Marku 2:5 - Emakhuwa Bible

⁵ Oonaka nroromelonaya, Yeesu aamweerela mutthu ooheetta: “Mwaana, sootthekasanyu sooleveleliwa.”

Marku 2:5 Iomraidhean Croise

Epacerero 22:12

Ndyelo eenre: “Muhimutave mmiravo owo! Muhimpake etthu. Vano koosuwela weera nyuwo munnimoova Muluku, niwoko khamukikhoottihenre mwaninyu mmoharu.”

Icipo 103:3

mwa Yoowo onlevelela sootthekasanyu sootheene ni onlamiha irettasanyu sootheene.

Yesaya 38:17

Vekhaikhai kaahaawela onnenaaka paahi. Moosivelanimwanyu mookokhorela mwa nlitti na ophwata. Moovonyera ottaiwanyu sootthekasaka sootheene.

Yesaya 53:11

Vahoolo wa ohaawa wa munepaawe, Owo onimoona waara wa okumi ni onookhala oomaaleleya; ni mweesuweloni eyo, Murumeiyaaka oororomeleya onoopakiha weera ancipale yaakhuleliwe ni Muluku, akuxaka sootthekasaya.

Matheyo 9:2

Atthu akina yaamuruuhela mutthu ooheetta aataleliweene munrepani. Oonaka Yeesu nroromelo yaakhalannaaya, aamweerela mutthu ooheetta: “Olipihe murimaawo mwanaka! Sootthekasawo sooleveleliwa.”

Matheyo 9:22

Arukunuwaka, Yeesu aamoona muthiyana ni aamweerela: “Olipihere murima, mwaana muthiyana, nroromelonawo nohoolamiha.” Wookhuma ehuhuweene yeele, muthiyana aalama.

Matheyo 9:5

Eheeni yookhweya weera: ‘Sootthekasawo sooleveleliwa,’ hoye hoye ‘Weemele ni weette’?

Marku 2:6

Yaakilaathi weiwe anamawera a nlamulo* akina, yuupuwelaka mmurimanimwaya moota ola:

Marku 5:34

Vano Owo aamweerela: “Mwaana, nroromelonanyu nohoolamihani. Murowe mmuretteleni ni mukhale oolamihiwa ni ohaawawanyu.”

Luuka 5:20

Oonaka Yeesu nroromelonaya, aamweerela ooheetta: “Mulopwana, sootthekasanyu sooleveleliwa.”

Luuka 8:48

Yeesu aamweerela: “Mwaana, nroromelonawo nohoolamiha. Orowe mmuretteleni.”

Yohaane 2:25

Khawaatthuneya weera akhaleliwe onamoona mwaha wa mutthu niwoko aasuwela nnenesene yeeyo yaari mmurimani mwa atthu.

Yohaane 5:14

Vahoolo vakhaani Yeesu aamuphwanya Mpaani mwa Muluku ni aamweerela: “Moone, nyuwo moolama. Muhihokoleele ottheka weera etthu yootepa ehookhumeleleni.”

Miteko 11:23

Owo aphiyaka weiwo ni oonaka mahala a Muluku, aahakalala ni aahaalipihera weera ekhaleke oororomeleya wa Apwiya ni murima wootheene.

Miteko 14:9

Owo aamwiiwa Pawulo uulumaka, ni Pawulo, angwehaka nnenesene ni oonaka weera owo aakhalano nroromelo weera alamihiwe,

Miteko 5:31

Muluku aamvuwiha, amwiikaathiki moonowaawe mulopwana ntoko Mutokweene ni Mvuluxa, weera aavahe aYixrayeli orukunxa murima ni elevelelo ya soottheka.

1 aKorinto 11:30

Tivawo, variyariwanyu aakhala oohilipa ni aretta ancipale, ni akinatho ahookhwa.

2 aKorinto 2:10

Nyuwo mwamulevelela mukina, miyotho kinoomulevelela. Waari weera yaakhala etthu yootthuneya olevelela, koolevelela ohoolo wa Kristu niwoko na woosivelaniwaka,

awEfeso 2:8

Nyuwo moovuluxiwa niwoko na mahala, munroromeloni, ni iwo khoongwa wa nyuwo, ti yamahala ya Muluku,

aKolosi 3:13

Muvilelaneke mukina ni mukhwaawe ni mulevelele milattu araayano akina ni akhwaaya. Mulevelele ntoko Apwiya yoolevelenlaayani.

Yakobe 5:15

Vano, nivekelo nipakiwe munroromeloni nnimulamihe muretta owo. Apwiya eniimvenxe, ni aatthenke, anaaleveleliwe.