Marku 10:38 - Emakhuwa Bible

³⁸ Yeesu aaweerela: “Khamusuwenle yeeyo mumvekelaanyu. Munoowera owura ekoomixi kingwuraaka, hoye hoye opatisiwa ni opatiso Miyo kimpatisiwaaka?”

Marku 10:38 Iomraidhean Croise

1 Mamwene 2:22

Salomoni aahaakoha amayawe: “Munimvekelela heeni paahi Abixagi, muXunami ntoko mwaarawe Adoniya? Onoolikana okivekela omvaha omwene. Muupuwelele weera ori munnaka mutokweene. Aani onoolikana okivekela omvaha omwene yoowo, Abiyatari musaserdoti* ni Yowabe, mwaana mulopwana a Zeruha!”

Icipo 75:8

Mmatatani mwa Yave yookhalamo ekoomixi yoosareya eviinyu yooxaxa ni yoothiteliwa; Owo ommiinela vathi ni atakhali ootheene a elapo ya vathi angwura mpaka nttonyo noosinsa.

Yesaya 51:22

Yave onlamula sootheene, Mulukwaanyu onaakiha mulokwaawe, oneera ha: “Moone, koovenxa mmatatanimwanyu ekoomixi yooveveleihani, khamurwa ngwuratho ekoomixeene yeeyo ya isarasaka.

Yeremiya 25:15

Yave, Muluku a oYixrayeli aakeerela ha: “Mwaakhele mmatatanimwaka ekoomixi ela esareiye eviinyu ya isarasaka ni mwawurihe miloko sootheene kinoorumihelaakani.

Yeremiya 45:5

Vano, nyuwo munoowera wiisaasera itthu soowooreerelani? Muhaasaase, niwoko kinooruuhela erisa omutthu wootheene,’ oneera Yave, ‘vaheera Miyo kinimoohiyani moopowaka muneeraanyu muroweru.’ ”

Matheyo 26:39

Arowaka vahoolo vakhaani, aahuuramihela ekhovaawe vathi, anavekela: “Tiithi, wawereya, mususihe wa Miyo ekoomixi ela, wa soothesene, ohikhale ntoko kintthunaaka, mene ntoko muntthunaanyu.”

Matheyo 3:6

Elapaka sootthekasaya, yaapatisiwa ni yoowo mmoolokoni Yordanu.

Marku 14:36

eeraka: “Aba, Tiithi, wa Nyuwo sootheene sinoowereya. Mususihe wa Miyo ekoomixi ela, wa soothesene, ohikwaniheriwe otthunawaka, mene otthunawanyu.”

Luuka 12:50

Ontthuneyatho weera kipatisiwe, ni moota kihooxiwaaka murimaaka mpaka owo oneeraaya okwaniheriwe!

Luuka 22:42

“Tiithi, mwatthuna, mususihe wa Miyo ekoomixi ela, wa soothesene, ohipakiwe otthunawaka, mene otthunawanyu.”

Yohaane 18:11

Vano Yeesu aamulamulela Pedru: “Musunge ekatanaanyu! Apaale nkinrowa owura ekoomixi ela Atiithi akivanghaaya?”

aRooma 8:26

Mooteene yoowo Munepa onnikhavihera ohilipawahu, niwoko kanisuwenle nnenesene ovekela, mene Munepeene Yoowo onnanivekelela wa Muluku ni soowiipulela soohiwereya ohimeya.

Yakobe 4:3

Mwaavekaka, khamunaakhela, niwoko mumveka ni murima woolokottha, muvekelaka itthu wa soohaawelasanyu soonanara weera muhakalalele seiye.