Marku 12:32 - Emakhuwa Bible

³² Mulopwana aamweerela: “Ti wooreera, Muhusiha! Ti ekhaikhai mweenraanyu weera Muluku ti mmoharu, ni khawowo mukina, ahikhanle Yoowo.

Marku 12:32 Iomraidhean Croise

Yesaya 44:8

Muhithukumele, hata muhoove. Khalayeene Miyo kaalaleiye yeeyo ni kaathalihera. Nyuwosa ti anamoonaaka. Khoowowo muluku mukina kihikhanle Miyo. Hoye! Khawowo Mwala mukina; nkimusuwenle hata mmoha.”

Yesaya 45:14

Yave oneera ha: “Sooruwera sa wExipitu ni soothumiha sa oKuxe ni aSabeyani awo oorakamaxa – awosa animoowa wa nyuwo ni anookhala awinyu; awosa animoottharani ootthukiweene. Awosa anookokhorela ohoolowanyu yoodyoonttelelakani: ‘Vekhaikhai Muluku ori ni nyuwosa ni khawowo mukina, Khoowowo muluku mukina.’ ”

Yesaya 45:18

Vano Yave opattunxe wiirimu – Owo ti Muluku; Owo oopattuxa elapo ya vathi; ti yoowo oompe etthaya. Khaanse opattuxa, mene weera ekhaliwe. Vano Mulukweene Yoowo oneera ha: “Miyo ti Yave ni khawoworu mukina.

Yesaya 46:9

Muupuwelele itthu sa khalayi, seiye sa ihuhu sivinre; Miyo Muluku ni khawowo mukina; Miyo Muluku ni khawowo mukina onlikana ni Miyo.

Marku 12:29

Yeesu aamwaakhula: “Noopwaha ootheene ti nna: ‘Mwiiwe aYixrayeli, Apwiya Mulukwaahu ti Apwiya amoharu.

Marku 12:33

Omusivela Muluku ni murimaanyu wootheene, wuupuwelawanyu wootheene ni ikurusanyu sootheene, ni omusivela mukhwiinyu ntoko muniisivelaanyu, ti wootthuneyaxa oopwaha sooveleela soohisiwa ni soovaha sootheene.”

Deuteronomiyo 4:35

Yave owooniherenleni itthu iye sootheene osuwela weera Yave ti Muluku. Khoowowo muluku mukina ahikhanle Yoowo.

Deuteronomiyo 4:39

Musuwele yeeyo olelo ni muhele vamurimani weera Yave ti Muluku a wiirimu ni vathi. Khawowo mukina.

Deuteronomiyo 5:7

Muhikhalane miluku sikina okihiya Miyo.

Deuteronomiyo 6:4

Mwiiwe aYixrayeli: Yave Mulukwaahu ti Yave Mmoharu.