Marku 14:21 - Emakhuwa Bible

²¹ Mwaana a mutthu anaavarihiwe ntoko elempwalaaya mwaha wa Yoowo, mene Ii! Onoohaawa yoole anaamvarihe Mwaana a mutthu! Fataari mulopwana owo ahaayariwe!”

Marku 14:21 Iomraidhean Croise

Epacerero 3:15

Nkiittanihe variyariwawo ni muthiyana, variyari wa ekhapiraawo ni ya muthiyana. Owo anaaswanye murwaawo ni weyo onuulume etthottopwaawe.”

Icipo 55:15

Okhwa waaphwanye amwiittanaaka wootutuxereya; awosa ekhuruwele munihiyeni ereeneno okumi, niwoko soonanara simmaka variyariwaya.

Yesaya 52:14

Ekhalelowaawe yaavirikanyihiwa moota wooweera aatikinsa ahinasuwanyeya omutthu; khaalikana ntoko mutthu. Mooteene yoowo yaaraaya ancipale yaamututhungwe woomoona yoowo,

Daniyeli 9:24

Soothanliwa isimana miloko mithannamiili wa mulokwaanyu ni esidadaanyu yootteela weera sootakhala ni soottheka simalihiwe; weera eliviwe mathowa, eruuhiwe ekhaikhai wa mahuku ootheene, okwanihereye moonelo ni masu a muhoolo ni weera Ootteelaxa attikittheliwe.

Daniyeli 9:26

Siviraleene isimana miloko mithannamosa ni piili sa seiyo, Oottikittheliwa onimwiiviwa ni khakhalanatho etthu. Esidade ni Nipuro Nootteela* nnoophwatiwa ni muloko wa namalamula anaarwe. Ommaleloni onoophiya ntoko mirupi: owana onoopwaherera mpaka ommaleloni ni woolaleiwa oheleya mathala.

Zakariya 13:7

“Ii! Ekatana, muvenye ni ngwaneke ni mukukhulaaka, yoowo ori mukhwaaka!” ongima Yave a ikuru sootheene.”Mummane mukukhuli ni muhuwo onoomwaraxeya ni kinimwaarukunuwela asikhaani.

Matheyo 26:54

Moota heeni yeeraaya ekwaniheriwe Yoolempwa* yeenre ontthuneya weera itthu iya seereiye mooteene yoola?”

Matheyo 26:56

Sootheenetho iya seereiye weera ekwaniheriwe Yoolempwa* ya maprofeeti.” Vano oohusera ootheene yaamuhiya ni yaatthawa.

Marku 14:20

Yeesu aawaakhula: “Ti mmoha a muloko neeli, yoole onruweya epaawu vamoha ni Miyo esasaani emoharu yeela.

Marku 14:22

Ecaaka, Yeesu aakuxa epaawu, anatthapela, anameiyanya, anaavaha oohusera eeraka: “Mukuxeke, ela ti erutthwaaka.”

Marku 14:49

Mahuku ootheene Miyo kaari ni nyuwo kixuttihaka Mpaani mwa Muluku, ni nyuwo khamwaakitthunke. Ontthuneyatho weera Yoolempwa* ekwaniheriwe.”

Luuka 22:22

Mwaana a mutthu onoorowa ntoko olamuliwaawe, mene Ii! Onoohaawa yoole anaamvarihe.”

Luuka 24:44

Vano aaweerela: “Ti yeeyo kooleenlaakani kireene nlelo ni nyuwo: ‘Waatthuneya weera sikwaniheriwe sootheene silempwe mwaha wa Miyo mmalamuloni a Moisesi, mmaprofeetini ni mulivuruni ya icipo.’”

Yohaane 19:28

Vahoolowaya, asuwelaka weera sootheene saamaliheriwa ni weera ekwaniheriwe Yoolempwa*, Yeesu aaheera: “Okivola ntthona.”

Miteko 1:25

weera apwaherere muteko ola wa orummwa, mwa yoowo Yudasi ohiyalaawe arowaka nipuronawe.”

Miteko 2:23

Muluku aalakela ni aalamulela khalayi weera Mulopwana Owo muvahereriwaanyu nyuwo ni ekhavihero ya atthu ootakhala. Vano mwaamwiiva, munkhomelaka vamuttandani.

Miteko 4:27

Mwa yeeyo, Herodi ni Ponto Pilatu yaathukumana vamoha ni amalapo ni muloko wa aYixrayeli musidadeni yeela, weera emvaanelele Yeesu, mwa Yoowo munttikitthenlaanyu.