Marku 14:7 - Emakhuwa Bible

⁷ Vano, atthu oohaawa eniikhale ni nyuwo mahuku ootheene ni ehuhu yootheene mwaatthunaka munoowera waakhavihera, mene Miyo nkinkhala ni nyuwo mahuku ootheene.

Marku 14:7 Iomraidhean Croise

Matheyo 26:11

Vano, atthu oohaawa eniikhale ni nyuwo mahuku ootheene, mene Miyo nkinrowa okhala ni nyuwo mahuku ootheene.

Marku 14:6

Yeesutho aaweerela: “Munghiye mmuretteleni! Heeni munimuxupaanyu ola? Owo ookipakela etthu yooreera.

Yohaane 13:33

Axinamwanaaka, kinookhala nlelo ehuhu vakhaani paahi ni nyuwo. Nyuwo mmwikaasaase ni ntoko kaaleenlaaka aYuda, Miyo kinooleelani nyuwotho: weiwo kinrowaakawo, khamungwera orowawo.

Yohaane 16:28

Miyo kaarwiiye wa Atiithi, kinavolowa elapo ya vathi; vano kinoohiya elapo ya vathi ni kinoohokoleela wa Atiithi.”

Yohaane 16:5

Vano, kinrowaaka wa Yaale akiruminghe, khaawo mmoha a nyuwo onkikoha: ‘Munkela woowi?’

Yohaane 17:11

Miyo nkirwa kikhalatho mweelaponi, mene awo nlelo ari mweelaponi ni, Miyo kinrowa wa Nyuwo. Tiithi Ootteela, ngwaakihe awo mwa Nsinananyu, Nsina nno mwaakivanghaanyu weera ekhale mmoha ntoko Hiyo nraahu mmoha.

Miteko 3:21

Ontthuneya weera Owo akhale wiirimu, mpaka ophiya ehuhu Muluku aneeraawe areherere itthu sootheene, ntoko aahimalaawe khalayi ni iyano sa maprofeeti ootteela.

Deuteronomiyo 15:11

Mulaponi anookhala anamahaawa mahuku ootheene. Tivawo kinoolamulenlaakani weera munreerele murima munninyu muYixrayeli okhuma namahaawa mpaka onghaawela mulaponimwanyu.

Filemone 1:7

Osivelawanyu wookihakalaliha vancipale ni wookipepesa, niwoko nyuwo, munnaka, moolipihera mirima sa atthu ootteela.