weera athokorore yeeyo mpaka nihuku nno kaamvaherenraaka.

2 Timootheyo 1:16

Apwiya emorele ikharari vaate wa Onesiforo, niwoko imaara sincipale owo annakilipiha murima ni khuuliwe muru niwoko na otthukiwawaka.

2 Timootheyo 1:8

Tivawo, ohuuliwe muru okhalela onamoona mwaha wa Apwiya, naari niwoko na miyo kiri namatthukiwaaya, mene ovilele vamoha ni miyo ni ikuru sa Muluku soohaawa niwoko na masu ooreeraxa.

aHeberi 11:16

Vano, ohiya toko yeeyo, awo yaaweherera ewaani yootthuneyaxa, eyo tiiyo ewaani ya wiirimu. Tivawo, Muluku khaniixuulihiha muru iitthaniwaka Mulukwaaya, niwoko ohaarehererela esidade emoha.

aHeberi 11:26

Owo aahuupuwela weera ohasuliwa niwoko na Kristu ti mpuha woopwahaxa mihakhu sa wExipitu, niwoko aawehexexa ntthuvelonawe.

aHeberi 13:13

Tivawo, nivenye, nirowaka wa Yoowo okerekhere wa esidade, nivilelaka ohittittimihiwa Owo ovilenlaawe.

Yakobe 4:4

Anamararuwa! Khamusuwenle weera onthamwene ni elapo ela ti omwiittana ni Muluku? Yoowo ontthuna okhala nthamwene a elapo ya vathi oniikhaliha mwiittana a Muluku.

1 Yohaane 2:23

Ootheene animukhootta Mwaana, khaanonotho Atiithi. Yoowo onimwaakhela Mwaana mwaatthuni, ookhalanotho Atiithi.

1 Yohaane 2:28

Anamwane, vano mukhale mwa Yoowo weera Owo iixooniheraka, hiyo nikhalaneke nroromelo, ni weera nihuulihiwe muru vamaithoniwawe moowaanimwawe.

Ethupululo 14:10

anaawuretho eviinyu ya isara sa Muluku, mwa yeeyo emiiniwe yoohitakanseriwa ekoomixi ya isarasawe. Anaattaruxiwe ni enxofre* emvarela ohoolo wa andyelo ootteela ni Eputtiputthi.