Marku 11:33 - Emakhuwa Bible

³³ Awo yaamwaakhula Yeesu: “Khanisuwenle.” Vano Yeesu aaweerela: “Hata Miyo nkinooleelani ni ikuru heeni kimpakelaaka itthu iya.”

Marku 11:33 Iomraidhean Croise

Yobi 5:13

Onaavara asuweli moolokotthanimwaya ni soovaanelasaya sootakhala sinkumburuliwa ntoko maahi oowuupa.

Yesaya 1:3

Emombe elopwana yoomusuwela pwiiyaaya ni buuru oosuwela nikhoola na pwiiyaawe, vaheera aYixrayeli khaasuwenle etthu; mulokwaaka khooniiwexexa.”

Yesaya 56:10

Anamalipelela a oYixrayeli ari oohoona, awosa ootheene khaaniiwexexa etthu; ootheene ari ntoko alapwa oomaala, ahingweraru owuwa; aniixaatalela elohaka, ansivela okona paahi.

Hoxeya 4:6

Mulokwaaka woophwatiwa niwoko na ohikisuwela Miyo. Mweenre mukhoottaka esuwelo, Miyotho kinimookhoottani okhala asaserdotaaka; mweenre mukhoottaka Nlamulo na Mulukwaanyu, Miyotho nkaapwattha anamwaniinyu.

Matheyo 15:14

Mwaahiye, awo ari ahooleli oohoona. Oohoona mmoha amweettiha oohoona mukina, ooweeli anoomorela mulittini.”

Matheyo 16:4

Ekhapira yoonanara ni yooraruwa emvekela eneneero yootikhiniheiya, mene kheemvahiwa naari eneneero emoha, ehikhanle eneneero ya Yoonasi!” Vano Yeesu aavenya, aahiyaka ale vaavaale.

Matheyo 21:27

Awo yaamwaakhula Yeesu: “Hiyo khanisuwenle.” Vano Owo aaweerela: “Hata Miyo nkinooleelani ni ikuru heeni kimpakelaaka itthu iya.

Marku 11:32

Vanonto, neera: ‘wa atthu…’” Awo yoova muloko wa atthu niwoko ootheene yaamweerela vekhaikhai weera Yohaane aari mprofeeti.

Marku 12:1

Owo aapacera waaleela ni soolikanyiha: “Mutthu mmoha aaphatteiya ematta ya iwuuva*. Aapaka mukuso orukureenreene. Aapakatho nipuro noovotta iwuuva*. Vahoolowaya aapaka nipuro na anamalipelela. Vano aawooliha ematta ya iwuuva* anamalima akina, anarowa ni mukwahaawe.

Yohaane 3:10

Yeesu aamweerela: “Nyuwo muhusiha a oYixrayeli ni khamuniiwexexa itthu iya?

Yohaane 9:27

Owo awaakhula: “Miyo kohooleelani, mene nyuwo khamwiiwale. Heeni muntthunaanyu wiiwatho? Apaale nyuwotho muntthuna okhala oohuseraawe?”

aRooma 1:28

Woonaka weera awo yaaramusa osuwela wa Muluku, Owo muneenaawe ohaahiya ni soowuupuwelasaya soonanara, weera epake yeeyo yahaatthuneya opaka.

2 aKorinto 3:15

Mwa yeeyo mpaka olelo, saasommwaka ilivuru sa Moisesi, ecireemba enkhuneela mirimasaya.