Malekiya 1:11 - Emakhuwa Bible

¹¹ Vano okhuma ninkhuma nsuwa mpaka ninkelaayawo, eriyari ya miloko, Nsinanaka nnookhala noottittimihiwaxa. Mipatta sootheene erubani* soovaha sootteela sinoohiseriwa Nsinanaka, niwoko Nsinanaka nnookhala noottittimihiwaxa eriyari ya miloko,” oneera Yave a ikuru sootheene.

Malekiya 1:11 Iomraidhean Croise

1 Nyaha 16:25

Vano Yave ti Mutokweene ni oophwanelaxa ovuwihiwa; Owo oovaxiweke opwaha miluku sootheene.

Icipo 111:9

Owo ooruuhela ovuluwa mulokwaawe; Owo ookhaliha wiiraanawawe wa mahuku ootheene – Nsinanawe ti nootteela ni noowooveya.

Icipo 113:3

Okhuma ninkhuma nsuwa mpaka ninkelaayawo Nsina na Yave nittottopeliweke.

Icipo 138:5

Awosa animwiipela soopaka sa Yave, niwoko ovuwa wa Yave ti otokotoko.

Icipo 141:2

Nivekelonaka nikhale ntoko erubani* ohoolowanyu; otheteyawaka matata okhaleke ntoko yooveleela ya ohiyu.

Icipo 45:17

Kinoopwahereriha wuupuweleliwa nyuwo wa khula ekhapira; tivawo miloko sineeraaya sootthapeleni mahuku ootheene.

Icipo 48:10

Soottottopeleyasanyu sookwanela ekotenle elapo – hiiho ntoko Nsinananyu; ntatananyu noolopwana noosareya ororomeleya.

Icipo 48:11

Mwaako Siyoni onghakalala; mittetthe sa oYuda sintthapa niwoko na soolakelasanyu sa ekhaikhai.

Icipo 50:1

Yave, Muluku ooweraxa, onuuluma alattulaka elapo ya vathi okhuma ninkhuma nsuwa mpaka ninkelaayawo.

Icipo 65:9

Nyuwo munkosoopa etthaya murupihelaka epula munathadyiriha woomalela. Nyooloko sa Muluku soosareya maahi weera atthu ekhaleno etrigu, niwoko moolamulela hiiho.

Icipo 67:2

weera iphirosanyu sisuweliwe mweelaponimu nitho ovuluxawanyu variyari wa miloko sootheene.

Icipo 86:9

Miloko sootheene mpattunxaanyu sinoorowa weera silape ohoolowanyu; Ii! Yave seiyo sinoovuwiha Nsinananyu,

Icipo 96:8

Mumvahe Yave ovuwa Nsinanawe nimphwanelaaya; muruuheke sooveleela ni mphiiheke mmapuwanimwawe.

Yesaya 12:4

Vanihukuni nenenenno nyuwo munimweera: “Muntthapele Yave; mwiitthane Nsinanawe, musuwelihe miloko seiye opankaawe ni mulaleiye weera Nsinanawe ti noovuwihiwa.

Yesaya 12:5

Mmwiipele Yave, niwoko oopaka itthu soovuwaxa; musuwelihe yeeyo elapo ya vathi yootheene.

Yesaya 19:21

Vano Yave onimwiisuweliha wa awExipitu ni vanihukuni nenenenno awosa anoosuwela weera Yave taani. Anoottottopela ni sooveleela sa axinama ni etrigu, anoomuroromeliha Yave ni nlipelo, ekwaniheraka seiyo.

Yesaya 30:27

Moone, Nsina na Yave ninrweela ottaiwene, isarasawe sivarelaka ni mahutte ooriipihana a mwiixi; iyanosawe soosareya isara ni nluminawe ti mooro woolaliha.

Yesaya 45:6

weera okhuma ninkhuma nsuwa mpaka ninkelaayawo ootheene esuwele weera khawoworu kihikhanle Miyo. Miyo ti Yave ni khawowo mukina.

Yesaya 54:5

Vano Mpattuxaanyu ori iyinyu – Yave a ikuru sootheene ti Nsinanawe – Ootteela a oYixrayeli ti Mvuluxaanyu. Owo oniitthaniwa Muluku a elapo ya vathi yootheene.

Yesaya 59:19

Okhuma ninkela nsuwa atthu animoova Nsina na Yave ni okhuma ninkhuma nsuwa onoottittimiha ovuwawawe. Vano Owo onimoowa ntoko mirupi soowoopihaxa seettihiwaka ni iphumu sa Yave.

Yesaya 66:18

“Niwoko na mitekosaya ni soovaanyasaya kinimoorwa othukumanyiha miloko ni ipuumba sootheene sa elapo ya vathi ni seiyo sinimoowa, sooneke ovuwawaka.

Yeremiya 10:6

Khawowo onlikana ni Nyuwo, Yave; Nyuwo ti Mutokweenexa ni owera wa Nsinananyu ti otokotoko.

Yeremiya 10:7

Taani aneera ahiwooveni Nyuwo, Mwene a miloko? Woopiha iwo wohoophwanelani. Variyari wa anamiruku ootheene a miloko ni moomwenenimwaya sootheene khawowo onlikana ni Nyuwo.

Yeremiya 4:2

ni nyuwosa mwalipela mwa Nsina na Yave moota woororomeleya, wa ekhaikhai ni wookwanela, vano miloko sinooreelihiwa ni Yoowo ni sinoomvuwiha.”

Daniyeli 2:45

Ela etaphulelo ya moonelo wa nluku naakurukundungwe vamwaako muneenaayaru – nluku nno naanyaannye eyuuma, ebronze*, oloko, eparatha* ni eyuuma yoorikaxa. Muluku Mutokweene oomoonihera mwene yeeyo eneera yeereye muhoolo. Yooloha ti ya ekhaikhai ni etaphulelowaaya ti yoororomeleya.”

Amosi 9:12

weera mulokwaaka omukuxe ohalahanle a wEdomi ni miloko sootheene siri sawaka,” onghima Yave, aneera apake itthu iya.

Mikeyasi 5:4

Owo onimweemela ni onookukhula muhuwaawe mukuruni sa Yave, mootokweeneni wa Nsina na Yave, Mulukwaawe. Hiiho awosa anookhala oolipeene niwoko wunnuwawawe onoophiyera elapo yootheene.

Zefaniya 2:11

Yave onookhala oowoopihaaya aaphwataka miluku sootheene sa mulaponi. Miloko sa elapo yootheene sinoomulapa, khula mutthu mulaponimwawe.

Zefaniya 3:9

Hiiho, kinootteeliha iyano sa miloko weera sootheene iyo siitthane Nsina na Yave, ni simurumeele ni murima mmoha.

Zakariya 8:7

Yave a ikuru sootheene oneera ha: ‘Kinimoopola mulokwaaka mweelaponi sa ninkela nsuwa ni ninkhuma nsuwa.

Malekiya 1:14

“Oolaphiwa akhale yoowo onkilokottha, areeneno mmuhuwoni napunci oohirakala, onroromeliha omveleela, vahoolowaya, anakiveleelela mwaamunama oorakala,” oneera Yave, a ikuru sootheene. “Vano Miyo ti Mwene Mutokweene, ni Nsinanaka nnooviwa eriyari ya miloko.”

Malekiya 3:3

Owo onookilaathi ntoko namatotoxa ni namatteeliha a eparatha*; onimwaatteeliha aLeevi aareherereke ntoko eyuuma yoorikaxa ni eparatha*. Hiiho, anookhala atthu eniimuruuhele Yave sooveleela moororomeleyani.

Nuumeru 7:74

nipoottoro na eyuuma yoorikaxa na ixekeli* muloko, noosareya erubani*;

Matheyo 28:19

Tivawo, murowe ni mwaakhalihe oohusera a amalapo ootheene, mwaapatisaka mwa Nsina na Atiithi, na Mwaana ni na Munepa Wootteela,

Matheyo 8:11

Miyo kinooleelani weera animoowa atthu ancipale ninkhuma nsuwa ni ninkela nsuwa, ni anookilaathi vameesa vamoha ni Abrahaamu, Isaaki ni Yakobe moomweneni wa wiirimu.

Luuka 1:10

Ephiyaka ehuhu yoohisera mwiixi woowunkhelaxa, atthu a muloko wootheene yeera evekelaka vaate.

aRooma 12:1

Tivawo axunnaka, kinoodyoonttelelani niwoko na ikharari sa Muluku, weera mwiileve ntoko yooveleela ya okumi, yootteela ni yoomusiveliha Muluku, niwoko wu ti omurumeelawanyu Muluku woowaakhuleleya.

aRooma 15:16

okhala murummwa a Kristu Yeesu wa amalapo, eyo tiiyo kookhalano muteko wa musaserdoti* olaleiya masu ooreeraxa a Muluku weera amalapo ethatuwe yooveleela yoowaakhuleleya wa Muluku, atteelihiwe ni Munepa Wootteela.

aFilipi 4:18

Kohaakhela sootheene ni sookaattela. Kohaattano woowaakhela wa Epafrodito soovaha seiyo nyuwo mwaarumihalaanyu. Iyo siri yoovaha yoowunkhela yooreera, yooveleela emoha yoowaakhuleliwa ni yoomusiveliha Muluku.

2 aTesalonika 1:12

Hiiho Nsina na Apwiyaahu Yeesu nnivuwihiwe mwa nyuwo, ni nyuwo mwa nenno, mwaha wa mahala a Mulukwaahu ni Apwiya Yeesu Kristu.

1 Timootheyo 2:8

Kintthuna weera alopwana evekele mapuro ootheene, yeemexaka matata ootteela, ehikhalaka ni isara, naari ehinyakhulihanaka.

Ethupululo 11:15

Ndyelo anaathanneeli aahiipa nipalapattanawe, ni yaakhumelela masu matokotoko wiirimu, yeeraka: “Omwene wa elapo ya vathi woothatuwa omwene wa Apwiyaahu ni wa Kristuwaawe, ni Awo eniilamule mahuku ootheene.”

Ethupululo 15:4

Taani aneera ahiwooveni, Apwiya, ni aneera ahivuwihe Nsinananyu? Vano, Nyuwo paahi ti ootteela. Ilapo sootheene nsirwe ni nsilape ohoolowanyu, niwoko mitekosanyu sa ekhaikhai sohooniheriwa.”

Ethupululo 5:8

Yaakhelaka, ikhalelo ixexe sa okumi ni asitokweene miloko miili naaxexe yaakokhorela ohoolo wa Eputtiputthi. Khula mutthu a yaale aakhalano makita ni nyaapu soopakiwa ni eyuuma yoorikaxa soosareya ni mwiixi woowunkhela, mwa yoowo ori mavekelo a atthu ootteela,