Malekiya 2:10 - Emakhuwa Bible

¹⁰ Vano, ootheene hiyo tiithaahu khahiyono mmoharu? Khanipattuxiwe ni Muluku mmoharu? Vanonto heeni ninnanarihaahu wiiraana wa makholowaahu nihiroromelanaka?

Malekiya 2:10 Iomraidhean Croise

Nehemiya 13:29

Ii! Mulukwaaka, muhaattiwalase, niwoko aananariha muteko wa esaseredoti ni wiiraana wa esaserdoti ni wa aLeevi.

Yobi 31:15

Yoowo okipattunxe miyo, ohaapattuxatho yaawosa: Muluku mmoharu ti onipattunxe hiyo mmirimani mwa asimayihu.

Icipo 100:3

Musuwele weera Yave ti Mulukwaahu. Owo aanipattuxa ni hiyo nri a Yoowo. Nri mulokwaawe ni muhuwo wa nipuronaya na oca.

Okhuma 19:4

“Nyuwo mohoona yeeyo kaapakenlaaka awExipitu ni moota kookuxalaakani mmapuphani mwa xaaka ni kooruuhalaakani wa Miyo.

Okhuma 19:5

Vano mwakiiwelela oororomeleyeene ni mwathokorora wiiraanyihawaka, munookhala atthu ootthuneyaaka variyari wa miloko sootheene. Erookhalaru elapo yootheene yawaka,

Okhuma 24:3

Moisesi aarowa wa muloko, anathalihera masu ni ikano sootheene sa Yave ni awosa yaamwaakhula moota mmoha: “Nnoopaka sootheene Yave olamulenlaawe.”

Okhuma 24:7

Vahoolowaya aasomela muloko Elivuru ya Wiiraana. Awo yaamwaakhula: “Nnoopaka moororomeleyani sootheene Yave olamulenlaawe.”

Yesaya 43:1

Vano Yave mwa Yoowo oopattunxeni nyuwo Yakobe ni oopankeni nyuwo Yixrayeli, oneera ha: “Muhoove, niwoko koowoopolani; koowiitthanani ni nsinananyu; nyuwo ti awaka.

Yesaya 43:15

Miyo ti Yave, Ootteelaanyu, Mpattuxa a aYixrayeli, Mwenaanyu.”

Yesaya 43:7

ootheene aniitthaneliwa Nsinanaka, mwa yaawo kaapattuxenraaka ovuwawaka, yaawo kiwoopalaaka, kinaapaka.”

Yesaya 44:2

Yave mwa Yoowo oopattunxeni ni oopankeni mmirimani mwa amayinyu, Yoowo onookhaviherani, oneera ha: Ii! Yakobe, murumeiyaaka, muhoove, Yexuruni kimuthanlalaaka.

Yesaya 51:2

Mungwehe Abrahaamu, atithinyu ni Sara ooyanreni. Miyo kaamwiitthanaaka, aari meekhaawe ni kaamureeliha, kimutatuxaka atthu ancipale.

Yesaya 63:16

Wa soothesene, Nyuwo ti Atithihu. Abrahaamu khanisuwenle ni Yixrayeli khanaanoonne; Nyuwo, Yave, ti Atithihu ni okhuma khalayi muniitthaniwa Mvuluxaahu.

Yesaya 64:7

Khawoworu oniitthana Nsinananyu hata onghaawela woovarexexani Nyuwo. Vano moonihuluwa munihiyaka mooriheyani niwoko na sootthekasahu.

Yesaya 64:8

Wa soothesene, Nyuwo, Yave, ti Atithihu; Hiyo nri oloko, Nyuwo Namoopa; hiyo ootheene nri muteko wa matataanyu.

Yeremiya 31:9

Anoohokolowa yiinlaka, mene Miyo kinooweettiha keerelaka waapepesa. Miyo kinooweettiha kaaronghaka mmanyoolokoni kaavirihaka mphironi moothatawala, niwoko kiri Tiithi a aYixrayeli ni Efrayimi ti mwanaka a ntthaara.

Ezekiyeli 33:24

“Mwaana a mutthu, muloko onkhala mmathalani mmwe a oYixrayeli, oneera: ‘Abrahaamu aari mulopwana mmoha paahi, ni naari hiiho yoowo aakhalano elapo. Vaheera hiyo nri ancipale; vekhaikhai nnimwaakhela elapo ntoko yawihuweene.’

Malekiya 1:6

“Mwaana onaattittimiha atithawe, ni murumeiyi onimuttittimiha pwiiyaawe. Miyo kaareene Tiithi, okittittimihawanyu ori woowi? Miyo kaareene Pwiiya, okoovawanyu ori woowi? Onookohani ti Yave, a ikuru sootheene. Ti nyuwo asaserdoti* munnyoosa Nsinanaka! Vaheera nyuwosa munkoha: ‘Ninyoosale moota heeni Nsinananyu?’

Malekiya 2:11

Yuda kharoromeleiye. oYixrayeli ni oYerusaleemu yoopakiwa etthu yoohiira: aYuda yaaveiha Nipuro Nootteela* onsivelaawe Yave, yaathelaka asithiyana anlapa miluku sa anamarwa.

Malekiya 2:8

Vaheera nyuwosa moohapuwa mphironi. Ni oxuttihawanyu mootannyera omora wa atthu ancipale; nyuwosa moonanariha wiiraana wa Leevi,” oneera Yave a ikuru sootheene.

Matheyo 10:21

Mutthu anaamvaherere munneiye weera iiviwe, ni atiithi mwanaya. Anamwane eniyaapittikuwele asinaangolo ni eniiwiive.

Matheyo 22:16

Yaamurumihela oohuseraaya vamoha ni atthu a Herodi yaamweerenle: “Muhusiha, noosuwela weera Nyuwo muri oororomeleya nitho weera munghusiha ephiro ya Muluku moota wa ekhaikhai. Khamumviriyeliwa ni akina, hata khamunimuthanla mutthu.

Matheyo 3:9

Muhuupuwele weera nyuwo munoowera wiixeerela: ‘Nookhalano Abrahaamu ntoko atiithi.’ Vano miyo kinooleelani weera Muluku ongwera otatuxa maluku ala anamwane a Abrahaamu.

Luuka 1:73

eyo tiiyo olipela yaalipenlaaya atithihu Abrahaamu:

Luuka 3:8

Moonihere soowiima sa orukunxa murima. Muhiixeereleke: ‘Nookhalano Abrahaamu ntoko atithi.’ Vano miyo kinooleelaani weera Muluku onoowera otatuxa maluku ala anamwane a Abrahaamu.

Yohaane 8:39

Awo yaamwaakhula: “Abrahaamu ti atithihu.” Yeesu aaweerela: “Nyuwo mwaari anamwane a Abrahaamu, mwaamupaka miteko Abrahaamu aapakaawe.

Yohaane 8:41

Nyuwo mumpaka miteko sa atithinyu.” Vano awo yaamweerela: “Hiyo khaniyariwe mooraruwani. Atithihu amoharu ti Muluku.”

Yohaane 8:53

Nyuwo mohaapwaha atithihu Abrahaamu? Awo ahookhwa nitho maprofeeti. Nyuwo munuupuwela weera taani?”

Yohaane 8:56

Abrahaamu, atithinyu, yaahakalala niwoko yeera yoone nihukunaka. Awo yaahoona ni yaahakalalaxa.”

Miteko 17:24

Muluku opanke elapo ya vathi ni sootheene siri mwemmo, ti Apwiya a wiirimu ni a elapo ya vathi, ni Owo khammaka impa soopakiwa ni atthu.

Miteko 17:25

Owo khanrumeeliwa ni matata a atthu ntoko ahaawelaka etthu, niwoko Owo muneenaawe omvaha okumi, omumula ni sootheene wa ootheene.

Miteko 17:26

Muluku aampanke mutthu mmoha paahi, ni wa yoowo sookhumelela miloko sootheene sa atthu sinkhala mweelaponi yootheene. Aari Yoowo akhalihale ihuhu ni mapuro miloko saatthuneyaaya omaka.

Miteko 7:2

Mwa yeeyo owo aahaakhula: “Axunna ni asitiithi, mukiiwe: Muluku oovuwaxa aahiixoonihera wa atithihu Abrahaamu awo ereene nlelo oMesopotamiya, ehinaaye omaka oHara, ni aaweerela:

Miteko 7:26

Oxaawaya, Moisesi aarowa wa aYixrayeli eeli yaawana, ni aaheerera owiiraaniha, eeraka: ‘Asilopwana, nyuwo muri axunna. Heeni mumvulalihanaanyu?’

aRooma 4:1

Vanonto, nneere hai sa nikholonahu Abrahaamu? Yaamweereenle eheeni owo?

aRooma 9:10

Ni eyo khayeereiye paahi ni Sara, menetho ni Rebeka, aarino maphapo yaakhalano atithaya amoharu, atithihu Isaaki.

1 aKorinto 8:6

mene wa hiyo ookhala Muluku mmoharu paahi, Atiithi, mwa Yaawo sinkhumelela itthu sootheene, nitho wa Yaawo hiyo nnaakhalelaahu. Aritho Apwiya Yeesu Kristu amoharu paahi, mwa Yaawo saakhumelenle itthu sootheene, ni niwoko na Yaawo hiyo ninkhalaahu.

awEfeso 4:25

Tivawo khula mutthu a nyuwo ahiye wootha ni uulume ekhaikhai wa mukhwaawe, niwoko ootheene nri mipatta sa erutthu emoharu yeeyo.

awEfeso 4:6

Muluku mmoharu paahi ori Atiithi a ootheene, wa ootheene, ni mwa ootheene.

1 aTesalonika 4:6

Mwaha wa yeeyo, ahikhale mukina aneera amutthekele munneiye, naari ampakele yoonanara. Apwiya eniittaruxe miteko sootheene iyo, ntoko nooleenlaahuni nnenesene,

aHeberi 12:9

Ohiya toko yeeyo, naakhalano asitithihu a vathi yaanilaka, ni hiyo nannaattittimiha. Wootepaxa ontthuneya weera hiyo niwiiwelele Atiithi a minepasahu, weera hiiho nikhale ni okumi.

Yoxuwa 24:3

Vaheera Miyo kohaavenxa atithinyu Abrahaamu mweelaponi eri okhopela Efrates kinaweettiha mweelaponi yootheene ya oKanaani ni kaahaavaha ekhapira yincipale. Kaahaavaha Isaki,