Malekiya 2:7 - Emakhuwa Bible

⁷ Niwoko iyano sa musaserdoti* sithokororeke esuwelo, ni mmwaanomwawe, ootheene yaaseke oxuttihiwa nlamulo, niwoko owo ti namutthenga a Yave, a ikuru sootheene.

Malekiya 2:7 Iomraidhean Croise

2 Mamwene 16:11

Vano musaserdoti* Uriya aahaateka altaari* attharihaka ecaambulo mwene Ahazi aamurumihenlaawe oDamasku, anamaliha mwene ahinaaye ohokolowa.

2 Mamwene 16:16

Vano musaserdoti* Uriya aapaka yeeyo mwene Ahaziya aamulamulenlaawe.

2 Nyaha 30:22

Hezekiya aahaavaha masu ooreeraxa aLeevi ootheene yoonihenre wiiwexexa wooreera wa moota woomurumeela Yave. Mmahukuni mathannameeli awosa yaahooca sa sooveleela, enapaka sooveleelela murettele, enamutthapela Yave, Muluku a makholowaaya.

2 Nyaha 31:4

Owo aalamulela muloko wa oYerusaleemu weera waavahe asaserdoti* ni aLeevi yeeyo yaari yawaya, weera ewere wiitteelihera Nlamulo na Yave.

Ezera 7:10

Vano Ezera aalakela okhalela nthiti osoma Nlamulo na Yave ni weettela aaxutihaka aYixrayeli ikanosaya ni soolamulasaya.

Ezera 7:25

Vano nyuwo, Ezera, ni miruku oovanghaaweni Mulukwaanyu, mwaakhalihe anamalamula ni aphuki weera ekwanihere ekhaikhai wa atthu ootheene a ilapo sa okhopela mooloko Efratesi – ootheene ansuwela malamulo a Mulukwaanyu. Ni mwaaxuttihe yaale ahisuwenle malamulo ale.

Masu a Miruku 5:2

Hiiho weyo onookhalano muupuwelo wooreera, ni iyanosawo sinoothokorora esuwelo.

Namalaleiya 5:5

Fataari ohiroromeliha ni nlipelo ohikhanle ororomeliha woohikwanihera.

Yesaya 42:19

Oohoona taani ahikhanle murumeiyaaka ni oohiiwa ntoko namutthenga kimurumihalaaka? Oohoona taani ntoko yoole kitteeliheriwaaka, oohoona ntoko murumeiyi a Yave?

Yesaya 44:26

Ti miyo kinkwanihera masu a murumeiyaaka ni otthoma wa anamitthengaaka; ti Miyo kinghima sa oYerusaleemu: ‘Onoomakiwatho,’ ni sa mittetthe sa oYuda: ‘Sinootekiwa’ ni sa mathalaaya: ‘Kinoorasela.’

Yeremiya 15:19

Tivawo Yave oneeraawe ha: “Mwarukunxa murimaanyu, Miyo kinimoorehererani moota wooweera mukirumeeletho. Nyuwo mwahima masu a ekhaikhai, ehikhalaka oohiphwanela, munookhala namutthengaaka. Muloko ola ohokoleeleke wa nyuwo, mene nyuwo muhirowe wa yoowo.

Yeremiya 18:18

Awosa yaaheera: “Nrowe, nimvaanelele Yeremiya; niwoko khanimala nihusiho na Nlamulo na musaserdoti*, hata olaka wa namiruku, naari masu a maprofeeti. Vano, nrowe namoothere weera nihiiwe onghimaawe.”

Yeremiya 2:8

Asaserdoti* khayaamukoherera Yave; anamataphulela a nlamulo khayaakisuwela, ni ahooleli a muloko yaakivaanya. Maprofeti yaathalihera otthuna wa Muluku mwa nsina na Bahali*, ettharaka miluku soohimuteko.

Ezekiyeli 22:26

Asaserdotaanyu ampuhera Nlamulonaka ni anghiiriha itthusaka sootteela; Awosa khaanthanla eriyari ya yootteeliheriwa ni piswa; anxuttiha weera khoovirikanneru eriyari ya yootteela ni yoohitteela; khaampwatthelaru ottittimihera iSaabadusaka, moota wooweera Miyo kimveruliwa eriyaraaya.

Ezekiyeli 7:26

Eviraleene erisa, enimoorwa erisa ekinatho, ni oviraleene woopiha, onimoorwa woopiha okinatho. Eniyeerere waasaasa moonelo wa mpatta wa mprofeeti, ni nihusiho na nlamulo mwa asaserdoti* nnooriheya, mpakatho olaka wa asitokweene.

Daniyeli 11:33

Yaale arino miruku animwaaxuttiiha ancipale, mene wa ehuhu ekinaawosa animwiiviwa ni ekatana, anoohisiwa, anoovariwa ni anoohuhuliwa.

Hoxeya 4:6

Mulokwaaka woophwatiwa niwoko na ohikisuwela Miyo. Mweenre mukhoottaka esuwelo, Miyotho kinimookhoottani okhala asaserdotaaka; mweenre mukhoottaka Nlamulo na Mulukwaanyu, Miyotho nkaapwattha anamwaniinyu.

Levitiku 10:11

ni mwaaxuttihe aYixrayeli ikano sootheene Yave aavanghaawe mwa Moisesi.”

Zefaniya 3:4

Maprofeetaaya ti oohikhalano miruku, ti asilopwana oovariha. Asaserdotaaya anghiiriha Nipuro Nootteela*, epuheraka Nlamulo.

Axewu 1:13

Vano Axewu, namutthenga a Yave, aaronghela muloko mutthenga wa Yave ola: “Miyo kiri ni nyuwosa,” onghima Yave.

Zakariya 7:3

yaavekelaka asaserdoti* a Empa ya Yave a ikuru sootheene ni maprofeeti: “Nilalamikeke ni nitthukeke mmweerini wanaathanu ntoko nimpakaahu iyaakha sootheene?”

Malekiya 3:1

“Moone, Miyo kinoomurumiha namutthengaaka, anaareherere ephiro ohoolowaka. Hiiho, woowaakuveya Yave mummwaasaanyu onoorowa Mpaanimwawe; namutthenga a wiiraana, mwa yoowo nyuwosa munimuhaawelaanyu onimoorwa,” oneera Yave a ikuru sootheene.

Nuumeru 27:21

Owo iixoonihereke wa musaserdoti* Eleyazari, anaakoherere soolakela sa Urimi* amweerelaka Yoxuwa, ohoolo wa Yave. Ti moota ola Yoxuwa ni muloko wootheene wa aYixrayeli oneeraaya weettele mpaka ohoolo.

Yohaane 13:20

Miyo kinoororomelihani: yoowo ommwaakhela yoole Miyo kinimurumihaaka, anaakaakhele Miyo, ni yoowo onkaakhela Miyo, ongwaakhela Yaawo akiruminghe.

Yohaane 20:21

Yeesu aaweerela veeli: “Murettele okhale ni nyuwo. Ntoko Atiithi akirumihale, hiihotho Miyo kinimoorumihani.”

Miteko 16:17

Muthiyana owo annamutthara Pawulo ni hiyo, akhuwelaka: “Asilopwana ala ti arumeiyi a Muluku musulusulu ni anoolaleerani ephiro yoovuluxa.”

2 aKorinto 5:20

Tivawo nri anamitthenga a Kristu, ntoko waari weera Muluku onuuluma ni eyanowaahu. Niwoko na Kristu ninoodyoonttelelani nyuwo: mwiiraaneke ni Muluku.

aGalata 4:14

Waarookhalaru weera erettaaka mwaaheerereliwa nyuwo, nyuwo khamwaakithannye, hata khaamwaakikhoontte. Ohiyanawaya, mwaakaakhela ntoko miyo kaari ndyelo a Muluku, ntoko Kristu Yeesu muneenaawe.

Deuteronomiyo 21:5

Hiiho asaserdoti* a ekhapira ya Leevi, yaphiyeke, niwoko Yave Mulukwaanyu aathanlenle ohoolela ni ovaha mareeliho mwa Nsina na Yave ni oreherera milattu sootheene sa ivilamuhano ni mapuhero.

Deuteronomiyo 24:8

Mwaha wa iretta sa makokho, mwiipasoope weera mpake nnenesene yeeyo asaserdoti* ari aLeevi eneeraaya yoolamuleleni. Mwiiwelele nnenesene yeeyo kaalamulenlaaka.

1 aTesalonika 4:8

Tivawo yoowo onkhootta itthusene seiya khanimukhootta mutthu, mene Muluku onoovahani Munepaawe Wootteela.

1 Samuweli 2:17

Yoottheka ele ya amiravo yaari yootepaxa vamaithoni wa Yave, niwoko awosa khayaahelela yooveleeleliwa Yave.