Marku 10:32 - Emakhuwa Bible

³² Awo yaarowa oYerusaleemu, ni Yeesu aahoolela. Oohusera yaatikhina, ni yaawo yaamutthara yaahoova. Owo aawiitthanatho muloko neeli vakhwipi, ni aahaaleela yeeyo yeera emukhumelele.

Marku 10:32 Iomraidhean Croise

Zakariya 3:8

Mwiiwe Yoxuwa, mutokweene a asaserdoti*, ni anamakhaviheraanyu akilaathiye ohoolowanyu – nyuwosa ti asilopwana anthoonyera itthu sineera seereiye: Kinoomuruuha murumeiyaaka, Ephuwelo.

Matheyo 11:25

Ehuhuweene yeele, Yeesu aaheera: “Miyo kinootthapelani Nyuwo, Atiithi, Apwiya a wiirimu ni vathi, niwoko mohaavithera itthu iya asuweli ni anamiruku, ni mwaawoonihera asikhaani.

Matheyo 13:11

Owo aahaakhula: “Wa nyuwo moovahiwa osuwela ixiiri sa omwene wa wiirimu, mene wa yaawo, naari.

Marku 1:27

Ootheene yaatikhina, moota wooweera yaakohana: “Eheeni yeeyo? Nihusiho nnyowani, nitho ni ikuru! Owo onoolamula mpaka minepa soonanara, ni seiyo sinoomwiiwelela!”

Marku 4:34

Khaaleela etthu, ohikhanle ni soolikanyiha. Vano, aakhalaawe ni oohuseraawe paahi, annaathalihera sootheene.

Luuka 10:23

Vano Owo aahaarukunuwela oohuseraawe ni aaweerela meekhaayaru: “Ooreelihiwa ti maitho anoona yeeyo munoonaanyu.

Luuka 19:28

Amalihaka wuuluma yeeyo, Yeesu aapwahera ohoolo, arowaka oYerusaleemu.

Luuka 9:51

Ekhuveelaka ehuhu Yeesu eeraawe awelihiwe wiirimu, Owo aalakela ni murima wootheene orowa oYerusaleemu.

Yohaane 11:16

Vano, Tomaxi, iitthaniwa Didimu, aaweerela oohusera akina: “Nrowetho weera nakhwe ni Yoowo.”

Yohaane 11:8

Awo yaamweerela: “Muhusiha, vanaanoweene aYuda yaaheerera woovonyani maluku. Hata hiiho, muntthuna ohokoleelawo?”