Marku 12:26 - Emakhuwa Bible

²⁶ Mwaha wa ovenyerera akhwiiye, nyuwo khamusomme elivuru ya Moisesi, mwaandiisini a niphuwa, moota Muluku aamweerenlaawe Moisesi: ‘Miyo ti Muluku a Abrahaamu, Isaaki ni Yakobe’?

Marku 12:26 Iomraidhean Croise

Epacerero 26:24

Ohiyuweene yoole Yave aahiixoonihera wa yoole, anamweerela: “Miyo ti Muluku a atithinyu Abrahaamu. Muhoove, niwoko Miyo kiri ni nyuwo. Nkooreeliheni, ni nkaandyeerere ekhapiraanyu niwoko na omusivela murumeiyaaka Abrahaamu.”

Epacerero 28:13

Yave aari mukhwipimwaya, aneera: “Miyo ti Yave, Muluku a Abrahaamu apwiyaanyu ni Muluku a atithinyu Isaki. Elapweene yeela mukonnaanyu kinikoovaheeni, vamoha ni ekhapiraanyu yootheene.

Epacerero 31:42

Ahaakhanle Muluku a apwiyaaka, Abrahaamu ni woopiha wa atithaka Isaki, vekhaikhai nyuwo mwaankihiya matataru. Vano Muluku aahoona ohaawawaka mutekwaaka woovihaxa, ni ohiyu ovinre Owo ohoonihera olakelawawe.”

Epacerero 32:9

Yakobe aavekela: “Ii! Muluku a apwiyaaka Abrahaamu ni a atithaka Isaki, Yave mukeerenle: ‘Muhokoleele elapwaanyu ni wa amusaanyu ni Miyo nkiweettihereni sootheene nnenesene,’

Epacerero 33:20

Vano vaavaale aahaateka altaari* ni aahaatteha Eli Elohe* Yixrayeli.

Okhuma 3:16

Muroweke, mwaathukumanyihe asitokweene a aYixrayeli ni mwaaleele: ‘Yave, Muluku a atithinyu, Muluku a Abrahaamu, a Isaki ni a Yakobe ookikhumelela, anakeerela: ‘Miyo kohootthukuruwelasani, niwoko kohoona mumpakasiwaanyu wExipitu.

Marku 12:10

Khamunasome mBibiliyani: ‘Nluku anamateka yaakhoonttaaya naathatuwa nluku noottittimiheyaxa.

Marku 12:25

Moovenyererani, atthu khaanthela, hata khaanthelana, mene ari ntoko andyelo a wiirimu.

Luuka 20:37

Yeele yaamukhumelenle Moisesi vaniphuwani nivarelaka enoonihera weera akhwiiye amvenyerera, niwoko Moisesi aawiitthana Apwiya ‘Muluku a Abrahaamu, Muluku a Isaaki ni Muluku a Yakobe.’

Yohaane 20:17

Yeesu aamweerela: “Muhikivarele niwoko nlelo nkinaaye waahokoleela Atithaka. Murowe toko wa axunnaka ni mwaaleele weera Miyo kinghokoleela wa Atithaka ni Atithinyu ni wa Mulukwaaka ni Mulukwaanyu.”

aRooma 11:2

Muluku khaakhoontte mulokwaawe Owo khalayi aasuwenlaawe. Apaale nyuwo khamusuwenle moota Eliya omukhuwelenlaawe Muluku niwoko na Yixrayeli ntoko Yoolempwa yeenraaya: