Malekiya 3:16 - Emakhuwa Bible

¹⁶ Vanonto yaale yaamoova Yave yaatthekula mukina ni mukhwaawe, ni Yave annaawiriyanela. Yaalempwa elivuru ntoko eyuupuxero vamaithoniwawe mwaha wa yaawo yaamoova Yave ni anttittimiha Nsinanawe.

Malekiya 3:16 Iomraidhean Croise

Epacerero 22:12

Ndyelo eenre: “Muhimutave mmiravo owo! Muhimpake etthu. Vano koosuwela weera nyuwo munnimoova Muluku, niwoko khamukikhoottihenre mwaninyu mmoharu.”

2 Samuweli 7:1

Vahoolowaya mwene aahiitekiha mpaanimwawe ya emwene ni Yave amwiitthuuwiha wa amwiittanaawe ootheene yaamurukureenre.

1 Mamwene 18:12

Nkisuwenle woowi Munepa wa Yave oneeraaya woorongheni miyo koohiyakani. Miyo karowa omuleela yeeyo Ahabi ni owo aahoophwanyani, onookiiva. Miyo kiri murumeiyaanyu kinnamutthapela Yave okhuma emirawaaka.

1 Mamwene 18:3

Ahabi aamwiitthana Obadiya aari namawehaweha a empa ya emwene. Vano Obadiya aamuroromela Yave ni nthiti.

2 Nyaha 6:7

Atithaka Davide yaatthunaxa vamurimaniwaya oteka Empa ya Muluku, ettittimiherelaka Nsina na Yave, Muluku a oYixrayeli.

Nehemiya 1:11

Ii! Yave, Maaruwaanyu ewiriyaneke nivekelo na murumeiyaanyu ni mavekelo a arumeiyaanyu anoova Nsinananyu. Mweerihe weera murumeiyaanyu ola olelo arandeliwe nnenesene areereliwaka murima wa mwene.” Vano ehuhuweene yeele miyo kaari namarumeela a soowura a mwene.

Exteri 2:23

Iiwexenxeene, waahooneya weera yaari ekhweeli. Arumeiyi ooweeli yaathomeiwa waatthukelelaniwa kuleele. Sootheene seiye saalempwa mulivuruni sa nyaha vamaithoni wa mwene.

Exteri 6:1

Ohiyu ole mwene khasaamurwa ikhove, tivawo aalamulenlaawe oruuheliwa elivuru ya nyaha sa olamulawawe weera asomeliwe.

Yobi 28:28

Vano aamweerela mutthu: “Miruku ti omoova Yave, ni osemba yoonanara ti okhalano wiiwexexa.”

Icipo 10:4

Ngwiixoonanimwawe mutakhali khammwaasa Yave; mwa soowuupuwelasawe sootheene khanimpwattha Muluku.

Icipo 104:33

Kinimwiipela Yave mahuku ootheene a okumaaka; kinoomuttottopela Mulukwaaka mookuminimwaka wootheene.

Icipo 111:10

Omoova Yave ti epacerero ya miruku; ootheene antthara ikanosawe ari a wiiwexexa nnenesene. Wa Yoowo okhale ottottopela woohimala.

Icipo 115:13

Owo onimwaareeliha yaale ammoova Yave – okhuma asikhaani mpaka asitokweene.

Icipo 119:63

Miyo nthamwene a ootheene angwoovani; ootheene antthara ikanosanyu.

Icipo 139:4

Maswaaka ehinaaye ophiya vanlumini, Nyuwo Yave, munnasuwela nnenesene.

Icipo 147:11

Yave onaahakalalela yaale ammoova; yaale anroromela osivelawawe woohimala.

Icipo 16:3

Mwaha wa atthu ootteela ankhala mweelaponi – ti yaale ari oovuwihiweene, mwa yaawo Miyo kinnaahakalalela.

Icipo 20:7

Akina anroromela ikaaro sa ikavalu* ni akinatho mwa ikavalu*, vaheera hiyo ninroromela mwa Nsina na Yave Mulukwaahu.

Icipo 33:18

Vaheera maitho a Yave angwoona yaale ammoova; yaale anroromela mwa osivelawawe woohimala.

Icipo 34:15

Yave ongwoona yaale ari oororomeleya ni Owo onimwiiwa okhuwelawaya.

Icipo 56:8

Muupuwelele olalamikawaka; mulepe maithoraaka mpaphelonimwanyu – vekhaikhai alempwale mulivurunimwanyu.

Icipo 56:9

Miyo kaamvekelaka ekhavihero Muluku, amwiittanaaka anoohokolowa. Hiiho kinoosuwela weera Muluku ori ni miyo.

Icipo 66:16

Ngweeke ni mwiiwe, ootheene nyuwo mummoova Muluku; mukihiye koothalihereni yeeyo okipakenlaawe.

Icipo 94:19

Kaasareyaaka makacamiho, opepesawanyu wannahakalaliha okumaaka.

Okhuma 32:32

Vanonto, dyoontte, mulevelele yootthekaaya. Mwaahilevelela, mucipihe nsinanaka mulempaanyu mulivurinimwanyu.”

Masu a Miruku 13:20

Yoowo oneetta ni asuweli ompwaherera okhala musuweli, vaheera mukhwaaya alolo ommalela moonanarani.

Yesaya 26:3

Nyuwo Yave munoomuthokorora ni mmuretteleni wookwanela yoole olakelanxe niwoko onoororomelani Nyuwo.

Yesaya 26:8

Neettaka mphironi mwa ikanosanyu hiyo nnoowehererani Nyuwo, Yave. Nsinananyu ni epilaanyu ti ohaawela wa mirimasahu.

Yesaya 4:3

Yaale eneera ehale oSiyoni, enakhala oYerusaleemu animwiitthaniwa ootteela: ootheene alepeliwe weera emake oYerusaleemu.

Yesaya 50:10

Taani a nyuwo ommoova Yave ni oniiwelela masu a murumeiyaawe? Yoole oneetta mpiphini ahikhalanaka waara aroromeleke mwa Nsina na Yave ni mwa Mulukwaawe.

Yesaya 65:6

Moone, ti yoolempwa vamaithoniwaka: nkirwa kimaala, mene kinimoohokoloxerani ikuhu sookwanela ni soomalela niwoko na

Yeremiya 31:18

Koomwiiwa nnenesene Efrayimi iikhupanyeraka: ‘Nyuwo mookilaka ntoko mwaaxaana a emombe oohihuweya, ni koolakiwa. Mukihokoloxe, ni kinoohokolowa, niwoko Nyuwo ti Yave, Mulukwaaka.

Yeremiya 8:6

Kohoonexexa nnenesene, mene awosa khaanghima ya ekhaikhai. Khawoworu onrukunxa murimaawe eeraka: “Kipankeni?” Khula mutthu a yaawo ontthara ephirowaawe muneenaawe ntoko ekavalu* eniivonyeraxa mukhottoni.

Ezekiyeli 9:4

anamweerela: “Mviravire musidade ya oYerusaleemu ni mwawiikaathere vayuuci eneneero yaale anlalamika, yiipulelaka niwoko na miteko soohiira simpakiwa mwemmo.”

Daniyeli 12:1

“Mweehuhuni yeeyo Mikayeli, Namwaakiha a mulokwaanyu onoovenya. Enookhala ehuhu ya othanana moota ohitonke wooniwa okhuma epacerero ya miloko mpaka ehuhuweene yeeyo. Vaheera ehuhu eyo mulokwaanyu – ootheene masinaaya alempwale mulivuruni – onoovuluxiwa.

Daniyeli 7:10

Mooloko wa mooro waakhuma ohoolowawe. Atthu ancipalexa yaamurumeela; atthu oohaalikeleya yaaheemela ohoolowawe. Nipuro nuulummwa milattu naapacera nthorihelo ni ilivuru saahuliwa.

Malekiya 3:5

“Miyo kinimoorwa wa nyuwosa ntoko Mphuki. Woohipisa, kinookhalela onamoona mwaha wa akhwiri, anamararuwa, anlipela vasiiyoniwene ni wa yaale angwiiyera anamiteko ngwaalivani, anaahasula akwaasuni ni asinaamukhweli, ehooniheraka soophwanela wa anamarwa, ni ahinkittittimiha Miyo,” oneera Yave a ikuru sootheene.

Malekiya 4:2

Vaheera wa nyuwosa munttittimiha Nsinanaka, nsuwa na ekhaikhai nnookhuma niruuhaka olama ngwaaranimwaya. Hiiho, nyuwosa munookhuma mutupheke ntoko aximombe oohuleliwa munikhoolani.

Luuka 2:38

Aphiyaka iwe ehuhu emoharu yeeyo, aamutthapela Muluku ni anuuluma mwaha wa Mwaana wa ootheene yaaweherera ovuluxiwa wa Yerusaleemu.

Miteko 1:13

Ephiyakaru, yaawela empa ya osulu mwemmwe yaakhovelelaaya okhalamo. Aakhalawo Pedru, Yohaane, Yakobe, Andreiya, Filipe, Tomaxi, Bartolomeyo ni Matheyo, Yakobe, mwaana a Alfeyu, Simeyoni nanthiti ni Yudasi, mwaana a Yakobe.

Miteko 10:2

Owo ni amusaawe ootheene yaari a murima wa omuluku ni yannamoova Muluku. Owo annavaha soovaha sincipale wa muloko wa atthu, ni annavekela wa Muluku.

Miteko 2:1

Niphiyaka nihuku na Pentekoste*, ootheene yaathukumana vanipuroni nimoha.

Miteko 9:31

Ekerexa yaakhalano ehuhu ekina ya murettele oYudeiya, oGalileiya ni oSamariya wootheene. Eyo yaamwiipuhiha ni, elipihiweene ni Munepa Wootteela, yaandyeerereya atthu oororomela, yeettaka mowoovani Apwiya.

awEfeso 5:19

muulumaka variyariwanyu ni masalmu ni icipo soohiyanahiyana sa Munepa, mwiipaka ni mwaattottopelaka Apwiya,

1 aTesalonika 5:11

Tivawo, mulipihe mirimasanyu ni mupuhihaneke mukina ni mukhwaawe, ntoko mwa yeeyo nyuwo mumpakaanyu.

1 aTesalonika 5:14

Ninoodyoonttelelani nyuwo, axunna: ngwooperere atthu ooreesi; mwaalipihere yaawo oohilipa; mwaakhavihere ookhulumuwa; mwaavilele ootheene.

aHeberi 10:24

Nuupuwele moota heeni nneerahu nilipihane mukina ni mukhwaawe wa osivela ni miteko sooreera.

aHeberi 12:15

Mwiipasoope weera ahikhale mukina, anaasuse wa mahala a Muluku ni weera naari mukwankhwaari mmoha woowaawa ohiphuwe, oruuhaka sookacamiha waananarihaka ancipale.

aHeberi 3:13

Ohiyanawaya, mulipihaneke mirima mahuku ootheene mukina ni mukhwaawe, nireene nlelo nihuku nniitthaniwa “olelo,” weera hata mmoha a nyuwo ahuumihiwe murima ni olokottha wa yoottheka.

Ethupululo 15:4

Taani aneera ahiwooveni, Apwiya, ni aneera ahivuwihe Nsinananyu? Vano, Nyuwo paahi ti ootteela. Ilapo sootheene nsirwe ni nsilape ohoolowanyu, niwoko mitekosanyu sa ekhaikhai sohooniheriwa.”

Ethupululo 20:12

Kaawoonatho akhwiiye – asitokweene ni asikhaani – yeemenleene ohoolo wa ehice, ni ilivuru saahuleya. Elivuru ekina yaahuleya, elivuru ya okumi. Akhwiiye yaathorihiwa mwaha wa mitekosaya, ntoko saalempwale mulivuruni.