Malekiya 3:7 - Emakhuwa Bible

⁷ Okhuma ehuhu ya makholowaanyu, nyuwosa moohiya ikanosaka, muhiiwelelaka. Muhokoleele wa Miyo, ni Miyo kinoohokoleela wa nyuwosa,” oneera Yave a ikuru sootheene. “Vaheera nyuwosa munkoha: ‘Nnihokolowe hai?’”

Malekiya 3:7 Iomraidhean Croise

Nehemiya 9:26

Wa soothesene, yaari oohiiwelela yoovaanyakani. Yaarera ettuli Nlamulonanyu. Yaawiiva maprofeetaanyu, mwa yaawo yaawooperera weera yoohokoleeleni Nyuwo. Yaapaka sootakhala sitokotoko.

Yesaya 65:2

Mahuku ootheene kootheteela matata muloko woottiyamaaru, mwa yoowo oneetta mphironi yoonanara ni onaasa soowuupuwelasaya paahi.

Yeremiya 16:11

Vano mwaaleele yaawo: ‘Ti niwoko na okihiya wa makholowaanyu,’ onghima Yave, ‘ni na otthara miluku sikina erumeelaka ni elapaka seiyo. Awosa yaakihiya ni khayiiwelenle Nlamulonaka.

Yeremiya 16:12

Vaheera nyuwosa mootepihaxa waapwaha makholowaanyu. Moone moota khula mutthu a nyuwo onttharaawe ettiyamaaru ya murimaawe woonanara, ohiya okiiwelela Miyo.

Yeremiya 3:22

“Muhokolowe, muloko woohiroromeleya; kinoolamiha murimaanyu woovaanya.” Muloko waahaakhula: “Aani, nnimoowa wa Nyuwo, niwoko Nyuwo ti Yave Mulukwaahu.”

Yeremiya 7:25

Okhuma ehuhuweene yeele makholowaanyu yaakhummaaya wExipitu mpaka vanaano va, Miyo kaahaarumihelasa arumeiyaaka maprofeeti nihuku ti nihuku.

Yeremiya 7:26

Vaheera awosa khayaakiiwale hata khayaakipwantthe. Yaari oottiyamaaru ni yaapaka soonanara waapwaha makholowaaya.’

Ezekiyeli 2:3

Owo aakeerela: “Mwaana a mutthu, kinimoorumihani wa aYixrayeli, muloko woovaanya mwa yoowo okivaannye; awosa ni makholowaayeene ankivaanya mpaka olelo va.

Ezekiyeli 20:13

Orookhalaru weera yoowo aniiwelele malamulo awo anaakhale ni okumi, aYixrayeli yaakivaanya munikareni. Khayeettenle ikanosaka, mene yaakhootta malamulowaaka, ehiirihaka iSaabadusaka. Tivawo keenraaka weera kaamwaayeehera isarasaka kaaphwateleke munikareni.

Ezekiyeli 20:21

Orookhalaru weera yoowo aniiwelele malamulo awo anaakhale ni okumi, anamwanaaya yaakivaanya. Khayeettenle ikanosaka, khayiipasoompe woowiiwelela malamulowaaka, ni aahiiriha iSaabadusaka. Tivawo keenraaka weera kaamwaayeehera isarasaka ni kamwaanyoonyeriwa munikareni.

Ezekiyeli 20:28

Kaaruuhaleene mulaponi mwa yeeyo kaalipenlaaka weera kaamwaavaha, yaamweera woonawene wakhalaru mwaako woorakamela hoye hoye mwiri woopombaxa, yaapakelawo sooveleelasaya, aani sooveleela saatannyale isarasaka. Yaaveleelawo erubanaaya yoowunkhelaxa ni yaapaka sooveleela soowura.

Ezekiyeli 20:8

Vaheera awosa yaakivaanya ni khayaakiiwelenle; khayiivenxenre icaambulo soohiira mwa seiyo saari vamaithoniwaya, hata khayaahingye miluku sa wExipitu. Tivawo keenraaka weera kaamwaayeehera isarasaka ni kaamwaanyoonyeriwa wExipitu.

Hoxeya 14:1

Ii! oYixrayeli, ohokoleele wa Yave, Mulukwaawo. Sootthekasawo sohoomoroxa!

Zakariya 1:3

Tivawo, mwaaleele aYixrayeli: ‘Yave a ikuru sootheene oneera ha: ‘Muhokoleele wa Miyo,’ onghima Yave a ikuru sootheene, ‘ni Miyo kinoohokoleela wa nyuwosa,’ onghima Yave a ikuru sootheene.

Malekiya 1:6

“Mwaana onaattittimiha atithawe, ni murumeiyi onimuttittimiha pwiiyaawe. Miyo kaareene Tiithi, okittittimihawanyu ori woowi? Miyo kaareene Pwiiya, okoovawanyu ori woowi? Onookohani ti Yave, a ikuru sootheene. Ti nyuwo asaserdoti* munnyoosa Nsinanaka! Vaheera nyuwosa munkoha: ‘Ninyoosale moota heeni Nsinananyu?’

Malekiya 3:13

“Nyuwosa munnakuulumela masu oolipaxa,” oneera Yave. “Orookhalaru hiiho, munkoha: ‘Yoonanara heeni niwuulumenlaahuni?’

Matheyo 23:27

Ii! Munoohaawa nyuwo, anamawera a nlamulo*, aFarisi*, anamwiixeera! Munlikana ntoko mahiye ootteelihiwa: anreera omokoni, mene mpuwamwaya ansareya makhuva ni itthu soohitteela.

Luuka 15:16

Owo aahaawela ovoniha erukuluwaawe ni mivithe saaciwa ni ikhumba, mene khaawo aamvaha naari etthu.

aRooma 10:21

Mwahatho wa aYixrayeli Owo eenre: “Kohookola matataaka mahuku ootheene wa muloko mmoha wohiiwelela ni onkiwanano.”

aRooma 10:3

Hapo ehisuwelaka waakhuleliwa onrweela wa Muluku ni yaasaasaka ekhaikhaiyaaya asineenaaya, awo khayaakhulenle waakhuleliwa wa Muluku.

aRooma 7:9

Khalayi miyo kaakhala woohikhala nlamulo, mene nlamulo niwaakaru, yoottheka yoohihimuwa, ni miyo kohookhwa.

Deuteronomiyo 31:20

Kaavoleihaka mweelaponi yoosareya mukaka ni oravo, mwa yeeyo kaaroromelinghaaka ni nlipelo makholowaaya, ni yaacaaka, enavona, siweettelaka nnenesene, awosa eniikokhoreleke miluku sikina elapaka ekikhoottaka Miyo ni enanarihaka wiiraanawaka.

Yakobe 4:8

Mmwaattamele Muluku ni Owo anaawaattameleni. Munyawe matataanyu, anamattheka, ni mutteelihe mirimasanyu, nyuwo murino soowuupuwela sookawanyeya!