Malekiya 1:2 - Emakhuwa Bible

² “Miyo kohoosivelani mahuku ootheene,” oneera Yave. “Vaheera nyuwosa munkoha: ‘Munisivenle moota heeni?’ Khaahiyono Esawu munneiye Yakobe?” onghima Yave. “Wa soothesene, Miyo koomusivela Yakobe,

Malekiya 1:2 Iomraidhean Croise

Epacerero 25:23

Yave aamweerela: “Miloko miili sa atthu siri mmirimanimwanyu. Miloko miili sa atthu sinookhuma murukulunimwanyu. Mmoha wa seiyo onuukhale woolipaxa, mene mutokweene anamurumeele mukhaani.”

Epacerero 25:25

Mwaana aapacenre oyariwa aari ooxeera vancipale ni erutthu yootheene yoosareya mapururu, tivawo yamutthenghaaya Esawu.

Epacerero 25:26

Vahoolowaya aayariwa munneiye ntatanawe nivanreene etthottopwa ya Esawu, mwa yoowo yaamutthenghaaya Yakobe. Vano ehuhu Rebeka aayaraawe, Isaki aarino iyaakha miloko mithannamosa.

Epacerero 27:33

Isaki aatuthuwa vancipale, aneera: “Vano taani yoole aakunxe enama, anakiruuhela? Miyo kookhuura weyo ohinaaye orwa ni koomureeliha. Vano, vekhaikhai owo ti ooreelihiwa.”

Epacerero 48:4

akeerelaka: “Kinimoovahani ekhapira etokotoko ni mwa nyuwo nsikhumelele miloko sincipale. Nkivahe ekhapiraanyu elapo ela ntoko yawaya wa mahuku ootheene.

1 Mamwene 10:9

Yave Mulukwaanyu atthapeliwe, mwa Yoowo osiveliwe ni nyuwo ookhalihakani vahiceni ya emwene wa oYixrayeli. Owo ohookhalihani ntoko mwene weera mukwanihere ekhaikhai ni olamula nnene niwoko na osivelawawe woohimala muloko wa aYixrayeli.”

2 Mamwene 3:8

Yehoxafati aamukoha: “Ninrowa waawanano mpatta heeni?” Yorami aamwaakhula: “Nivireke munikareni na wEdomi.”

Yesaya 43:4

Nyuwo ti ootthuneyaxa ni oottittimiheya vamaithoniwaka, ni keenre koosivelani, kinoowinnyerera asilopwana vanipuroniwanyu ni atthu ntoko yoowaakakhanyihera okumaanyu.

Yesaya 63:1

Taani ole onrweela wEdomi, oBozera, soowarasawe sittikittheliweene yooxeera? Taani ole owanre mukaandyo woovuwaxa, aanulaka malipa mukurunimwawe sitokotoko? “Ti Yoomi kinuuluma mweekhaikhaiyini, oowera ovuluxa.”

Yeremiya 2:31

Nyuwosa a ekhapira ela, muupuwele masu a Yave: Kaatoko okhala nikare wa aYixrayeli? Apaale kaari elapo yoosareya epiphi? Heeni mulokwaaka onkeerelaaya: ‘Hiyo nnimwiiwehaweha! Kaninrwatho wa Nyuwo’?

Yeremiya 2:5

Yave oneera ha: “Yoohiyanyiha heeni makholowaanyu yaaphwannyaaya wa Miyo weera ekihiye, ekirakamelaka Miyo? Awosa yaatthara miluku soohimuteko, yiitatuxaka asineenaaya oohimuteko.

Yeremiya 31:3

Yave aahiixoonihera wa hiyo khalayi, eeraka: “Miyo kohoosivelani ni osivela woohimala; Miyo kohoopurulelasani nyuwo wa Miyo moosivelanimwaka woororomeleya.

Amosi 1:11

Yave oneera ha: “Niwoko na sootakhala sincipale seereiye wEdomi, nkirwa kihiya ottaruxa. Vano owo oomuttharatthara munneiye, ni ohooceeliha ikharari, amunyoonyeraxiwaka ni apwahererihaka isarasawe.

Malekiya 2:17

Nyuwosa moomukhulumula Yave ni maswaanyu. “Nimukhulumunle hai?” munkoha. Niwoko muneera: “Ootheene ampaka yoonanara ti ooreera vamaithoni wa Yave, ni Owo onnaahakalalela,” munakohatho: “Ori woowi Muluku a ekhaikhai?”

Luuka 10:29

Vano owo, atthunaka wiitaphula, aamukoha Yeesu: “Taani mukhwaaka?”

Yohaane 15:12

Nlamulonaka ti nna: musivelane ntoko koosivenlaakani.

Deuteronomiyo 10:15

Yave aahaatthuna makholowaanyu, aasivelaka ni aahoothanlani nyuwo, muri ikhapirasaya, variyari wa miloko sootheene, ntoko onooneyaaya olelo.

Deuteronomiyo 23:5

Wa soothesene, Yave Mulukwaanyu khwaamwaakhulenle Bileyami; nlapho naathatuwa nreelihonanyu niwoko na woosivelaniwawe Yave Mulukwaanyu.

Deuteronomiyo 33:3

Vekhaikhai ti Nyuwo munsivela mulokwaanyu; ootteela ootheene ari mmatatanimwanyu. Ootheenaawo annookokhorelani yiiwaka mahusihowaanyu,

Deuteronomiyo 4:37

Aahookhumihani wExipitu ni owerawawe otokotoko niwoko na waasivelawawe makholowaanyu ni othanlawawe ikhapirasaya.