Malekiya 2:8 - Emakhuwa Bible

⁸ Vaheera nyuwosa moohapuwa mphironi. Ni oxuttihawanyu mootannyera omora wa atthu ancipale; nyuwosa moonanariha wiiraana wa Leevi,” oneera Yave a ikuru sootheene.

Malekiya 2:8 Iomraidhean Croise

2 Mamwene 16:11

Vano musaserdoti* Uriya aahaateka altaari* attharihaka ecaambulo mwene Ahazi aamurumihenlaawe oDamasku, anamaliha mwene ahinaaye ohokolowa.

Nehemiya 13:29

Ii! Mulukwaaka, muhaattiwalase, niwoko aananariha muteko wa esaseredoti ni wiiraana wa esaserdoti ni wa aLeevi.

Icipo 119:102

Nkinghuluwa mmalamulonimwanyu, niwoko ti Nyuwo munkixuttiha.

Icipo 18:21

Miyo koheettela ephiro ya Yave; nkitapannye kimuhiyaka Mulukwaaka.

Masu a Miruku 12:8

Mutthu onttittimihiwa ottharihiwaka mmirukunimwawe, vaheera yoowo ori a murima woonanara onoonyoosiwa.

Yesaya 30:11

Muhiye ephiro eyo; musembe musewe owo; mmaaleke onoopopiha ni Ootteela a oYixrayeli.”

Yesaya 59:13

Noomurukunuwela ni noomulokottha Yave; noomuhiya omutthara Mulukwaahu, wuulumawahu ti wa nihasu ni ovaanya ni noolokolola soowootha mirimasahu siyanraaya.

Yesaya 9:16

Yaale anghooleliwa a muloko owo annalokottha yoowo ni yaale anghooleeliwa anoothweelelihiwa.

Yeremiya 17:13

Ii! Yave, Oweherera wa oYixrayeli – ootheene anoohiyani Nyuwo anoohaawa wuulihiheya muru. Yaale anoohuluwani, vano masinaaya anoolempwa muntthupini, niwoko na omuhiya Yave, Naattuuttu a maahi a okumi.

Yeremiya 17:5

Yave oneera ha: “Oolaphiwa ti yoole onimuroromela mutthu, uupuwelaka weera omutthu ti ikurusawe, mene murimaawe omurakamenleene Yave.

Yeremiya 18:15

Wa soothesene mulokwaaka wookittiwala; awosa anghisera erubani* miluku soohimuteko, mwa seiyo sinaakwattuliha mphironimwaya ni mphironi sa khalayi. Iyo sohaatannyera weetta moothweelelani mmiseweni soothipakaseya.

Yeremiya 2:8

Asaserdoti* khayaamukoherera Yave; anamataphulela a nlamulo khayaakisuwela, ni ahooleli a muloko yaakivaanya. Maprofeti yaathalihera otthuna wa Muluku mwa nsina na Bahali*, ettharaka miluku soohimuteko.

Ezekiyeli 22:26

Asaserdotaanyu ampuhera Nlamulonaka ni anghiiriha itthusaka sootteela; Awosa khaanthanla eriyari ya yootteeliheriwa ni piswa; anxuttiha weera khoovirikanneru eriyari ya yootteela ni yoohitteela; khaampwatthelaru ottittimihera iSaabadusaka, moota wooweera Miyo kimveruliwa eriyaraaya.

Ezekiyeli 44:10

aLeevi yiirakamelihanxe ni Miyo, aYixrayeli yaahapungwaaya exoraxorelaka ottaiwaka weera elape milukusaya, sinimwaahaawiha sootakhalasaya.

Ezekiyeli 44:12

Vaheera, yeenre erumeela vamaithoni wa milukusaya, ni emoroxela mootthekani muloko wa oYixrayeli, koolipela kitheteiyeene ntata weera awosa sinimwaahaawiha sootakhalasaya, onghima Yave onlamula sootheene.

Ezekiyeli 44:7

Ohiya soopakasanyu sikina sootheene soohiira, nyuwosa moohaaruuha vaNipuronivaka Nootteela* anamarwa oohiineliwa mmurimani ni mweerutthuni, muhiirihaka Empaaka wookipakela sooveleela sa yooca, makhura ni ephome. Vano, nyuwosa moonanariha wiiraanawaka.

Hoxeya 4:6

Mulokwaaka woophwatiwa niwoko na ohikisuwela Miyo. Mweenre mukhoottaka esuwelo, Miyotho kinimookhoottani okhala asaserdotaaka; mweenre mukhoottaka Nlamulo na Mulukwaanyu, Miyotho nkaapwattha anamwaniinyu.

Levitiku 21:15

weera ahiveihe ekhapiraawe eriyari ya mulokwaawe. Miyo ti Yave kinimutteeliha.

Zefaniya 3:4

Maprofeetaaya ti oohikhalano miruku, ti asilopwana oovariha. Asaserdotaaya anghiiriha Nipuro Nootteela*, epuheraka Nlamulo.

Malekiya 1:6

“Mwaana onaattittimiha atithawe, ni murumeiyi onimuttittimiha pwiiyaawe. Miyo kaareene Tiithi, okittittimihawanyu ori woowi? Miyo kaareene Pwiiya, okoovawanyu ori woowi? Onookohani ti Yave, a ikuru sootheene. Ti nyuwo asaserdoti* munnyoosa Nsinanaka! Vaheera nyuwosa munkoha: ‘Ninyoosale moota heeni Nsinananyu?’

Malekiya 2:5

“Omwiiraananawaka yoowo waari wa okumi ni murettele, ni vekhaikhai kaamvahenre weera akoove. Owo ookoova, anathukumela ohoolo wa Nsinanaka.

Nuumeru 25:12

Munleele weera vano kimpaka wiiraanawaka wa murettele ni yoowo.

Nuumeru 25:13

Okhuma vanaano vaava owo mpaka ikhapirasawe onookhala wiiraana wa osaserdoti* woohimala, niwoko owo oomukhalela nthiti Mulukwaawe aarehererelaka aYixrayeli wiiwanana ni Muluku.

aRooma 14:21

Fataari ohikhuura enama, naari ohiwura eviinyu, hata opaka yakhalaru etthu enimukwattuliha munninyu.

aHeberi 3:12

Mwiipasoope, axunna, weera hata mmoha a nyuwo ahikhalane murima woonanara ni woohiroromela onsusa wa Muluku mukumi.

1 Samuweli 2:17

Yoottheka ele ya amiravo yaari yootepaxa vamaithoni wa Yave, niwoko awosa khayaahelela yooveleeleliwa Yave.

1 Samuweli 2:24

Hoye anamwanaaka, kheereenre yeeyo kiniiwaaka emwareelaka variyari wa muloko wa Yave.

1 Samuweli 2:30

Tivawo Yave Muluku a aYixrayeli ohimmaawe: ‘Kaaroromeliha weera emusaanyu ni emusi ya atithinyu yaamukirumeela wa mahuku ootheene vamaithoniwaka.’ Vaheera vano Yave onghima: ‘Hata vakhaani! Kinimwaattittimiha yaale ankittittimiha ni yaale ahinkihelela Miyo nkaahelela.