Malekiya 2:6 - Emakhuwa Bible

⁶ Soolaka sa ekhaikhai saari mmwaanomwawe, ni mmo khayaaphwanyaneyaru yoowootha. Owo aaheetta ni Miyo mmuretteleni ni wookoleleya, anaahapuxa ancipale mwa soottheka.

Malekiya 2:6 Iomraidhean Croise

Epacerero 17:1

Abraamu arinweene iyaakha miloko mithannamixexe niithanniixexe, Yave aahiixoonihera wa yoowo, anamweerela: “Miyo ti Muluku a ikuru sootheene, mweette vamoha ni Miyo ni mukhaleke ookwaneleene.

Epacerero 6:9

Ola ori mwaha wa Nowe: Nowe aari mulopwana mmoha oororomeleya ni oohikhalano milattu variyari wa muloko wa ehuhuwaawe. Vano owo anneetta vamoha ni Muluku.

Icipo 119:142

Ororomeleyawanyu ti woohimala ni Nlamulonanyu ti na ekhaikhai.

Icipo 119:151

Wa soothesene, Nyuwo, Yave, muri vakhiviru; malamulowaanyu ootheene ari a ekhaikhai.

Icipo 37:30

Eyano ya mulopwana oororomeleya enghima sa miruku, nluminawe nnuuluma ekhaikhai.

Icipo 37:37

Mwaawehe atthu ookwanela; ngwoone atthu a ekhaikhai; mulopwana a murettele ookhalano ya muhoolo.

Masu a Miruku 5:2

Hiiho weyo onookhalano muupuwelo wooreera, ni iyanosawo sinoothokorora esuwelo.

Yeremiya 23:22

Vaheera awosa yaarwiiye omuthukumanoniwaka, yaamulaleera maswaaka mulokwaaka ni yaampakiha weera orukunxe murima mmweettelonimwaya ni soopakasaya soonanara.

Daniyeli 12:3

Yaawosa ari a miruku animwaara ntoko waaraxa wa wiirimu ni yaawo angweettiha ancipale weera yaakhuleliwe ni Muluku, anooceremela ntoko ithenyeeri wa mahuku ootheene.

Hoxeya 4:6

Mulokwaaka woophwatiwa niwoko na ohikisuwela Miyo. Mweenre mukhoottaka esuwelo, Miyotho kinimookhoottani okhala asaserdotaaka; mweenre mukhoottaka Nlamulo na Mulukwaanyu, Miyotho nkaapwattha anamwaniinyu.

Matheyo 22:16

Yaamurumihela oohuseraaya vamoha ni atthu a Herodi yaamweerenle: “Muhusiha, noosuwela weera Nyuwo muri oororomeleya nitho weera munghusiha ephiro ya Muluku moota wa ekhaikhai. Khamumviriyeliwa ni akina, hata khamunimuthanla mutthu.

Marku 12:14

Awo yaamwaattamela Yoowo ni yaamweerela: “Muhusiha, noosuwela weera muri Oororomeleya ni khamumviriyeliwa ni akina niwoko khamunthalu, mene munxuttiha ephiro ya Muluku mweekhaikhaiyini. Ontthuneya oliva musoko wa Seesari, naari hoye? Niliveke, hoye hoye naari?”

Luuka 1:6

Ooweeli yaari oororomeleya vamaithoni wa Muluku, yiiwelelaka nnenesene malamulo ootheene ni soolamulela sootheene sa Apwiya.

Luuka 20:21

Hiiho anamahottela yaamukoha: “Muhusiha, noosuwela weera Nyuwo munuuluma ni munxuttiha yeeyo eri ya nnene, khamunthalu, mene munnaxuttiha ephiro ya Muluku ntoko eraaya ekhaikhai.

Miteko 26:18

weera mwahule maithwaaya ni mwaatatuxe wa epiphi, waara. Aani, kinimoorumihani wa yaawo weera mwaavuluxe wa ikuru sa Satana ni weera emutthare Muluku, ni hiiho yaakhele elevelelo ya sootthekasaya ni nipuro vamoha ni yaawo atteelihiwe niwoko na nroromelo mwa Miyo.’

Deuteronomiyo 33:10

Owo onimuxuttiha ikanosanyu Yakobe ni Nlamulonanyu wa aYixrayeli. Owo onoohiserani erubani* ohoolowanyu apakaka sooveleela soohisa sookwanela valtaarininiwanyu.

Deuteronomiyo 33:8

Wa Leevi aaheera: “Ii! Yave! Tumimi ni Urimaanyu* mohaavaha arumeiyaanyu oosiveleya ari aLeevi. Mwaamoota murima oMasa; mwaanyakulihanano mmaahini a oMeriba.

Deuteronomiyo 33:9

Leevi aaweerela atithawe ni amayawe: “Awosa nkingwoonelamo.” Khaapwantthe axunneiye hata anamwanaawe aathokorora maswaanyu ni wiiraanawanyu.

Ethupululo 14:5

Hata yoowootha emoha khayaaphwanyiwe mmwaanomwaya – ari oohikhalano nthowa.

1 Samuweli 2:12

Vano anamwane asilopwana a Eli yaari oohuureya; awosa khayaampwatthela Yave.