Marku 12:37 - Emakhuwa Bible

³⁷ Davide muneenaawe ommwiitthana ‘Apwiya.’ Moota heeni aneeraawe akhale Kristu mwanawe?” Ni atthu ancipalexa yaamwiiwa ni ohakalala.

Marku 12:37 Iomraidhean Croise

Matheyo 1:23

“Mwaamwali oowiikosoopa anaarupale, ni anaamuyare Mwaana Mulopwana ni atthu eniimwiitthane Emanuweli, entaphulela: Muluku ni hiyo.”

Matheyo 11:25

Ehuhuweene yeele, Yeesu aaheera: “Miyo kinootthapelani Nyuwo, Atiithi, Apwiya a wiirimu ni vathi, niwoko mohaavithera itthu iya asuweli ni anamiruku, ni mwaawoonihera asikhaani.

Matheyo 11:5

atthu oohoona animoona; atthu oorakala animweetta; anamakokho anoolamihiwa; atthu oohiiwa animwiiwa; akhwiiye anoovenyererihiwa, ni masu ooreeraxa anoolaleeriwa oohaawa

Matheyo 21:45

Yiiwalaaya ahooleli a asaserdoti* ni aFarisi* soolikanyiha sa Yeesu, yaasuwela weera Owo uulumale mwaha wa yaawo.

Matheyo 21:46

Vano yaasaasa moota woomvara, mene yaawoova atthu ancipale, niwoko yaamweerela weera Yeesu ori mprofeeti.

Luuka 19:48

Wa soothesene, khayaawera moota woopaka yeeyo, niwoko muloko wa atthu wootheene waatikhina ni maswaawe.

Luuka 21:38

Muloko wa atthu wootheene waarowa oxeexelo Mpaani mwa Muluku weera yamwiiwe.

Yohaane 12:9

Yeereiyaka hiihaale, atthu ancipale a aYuda, yoonelelaka weera Yeesu aari vaavaale, yaahoowa khoohiyono paahi omoona Yeesu, menetho Lazaru, yoowo Yeesu aamvenyereringhaawe mookhwaani.

aRooma 9:5

Anamwane a asitokweene oopacera a oYixrayeli ti awaya, ni mweerutthuni Kristu aari a ekhapiraaya. Muluku oopwaha itthu sootheene ooreelihiwa mahuku ootheene. Ame*.

1 Timootheyo 3:16

Woohihovela weera ntikhinelo na ediinaahu ti ntokotoko: Yeesu ooniheriwe mweerutthuni, aakhuleliwe ni Muluku mMunepani, ooniwe ni andyelo, olaleiwe mmilokoni, ororomeliwe mweelaponi, ni aakheleliwe moovuwani.

Yakobe 2:5

Mwiiwe, axunnaka oosiveleya: Muluku khaathanlale oohaawa vamaithoni wa amalapo weera ekhale oopuha munroromeloni ni yaakhele yoohiyeriwa* ya omwene Owo aaroromelihalaawe yaawo animusivela Yoowo?

Ethupululo 22:16

Miyo, Yeesu, koomurumiha ndyelowaaka weera oovaheeni onamoona ola wa ikerexa. Miyo ti Mukwankhwaari ni Ekhapira ya Davide, ni Tthanda oowaaraxa.”