Marku 12:33 - Emakhuwa Bible

³³ Omusivela Muluku ni murimaanyu wootheene, wuupuwelawanyu wootheene ni ikurusanyu sootheene, ni omusivela mukhwiinyu ntoko muniisivelaanyu, ti wootthuneyaxa oopwaha sooveleela soohisiwa ni soovaha sootheene.”

Marku 12:33 Iomraidhean Croise

Icipo 50:23

Yoole ompaka sooveleela sootthapela onkittittimiha Miyo ni owo onreherera ephiro weera kimoonihere ovuluxa wa Muluku.

Masu a Miruku 21:3

Opaka ya ekhaikhai ni ya ettiitthu ti yoowaakhuleleya wa Yave opwaha opaka sooveleela.

Hoxeya 6:6

Vano, kinghaawela ororomeleya ohikhanle sooveleela; omusuwela Muluku ohikhanle sooveleela soohisa.

Matheyo 12:7

Nyuwo mwaasuwenle etaphulelo ya masu ala: ‘Kintthuna ikharari, sihikhanle sooveleela,’ khamwaathoriha atthu oohikhalano milattu.

Matheyo 9:13

Murowe ni muupuwele etaphulelowaaya ela: ‘Kintthuna ikharari, sihikhanle sooveleela.’ Miyo nkaaweenle owiitthana atthu oororomeleya, mene anamattheka.”

Deuteronomiyo 6:5

Munsivele Yave Mulukwaanyu ni murimaanyu wootheene, okumaanyu wootheene ni ikurusanyu sootheene.

aHeberi 10:8

Woopacera Owo aaheera: “Sooveleela ni soovaha, sooveleela soohisiwa ni soovaha wa yoottheka khamwaatthunne, naari khasoosivenleni.” Seiyo saapakeliwe niwoko nlamulo naanyeserera.

1 Samuweli 15:22

Vanonto Samuweli aamwaakhula: “Weeraka Yave onsiveliwa ni sooveleela soohisa ni sa inama opwaha wiiwelela maswaawe? Fataari omwiiwelela Yave ohikhanle opaka sooveleela; aani fataari omwiiwa ohikhanle inama sooneneva.