Malekiya 4:2 - Emakhuwa Bible

² Vaheera wa nyuwosa munttittimiha Nsinanaka, nsuwa na ekhaikhai nnookhuma niruuhaka olama ngwaaranimwaya. Hiiho, nyuwosa munookhuma mutupheke ntoko aximombe oohuleliwa munikhoolani.

Malekiya 4:2 Iomraidhean Croise

2 Samuweli 23:4

ori ntoko waara wa nsuwa nikhumaka ehikhanle mahutte; ntoko nsuwa nnoopa erupaleene epula nnunnuwiha nyiri sa vathi.’

Icipo 103:3

mwa Yoowo onlevelela sootthekasanyu sootheene ni onlamiha irettasanyu sootheene.

Icipo 147:3

Owo onaalamiha a murima wootaphuwa ni onkosoopa makhwattaaya.

Icipo 61:5

Ii! Muluku! mohiiwa soororomelihasaka; mookivaha yoohiyeriwa ya yaale anoova Nsinananyu.

Icipo 67:1

Muluku animorele ikharari, anireelihe ni anaarihele ekhovaawe Sela*

Icipo 84:11

Vano Yave Muluku ti Nsuwa ni Exikudu*; Yave onoonihera murima wooreera ni nttittimiho; khanaakhoottelaru mpuha yaale aneetta moota wookwanela.

Icipo 85:9

Vekhaikhai ovuluxawawe ori vakhiviru wa yaale animoova ni ovuwawawe onookhala mweelaponimwahu.

Masu a Miruku 4:18

Ephiro ya oororomeleya eri ntoko ekamaama ya oxa, enaaraxa mpaka onkwanelaaya oxa.

Yesaya 30:26

Mweeri onimwaara ntoko nsuwa ni nsuwa nnimoopaxa woopwexerereya mahuku mathannameeli, Yave aarehereraka soovulalihiwa sa mulokwaawe ni aalamihaka makhwatta Owo aatannyenraawe.

Yesaya 35:6

Vano atthu ooheetta anootupha ntoko naahe ni nlumi na mutthu oohuuluma nnimwiipa ni ohakalala. Maahi anoopiluwa munikareni, aani nyooloko mweelaponi yoowuumelela.

Yesaya 49:6

Yave oneera: “Wa nyuwo khoonkwana okhala murumeiyaaka paahi weera mureherere ipuumba sa Yakobe ni mwaahokoloxe yaale a aYixrayeli kaathokoronraaka. Kinimootatuxanitho waara wa amalapo weera ovuluxawaka okwanele ekotenle elapo.”

Yesaya 50:10

Taani a nyuwo ommoova Yave ni oniiwelela masu a murumeiyaawe? Yoole oneetta mpiphini ahikhalanaka waara aroromeleke mwa Nsina na Yave ni mwa Mulukwaawe.

Yesaya 53:5

Ookhomeliwa niwoko na sootthekasahu, oohononiwa niwoko na soonanarasahu; ottaruxa oniwerenle murettele waari wawawe ni noolamihiwa ni makhwattaawe.

Yesaya 9:2

Muloko weetta mpiphini waahoona waara otokotoko; waara waahaamwaleela yaale yaakhala mweelaponi ya munttuusi wa okhwa.

Yeremiya 17:14

Ii! Yave, mukilamihe ni miyo kinoolama! Mukivuluxe ni kinoovuluwa, niwoko Nyuwo ti Yoole kinimuttottopelaaka.

Yeremiya 30:17

Kinoohela mapharima ovulalawanyu ni kinoovoliha makhwattaanyu,’ onghima Yave, ‘niwoko nyuwo, Siyoni, angwiitthanani ookhoottiwa, mwa yoole ohimpwatthiwaru.’

Yeremiya 33:6

Wa soothesene, kinooruuhela oreherera ni olamiha; kinoophuweliha mulokwaaka kivahaka murettele ni ekhaikhai yoowaatta.

Ezekiyeli 47:12

Nyiri siniima sa nyoota sootheene sinimunnuwa mmipattani soomiili sa mooloko. Makukhwaaya kheenyaala ni soowiimasaya khasimora. Sinimwiima khula mweeri, niwoko maahi anrweela vaNipuroni Nootteela*, amphiya mwa seiyo. Soowiimasaya sinoociwa, ni makukhwaaya anoovareliwa muteko wa murette.”

Hoxeya 6:1

“Nrowe, nihokoleele wa Yave. Owo ooninyaanya, mene onoonilamiha; Owo oonivulaliha, mene onoovoliha makhwattaahu.

Hoxeya 6:3

Nimusuwele Yave; niilipiheraxe omusuwela. Owo aniixoonihere mooteene yoole ninkhumaaya nsuwa; onimoorwa wa hiyo ntoko epula ya mulaala, aani ntoko epula mutthulo ennaanihaaya etthaya.”

Malekiya 3:16

Vanonto yaale yaamoova Yave yaatthekula mukina ni mukhwaawe, ni Yave annaawiriyanela. Yaalempwa elivuru ntoko eyuupuxero vamaithoniwawe mwaha wa yaawo yaamoova Yave ni anttittimiha Nsinanawe.

Matheyo 11:5

atthu oohoona animoona; atthu oorakala animweetta; anamakokho anoolamihiwa; atthu oohiiwa animwiiwa; akhwiiye anoovenyererihiwa, ni masu ooreeraxa anoolaleeriwa oohaawa

Matheyo 23:37

Yerusaleemu, Yerusaleemu, weyo ongwiiva maprofeeti ni onaavonya maluku yaawo onrumiheliwaawo! Hapo kaatthuna waathukumanya anamwanaawo ntoko nttehi nnaathukumanyaaya axaanaaya vathi wa mapuphaaya, mene khawaatthuna!

Luuka 1:50

Ikhararisawe simphiyera ikhapira sootheene sa yaawo ammoova.

Luuka 1:78

Elevelelo ele ti niwoko na omoreliwa ikharari sa Mulukwaahu. Owo anaanixekure wa osulu ntoko nsuwa nikhumaka

Luuka 2:32

waara weera waamwaleele amalapo ni wa ovuwa wa atthwaanyu aYixrayeli.”

Yohaane 1:14

Nsu noothatuwa erutthu ni naakhala variyariwahu. Nohoona ovuwawaya, aani ovuwa wa Mwaana mmoharu aawiiye wa Atiithi, oosareya mahala ni ekhaikhai.

Yohaane 1:4

Okumi waari mwa Nenno, ni Nno naari waara wa atthu.

Yohaane 1:8

Owo muneenaawe khaahiyono waara, aarweenletho okhalela onamoona mwaha wa waara.

Yohaane 12:40

Aatatuxa oohoona maithwaaya ni ahuumiha mirimasaya weera ehoone ni maithwaaya, hata ehiiwexexe ni murima, hata ehirukunxe mirimasaya, ni Miyo kihaalamihe.

Yohaane 8:12

Uulumakatho ni muloko wa atthu, Yeesu aaheera: “Miyo ti Waara wa elapo ya vathi. Yoowo onkitthara Miyo, kharwa eetta mpiphini, mene onookhalano waara wa okumi.”

Yohaane 9:4

Oreene nlelo othana, onthuneya weera hiyo nipake muteko wa Yaale akiruminghe. Ohiyu onookhuveela aneeraawe ahikhale anaavare muteko.

Miteko 13:26

Axunna, anamwane a Abrahaamu ni nyuwo mummoova Muluku, wa hiyo noorumiheliwa mutthenga ola wa ovuluxiwa,

Miteko 13:47

Vano, hiiho Apwiya aanilamulela yeeraka: ‘Miyo kohookhalihani waara wa amalapo, weera mukuxe ovuluwa mpaka ekotenle elapo.’”

Miteko 26:18

weera mwahule maithwaaya ni mwaatatuxe wa epiphi, waara. Aani, kinimoorumihani wa yaawo weera mwaavuluxe wa ikuru sa Satana ni weera emutthare Muluku, ni hiiho yaakhele elevelelo ya sootthekasaya ni nipuro vamoha ni yaawo atteelihiwe niwoko na nroromelo mwa Miyo.’

2 aTesalonika 1:3

Axunna, ontthuneya omutthapela Muluku mahuku ootheene niwoko na nyuwo, ni eyo yoophwaneleya, niwoko nroromelonanyu ninnunnuwa khula nihuku, nitho osivelawanyu murinaanyu mukina ni mukhwaawe.

2 Pedru 1:19

Nsu noolaleiwa ni maprofeeti nookhalano noolipaxa, ni wa nyuwo onuukhale wooreera mwiiwelela nnenesene nsu nno, ntoko nireene onyaari onaara vanipuroni nri ni epiphi, mpaka oyaaka ni oxa, ni Tthanda aakhumme mmurimanimwanyu.

2 Pedru 3:18

Wa soothesene, munnuwe mmahalani ni moosuwelani mwa Apwiyaahu ni Mvuluxa Yeesu Kristu. Wa Awo okhale ovuwa wa vaanaano ni woohimala. Ame*.

1 Yohaane 2:8

Wa soothesene, nlamulo kinoolepelaakani ti nnyowanitho. Ekhaikhai ya nlamulo nna ninoowera woona mwa Yeesu ni mwa nyuwo, niwoko epiphi enoomalamala, ni waara wa ekhaikhai onimwaara.

Ethupululo 11:18

Amalapo yaanyoonyiwa; ni isarasanyu soophiya. Yoophiya ehuhu yoowaathoriha akhwiiye ni yoowaatthuvela arumeiyaanyu, maprofeeti ni ootteelaanyu ni yaawo anoova Nsinananyu –asikhaani ni asitokweene – ni yoowaaphwata yaawo amphwata elapo.”

Ethupululo 2:28

hiiho ntoko Miyotho kaakhenlaaka ikuru wa Atithaka. Nkimvahetho Tthanda.

Ethupululo 22:16

Miyo, Yeesu, koomurumiha ndyelowaaka weera oovaheeni onamoona ola wa ikerexa. Miyo ti Mukwankhwaari ni Ekhapira ya Davide, ni Tthanda oowaaraxa.”

Ethupululo 22:2

eriyari ya musewe mutokweene wa esidade. Okhopela ni okhopela wa mooloko waakhala mwiri wa okumi, ohephiwaka imaara muloko ni piili sa soowiimasaya, wiimaka khula mweeri wa eyaakha. Makukhu a mwiri mutekwaaya waalamiha atthu a ilapo.

Ruuti 2:12

Yave oolive niwoko na yeeyo opankaawo. Otthuvelaxiwe ni Yave, Muluku a aYixrayeli. Woothanla okosoopiwa ni Yoowo.”