Malekiya 2:2 - Emakhuwa Bible

² Nyuwosa mwaahiiwelela, muhipwatthelaka Nsinanaka,” oneera Yave a ikuru sootheene, “kinimoolaphasani, mpakatho kinoolapha mareelihowaanyu. Aani koolapha, niwoko nyuwosa khamukittittiminghe ni murimaanyu.

Malekiya 2:2 Iomraidhean Croise

Icipo 69:22

Meesa yaareherenraaya yaathatuwele muraakho, ikukuttula ni ntapha.

Masu a Miruku 3:33

Nlapho na Yave nri mpaani mwa atakhali, vaheera owo onreeliha etthoko ya oororomeleya.

Yesaya 42:25

Tivawo aayeehenraawe oYixrayeli onyoonyiwawawe, eyo tiiyo nipuhero na ekhotto. Eyo yaarica ni malumi a mooro, hata hiiho khooxuttenre; eyo yaahisa, mene khawaapwatthenle.

Yesaya 47:7

Mweenre: ‘Kinoopwaherera wa mahuku ootheene ntoko pwiyamwene oohimala!’ Mene nyuwo khamwaatthokelenle hata khamuupuwenle seera seereye.

Yesaya 57:11

Yaawoopopihani ni yoothukumelihani taani weera nyuwo mukilokotthe, muhikuupuwelelaka hata muhitthokelelaka yeeyo mmurimanimwanyu? Weeraka mwahaakoovela niwoko kiroomaalaxa?

Yeremiya 34:17

Vanonto, Yave oneera ha: Nyuwosa khamukiiwelenle; khamulaleiye otapuxa wa mukhwiinyu ni wa mwaattamanaanyu. Tivawo, Miyo kinlaleiyaaka otapuxeyawanyu, onghima Yave, aani, moota wa otapuxeya oneera owiiveeni mwa ekatana, mwa nihooxo ni mwa etala. Kinoopakiha weera nyuwosa mukhale etthu yoowoopiha wa omwene wootheene wa mulaponi.

Ezekiyeli 3:7

Vaheera muloko wa aYixrayeli khoontthuna owiiwani niwoko owo khoontthuna okiiwa. Vano muloko wootheene wohuumiha murima ni woottiyamaaru.

Axewu 1:6

Nyuwosa munnaphatteyaxa, vaheera munghepha vakhaani. Nyuwosa munnaca, mene khamumvona. Munnawura, mene khamunkwaneya. Munnawara, mene khamumviherana. Munnaakhela nlivonanyu, munahela munrupani woothorowa.”

Axewu 1:9

“Nyuwosa mwaaweherera yincipale, mene erwiiye vakhaani. Vano yeeyo nyuwosa muruuhalaanyu owaani Miyo kiphwante ni iphumu. Kipakenleni hiiho?” onkoha Yave a ikuru sootheene. “Niwoko Empaaka eheleiyeene nthala, khula mutthu a nyuwo ompwatthela paahi mpaanimwawe.

Malekiya 2:1

“Vano, woopereriwa wu ti wawinyu, nyuwo asaserdoti*.

Malekiya 3:9

Nyuwosa moosareya malapho, niwoko muloko wootheene nyuwosa munnakiiyera.

Luuka 17:18

Khaawo mukina aahokolongwe ni aamutthapenle Muluku, ahikhanle namarwa ola?”

Yoxuwa 7:19

Vano Yoxuwa aamweerela Akani: “Mwanaka, mumvuwihe Yave, Muluku a aYixrayeli ni munttottopeleke. Mukileele yeeyo mpankaanyu. Muhikikhuwe.”

1 Pedru 4:11

Akhala mukina onuuluma, uulume ntoko mutthu onuuluma masu a Muluku. Akhala mukina onrumeela, arumeele ni ikuru Muluku omvahaawe, moota wooweera mwa itthu sootheene Muluku avuwihiwe mwaha wa Yeesu Kristu. Wa Yoowo okhale ovuwa ni ikuru mahuku ootheene. Ame*.

Ethupululo 14:7

Owo aaheera ni nsu ntokotoko: “Mmoove Muluku ni mumvuwihe, niwoko yoophiya ehuhu ya othorihawawe. Munlape Yoole opanke erimu, etthaya, ephareiya ni anaattuuttu a maahi.”

Ethupululo 16:9

Awo yaahisiwa ni oviha otokotoko ni yaalapha Nsina na Muluku orino ikuru sa soohooxa iya. Wa soothesene, yaakhootta orukunxa murimaaya, naari omvuwiha Muluku.