Malekiya 3:17 - Emakhuwa Bible

¹⁷ “Vanihukuni kineeraaka kireherere muhakhwaaka” oneera Yave a ikuru sootheene, “awosa anookhala yawaka xaxaxa. Miyo kinoowuurela ntoko tiithi onimuurelaawe mwaniye ommwiiwelela.

Malekiya 3:17 Iomraidhean Croise

Nehemiya 13:22

Vano kaahaalamulela aLeevi weera yiitteelihase ni erowe yawehawehase milako weera nihuku na eSaabadu nittittimihiwe ntoko nootteela. Mukuupuweleletho mwa yeeyo Mulukwaaka, mukimorele ikharari moosivelanimwanyu otokotoko.

Icipo 115:13

Owo onimwaareeliha yaale ammoova Yave – okhuma asikhaani mpaka asitokweene.

Icipo 135:4

Vano Yave oomuthanla Yakobe weera akhale awawe; Yixrayeli weera akhale muhakhwaawe.

Okhuma 19:5

Vano mwakiiwelela oororomeleyeene ni mwathokorora wiiraanyihawaka, munookhala atthu ootthuneyaaka variyari wa miloko sootheene. Erookhalaru elapo yootheene yawaka,

Okhuma 32:32

Vanonto, dyoontte, mulevelele yootthekaaya. Mwaahilevelela, mucipihe nsinanaka mulempaanyu mulivurinimwanyu.”

Ecipo Yooreeraxa 2:16

Oosiveleyaaka ti awaka ni miyo ti awawe; owo onciha eriyari ya ithutu sooreeraxa.

Yesaya 4:2

Vanihukuni nenenenno ephandi ya Yave eniikhale yooreeraxa ni yoovuwaxa ni soowiima sa elapo nsikhale ovuwa ni nttittimiho na yaawo eniihalahale oYixrayeli.

Yesaya 43:1

Vano Yave mwa Yoowo oopattunxeni nyuwo Yakobe ni oopankeni nyuwo Yixrayeli, oneera ha: “Muhoove, niwoko koowoopolani; koowiitthanani ni nsinananyu; nyuwo ti awaka.

Yesaya 43:21

muloko kiipakenlaaka weera owo olaleiye ottottopeleyawaka.

Yeremiya 31:20

Khahiyono Efrayimi oosiveleyaaka? Mwaana kinimutthunaxaaka? Imaara sootheene Miyo kinuulumaaka sa Efrayimi, kimmuupuwelelaxa yoowo. Tivawo, kinimuhelaxaaka vamurimani; kinimmorelaaka ikharari,” onghima Yave.

Yeremiya 31:33

Yave oneera: “Wiiraana kineeraaka kipakele muloko wa oYixrayeli eviraleene mahuku awo, ti wu: Kinoohela Nlamulonaka mpuwamwaya ni kinoolepa mmurimanimwaya. Kinookhala Mulukwaaya, ni awosa anookhala mulokwaaka.

Ezekiyeli 16:8

Evinreene ehuhu ekina, kiviravirakarutho mukhivirumwanyu, kaahoowehani, kinoona weera mohunnuwa mungweraanyu osivela, ni kaawaatalelani malayaaka, kinakuttelela etiriyaanyu. Kaalipela, kinakhaliha wiiraana ni nyuwo, onghima Yave onlamula sootheene, ni nyuwo moothatuwa awaka.

Zefaniya 2:2

ehinaaye ophiya ehuhu elakeliwe ni nihuku nno, niviraka ntoko ikokhola, sihinaaye woomorelani isara soowuupa sa Yave, ni nihinaaye woophwanyani nihuku na isara sa Yave.

Zakariya 13:9

Mpatta wanaararu owo kinohela vayikho; kinootteelihamo ntoko eparatha*, aani ntoko eyuuma yoorikaxa. Awosa animwiitthana Nsinanaka ni Miyo kinoowaakhula, keeraka: ‘Awosa ti mulokwaaka’ ni awosa animweera: ‘Yave ti Mulukwaahu.’”

Malekiya 1:6

“Mwaana onaattittimiha atithawe, ni murumeiyi onimuttittimiha pwiiyaawe. Miyo kaareene Tiithi, okittittimihawanyu ori woowi? Miyo kaareene Pwiiya, okoovawanyu ori woowi? Onookohani ti Yave, a ikuru sootheene. Ti nyuwo asaserdoti* munnyoosa Nsinanaka! Vaheera nyuwosa munkoha: ‘Ninyoosale moota heeni Nsinananyu?’

Malekiya 4:3

Vanihukuni kineeraaka kipake itthu iyo, munimwaattikittha atakhali; anookhala ntoko ittoko munaawonimwanyu,” oneera Yave a ikuru sootheene.

Matheyo 25:34

Vano Mwene anaaweerele yaawo a moono mulopwana: ‘Ngwe, ootteelihiwa a Atithaka. Mwaakhele ntoko yoohiyeriwa* omwene mureherereliwaanyu okhuma ompacereroni wa elapo ya vathi.

Yohaane 17:24

Tiithi, kintthuna weera awo mwaakivanghaanyu ekhale vamoha ni Miyo weiwo kiraakawo, ni weera yoone ovuwawaka, ovuwa mwaakivanghaanyu, niwoko mwaakisivela ehinaaye ephattuwelo ya elapo ya vathi.

aRooma 8:32

Yoole ohimuurenle Mwanawe mmoharu, mene omvaherenre Yeesu wa hiyo ootheene, vekhaikhai anaanivahe vamoha ni Yoowo itthu sootheenetho.

1 aKorinto 15:23

Mene mutthu ti mutthu emaaraawe: oopacera Kristu, vahoolowaya, Owo awa, yaawo ari awawe.

1 aKorinto 6:20

Nyuwo moothummwa ni mutteengo. Tivawo, mumvuwihe Muluku ni erutthwaanyu.

2 aKorinto 6:18

Nkikhale Atithinyu, ni nyuwo mmwikhale anamwanaaka alopwana ni athiyana, aneera Apwiya a ikuru sootheene.”

aGalata 5:24

Yaale ari a Kristu Yeesu aathomeya soohaawela ni soowiinlela sa erutthu.

Deuteronomiyo 14:2

Nyuwosa ti muloko wootteeliheriwa Yave Mulukwaanyu. Yave ohoothanlani nyuwosa variyari wa miloko sootheene sa elapo ya vathi weera mukhale mulokwaawe woosiveleyaxa.

Deuteronomiyo 7:6

Nyuwosa ti muloko wootteeliheriwa Yave Mulukwaanyu. Owo ohoothanlani nyuwosa variyari wa miloko sootheene sa elapo ya vathi weera mukhale mulokwaawe wootthuneyaxa.

Titu 2:14

Yeesu Owo iiveleenle wa hiyo weera anivuluxe wa sootakhala sootheene ni atteelihe muloko wa Yoowo mwaneenaawe, muloko mmoha ori ni nthiti opaka miteko sooreera.

1 Pedru 2:9

Wa soothesene, nyuwo muri ekhapira yoothanliwa, osaserdoti* wa emwene, muloko wootteela, muloko ori wa Muluku paahi, weera mulaleiye ikuru sa Yoole owiitthanneni nyuwo okhuma mpiphini mpaka waarawawe wootikhiniheya.